02-Aug-2021

ନୟାଗଡ଼, (ପ୍ରଦୀପ କୁମାର ପଣ୍ଡା) ନୟାଗଡ଼ ପୁରୁଣା ସହରରେ ଅବସ୍ଥିତ ବଡ଼ମଠ ମହନ୍ତ ସୁଦାମ ଚରଣ ଦାସଙ୍କ ପରଲୋକ ଘଟିଛି । ଗତ କାଲି ରାତିରେ ଯନ୍ତ୍ରଣା ହେବାରୁ ନୟାଗଡ଼ ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଥିଲା । ଆଜି ଦିନ ୧୦ ଘଟିକା ସମୟରେ ତାଙ୍କର ପରଲୋକ ଘଟିଛି । ରଣପୁର ନିର୍ବାଚନ ମଣ୍ଡଳୀ ତଥା ଓଡ଼ଗାଁ ବ୍ଲକ ଆଙ୍ଗିସିଙ୍ଗି ପଞ୍ଚାୟତରେ ତାଙ୍କର ନିଜ ବାସଗୃହ । ସେ ୧୯୫୨ ମସିହାରୁ ସନ୍ୟାସ ଗ୍ରହଣ କରିଥିଲେ । ସେ ୧୯୬୮ ମସିହାରୁ ବଡ଼ମଠର ମହନ୍ତ ଭାବେ କାର୍ଯ୍ୟ କରୁଥିଲେ । ନୟାଗଡ଼ର ବିଭିନ୍ନ ସାଂସ୍କୃତିକ ସଂଗଠନ ସହିତ ଜଡିତ ଥିଲେ । ଏପରିକି ଦକ୍ଷୀଣକାଳୀ ମନ୍ଦିର କମିଟିର ସଭାପତି ପଦ ସୁଚାରୁ ରୁପେ ତୁଲାଇବା ସହ ଶିବ ପୁଜା କମିଟିର ସଭାପତି ଭାବେ କାର୍ଯ୍ୟ କରିଥିଲେ । ସେ ଜଣେ ମେଳାପି ଓ ସଂସ୍କୃତି ପ୍ରେମୀ ନିଶ୍ଚିତ ଥିଲେ । ନୟାଗଡ଼ ସହରର ପ୍ରତ୍ୟେକ ଗଳିକନ୍ଦିରେ ଜଣେ ପରିଚିତ ବ୍ୟକ୍ତି ଥିଲେ । ତାଙ୍କର ମୃତ ବେଳକୁ ୭୮ ବର୍ଷ ହୋଇଥିଲା । ତାଙ୍କ ବିୟୋଗରେ ନୟାଗଡ଼ ବିଧାୟକ ତଥା ରାଜ୍ୟ ସରକାରଙ୍କ କୃଷି ଓ କୃଷକ ସଶକ୍ତି କରଣ, ମତ୍ସ୍ୟ ଓ ପ୍ରାଣୀ ସମ୍ପଦ ଓ ଉଚ୍ଚଶିକ୍ଷା ମନ୍ତ୍ରୀ ଡ.ଅରୁଣ କୁମାର ସାହୁ ଦୁଃଖ ପ୍ରକାଶ କରିବା ସହିତ ଅମର ଆତ୍ମାର ସଦଗତି କାମନା କରିଥିଲେ । ନୟାଗଡ଼ର ଜଣେ ସଂସ୍କୃତି ପ୍ରେମୀକୁ ହରାଇଲା ବୋଲି ପ୍ରକାଶ କରିଛନ୍ତି । ଏଥି ସହିତ ପୁରୁଣା ସହରର ବାସିନ୍ଦା ସମାଜସେବୀ କିସାନ ଦାସଙ୍କ ସମେତ ବହୁ ବୁଦ୍ଧିଜୀବି, ଆଇନଜିବି, ସମାଜସେବି ଦୁଃଖ ପ୍ରକାଶ କରିଛନ୍ତି ।