29-Jul-2021

କୁଚିଣ୍ଡା(ସଂଜୀବ ପାଣିଗ୍ରାହୀଙ୍କ ରିପୋର୍ଟ): କେନ୍ଦ୍ର ସରକାରଙ୍କ ଯୋଜନା ଅନୁଯାୟୀ ରାଜ୍ୟରେ ପ୍ରତିଷ୍ଠିତ ୨୭ ଟି  ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟ ଭିତରେ କୁଚିଣ୍ଡାରେ ସ୍ଥାପିତ ଏକଲବ୍ୟ ଆବାସିକ ବିଦ୍ୟାଳୟର ଅନ୍ୟତମ ଅଟେ । ଏହି ଶିକ୍ଷାନୁଷ୍ଠାନରେ ଇତି ମଧ୍ୟରେ ଷଷ୍ଠ ଠାରୁ ନବମ ପର୍ଯ୍ୟନ୍ତ ଖୋଲା ଯାଇ କେବଳ ଆଦିବାସୀ ମେଧାବୀ ଛାତ୍ରଛାତ୍ରୀ ପ୍ରତ୍ୟେକ ଶ୍ରେଣୀରେ ଉଭୟ ବର୍ଗର ୬୦ ଜଣ ଲେଖାଏଁ ଅଧ୍ୟୟନ କରୁଛନ୍ତି। କିନ୍ତୁ, ବଡ଼ ଦୁଃଖର ବିଷୟ  ରାଜ୍ୟର ଅନ୍ୟ ସମସ୍ତ ଏକଲବ୍ୟ ଆଦର୍ଶ ବିଦ୍ୟାଳୟ ନିଜସ୍ଵ ଶିକ୍ଷକ ଓ କର୍ମଚାରୀ ନିଯୁକ୍ତ ହୋଇ ଥିବା ବେଳେ ଏହି ଶିକ୍ଷାନୁଷ୍ଠାନରେ ଜଣେ ହେଲେ ନିଜସ୍ଵ ଶିକ୍ଷକ ,ଶିକ୍ଷୟିତ୍ରୀ ବା କର୍ମଚାରୀ ନିଯୁକ୍ତି କରି ପାରି ନାହାଁନ୍ତି ସରକାର । କେତେବେଳେ ରାଜ୍ୟ ସରକାରଙ୍କ ଅନୁସୂଚିତ ଜାତି, ଜନଜାତି ବିଭାଗରୁ ଡେପୁଟେଶନରେ ଆଣି ବା ଅତିଥି ଶିକ୍ଷକଙ୍କୁ ନେଇ ଜେନତେଣ ଚଳେଇ ଆସୁଛନ୍ତି । ଘଟଣାରୁ ପ୍ରକାଶ ଯେ ରାଜ୍ୟରେ ସ୍ଥାପିତ ଅନ୍ୟ ଏକଲବ୍ୟ ବିଦ୍ୟାଳୟ  ସଦୃଶ୍ୟ ଏହି ବିଦ୍ୟାଳୟ ସୁବିଧାରୁ ବଂଚିତ ରହିଛି I ଅବଶ୍ୟ କୁଚିଣ୍ଡା ସ୍ଥିତ ଆଦିବାସୀ ସାମାଜିକ ଓ ସାଂସ୍କୃତିକ ପରିଷଦ ପକ୍ଷରୁ ବର୍ଷକ ତଳେ କୋଭିଡ ପରିସ୍ଥିତିରେ ବି ସ୍ଥାୟୀ ଶିକ୍ଷକ ନିଯୁକ୍ତି ଦାବି କରି  ଗଣ ଧାରଣା ଦେବା ପରେ ଧର୍ମ କୁ ଆଖି ଠାର ପରି  ବହୁଳ ପ୍ରଚାର କରି  କେବଳ ଟି ଜି ଟି ପଦବୀ ପାଇଁ ଇଣ୍ଟଭୁ କରି ଅତିଥି ଶିକ୍ଷକ ଅସ୍ଥାୟୀ ଭାବରେ ନିଯୁକ୍ତି ଦେଇଛନ୍ତି । କିନ୍ତୁ ରାଜ୍ୟ ସ୍ତରୀୟ ଚୟନରେ ବଛା ଯାଇଥିବା  ଓ ରାଜ୍ୟର ବିଭିନ୍ନ ଅଞ୍ଚଳର ଏହି ଶିକ୍ଷକ ଶିକ୍ଷୟିତ୍ରୀ ଙ୍କୁ ଶୋଷଣ କରି ପୂର୍ଣ୍ଣ କାଳୀନ ଶିକ୍ଷାଦାନ ର ସୁଯୋଗ ଦେଉ ନ ଥିବାରୁ ଅଳ୍ପ ପାରିଶ୍ରମିକ ରେ କାର୍ଯ୍ୟ କରିବାର ଆଗ୍ରହ ରଖୁ ନାହାଁନ୍ତି । ସି ବି ଏସ ସି ର ସ୍ଵୀକୃତି ପାଇ ନ ଥିବା ଏଇ ସ୍କୁଲ ଏହି ଉଚ୍ଚ ଶିକ୍ଷିତ ପିଲାଙ୍କୁ ଦେଖାଇ ସ୍ଥାୟୀ ସ୍ଵୀକୃତି ଆଣିବା ପରେ ବିଗତ ବର୍ଷ ପରି ଅନଲାଇନ୍ ଶିକ୍ଷା କିମ୍ବା ଘରକୁ ପ୍ରଶ୍ନ ପଠାଇ ଡାକ ଯୋଗେ ପାଠ ପଢ଼ାଇବା ର ବ୍ୟବସ୍ଥା କରା ଯାଉ ନାହିଁ । ଫଳରେ ରାଜ୍ୟ ସରକାରଙ୍କ ଅନ୍ୟ ସ୍କୁଲ ର ଛାତ୍ର ଛାତ୍ରୀଙ୍କ ପରି ଶିକ୍ଷା ଗ୍ରହଣ ରୁ ବଞ୍ଚିତ ହେଉ ଥିବା ଅଭିଭାବକ ମାନେ ଅଭିଯୋଗ କରିଛନ୍ତି । ଇତି ମଧ୍ୟରେ ଜଣା ଯାଇଛି ଯେ ପୂର୍ବରୁ ଚୟନ ହୋଇ ଥିବା  ଭିତରୁ ଛଅ ଜଣ ପ୍ରାର୍ଥୀ ଜିଲ୍ଲାପାଳଙ୍କୁ ନିଯୁକ୍ତି ଦେବା ପାଇଁ ଅନୁରୋଧ କରିବା ପରେ ନିରାଶ ହୋଇ ହାଇକୋର୍ଟ ର ଆଶ୍ରୟ ନେଇଛନ୍ତି । ଫଳରେ ଜିଲ୍ଲା ପ୍ରଶାସନ ର ନିଷ୍କ୍ରିୟତା ପାଇଁ ଆଇନ ରେ ଛନ୍ଦି ହୋଇ ଥିବା ଶିକ୍ଷକ ନିଯୁକ୍ତି ସେଇ ପରି ଶୂନ୍ୟରେ ରହି ଯିବ କି ବୋଲି ସଚେତନ ମହଲ ପ୍ରଶ୍ନ ଉଠାଇଛନ୍ତି ।