29-Jul-2021

କେନ୍ଦୁଝର(ପ୍ରେରଣା ଖବର ବ୍ୟୁରୋ) : ମୋବାଇଲରେ ଫ୍ରୀ  ଫେୟାର ଗେମ ଖେଳି ଦଶମ ଶ୍ରେଣୀ ଛାତ୍ର ଗୁରୁତର । ଏଭଳି ଅଭାବନୀୟ ଘଟଣା ଘଟିଛି କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକ  ଆଖୁପାଳ ଗ୍ରାମରେ l ଏହି ଗାଁ ର କୁଅଁର ଖଣ୍ଡାଙ୍କ ପୁଅ ଅଗସ୍ତି ଖଣ୍ଡା (୧୫) ମୋନାହାରପୁର ଉଚ୍ଚ ବିଦ୍ୟାଳୟର ଦଶମ ଶ୍ରେଣୀ ର ଛାତ୍ର ପାଠ ପଢୁଥିଲେ । ବାପା କୁଅଁର ଖଣ୍ଡା  ପୁଅ ଅନଲାଇନ ରେ ପାଠ  ପଢିବ ବୋଲି  ସ୍ମାର୍ଟ ମୋବାଇଲ କିଣି ଦେଇଥିଲେ ।।କିନ୍ତୁ ପୁଅ ପାଠ ନ ପଢି ଫ୍ରି ଫ୍ୟାୟର ଗେମ ଖେଳି ମାନସିକ ସ୍ଥିତି ହରାଇ ବସିଥିଲେ । ତାଙ୍କ ଅବସ୍ଥା ଗୁରୁତର ହେବାରୁ  ପ୍ରଥମେ ହରିଚନ୍ଦନପୁର ଗୋଷ୍ଠୀ କେନ୍ଦ୍ର ଓ ପରେ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟ ଆଣିଥିଲେ ।ତେବେ ସ୍ଥିତି ସଂକଟାପନ୍ନ ହେବାରୁ ତାଙ୍କୁ ସଙ୍ଗେ ସଙ୍ଗେ ତୋରାଣି ପୋଖରୀ ୧୦୮  ଆମ୍ବୁଲାନ୍ସ ଯୋଗେ  କଟକ ବଡ଼ ମେଡିକାଲ ସ୍ଥାନାନ୍ତର କରା ଯାଇଛି।