22-Jul-2021

ସୋନପୁର(ମନୋରଞ୍ଜନ ତ୍ରିପାଠୀ) : ସୁବର୍ଣ୍ଣପୁର ଜିଲ୍ଲାର ହଜାର ହଜାର ବିପିଏଲ ଓ ଗରୀବ ଜନସାଧାରଣ ବିଭିନ୍ନ ସମୟରେ ଦୁର୍ଘଟଣା ମାନଙ୍କରେ ପଡି ହାତ ଗୋଡ଼ ଭାଙ୍ଗି ଭିମସାର ବୁର୍ଲା ଡାକ୍ତରଖାନାରେ ଭର୍ତ୍ତି ହେଉଛନ୍ତି। ସେଠାରେ ଅପରେସନ ସମୟରେ ଲାଗୁଥିବା ଷ୍ଟିଲ ରଡ଼ ଓ ଲୁହାର ଅଭାବରୁ ସେମାନଙ୍କୁ ମାସାଧିକ କାଳ ଏଡ଼ମିଟ ହୋଇ ପ୍ରତୀକ୍ଷା କରିବାକୁ ପଡୁଛି।  ରାଜ୍ୟ ତଥା କେନ୍ଦ୍ର ସରକାରଙ୍କ ଠାରୁ ଆସୁଥିବା କୋଟି କୋଟି ଟଙ୍କା ଅନୁଦାନରୁ ଏହି ଅସ୍ତ୍ରୋପଚାର ସାମଗ୍ରୀ  ତୁରନ୍ତ କିଣା ଯାଇ    ଡାକ୍ତରଖାନାରେ ଷ୍ଟିଲ ଓ ଲୁହାକୁ ମହଜୁଦ ରଖିବା ଦାବି ଓ଼  ମୋଟା ଅଙ୍କ ର  ଅର୍ଥ  ଲୋଭରେ ଘରୋଇ ନର୍ସିଂ ହୋମ କୁ  ନେଇ ସେଠାରେ ଚିକିତ୍ସା କରିବା ପାଇଁ ପ୍ରବର୍ତ୍ତlଉଥିବା  ଡାକ୍ତର ଓ଼ ମେଡିକାଲ କର୍ମଚାରୀଙ୍କ  ଦଲାଲରାଜକୁ ବନ୍ଦ କରିବା, କେନ୍ଦ୍ର ଓ ରାଜ୍ୟ ସରକାର ଙ୍କ ଛୁଟି ଦିନ ମାନଙ୍କ ରେ ଵି ସକ୍ରିୟ ଭାବେ   ଓ. ଟି  ସେବାକୁ ଚାଲୁ ରଖିବା  ଏବଂ ଏହି  ଗରିବ ରୋଗୀଙ୍କୁ ଉତ୍ତମ

ଚିକିତ୍ସା ସେବା ଦେବାକୁ   ସୁବର୍ଣ୍ଣପୁର ଜିଲ୍ଳାପାଳଙ୍କ ଜରିଆରେ ଭିମସାର ଅଧିକ୍ଷକଙ୍କୁ  ଆଜି ବିଜେପି ନେତା ବଳଦେବ ବେଦବାକଙ୍କ ନେତୃତ୍ୱରେ  ଏକ  ଉଚ୍ଚସ୍ତରୀୟ ପ୍ରତିନିଧି ଦଳ  ଦାବିପତ୍ର ପ୍ରଦାନ କରିଛନ୍ତି ।  ଖୋଦ ସ୍ୱାସ୍ଥ୍ୟ ମନ୍ତ୍ରୀଙ୍କ  ସହର  ଓ଼  ପଶ୍ଚିମ ଓଡିଶାର ବଡ଼ ବଡ଼  ଟାଣୁଆ ମନ୍ତ୍ରୀ  ମାନଙ୍କ ଅଞ୍ଚଳରେ  ଥିବା ଏହି  ବଡ଼ ମେଡିକାଲ  ସବୁ ବିଭାଗ ର  ଅବ୍ୟବସ୍ଥା  କୁ ଘୋର ସମାଲୋଚନା କରି ଏହା ଏକ ଲଜ୍ଜା ର ବିଷୟ ବୋଲି ଶ୍ରୀ ବେଦବାକ ମତ ରଖିଛନ୍ତି l