19-Jul-2021

ବଲାଙ୍ଗିର,(ପ୍ରେରଣା ଖବର): ବଲାଙ୍ଗିର ମାଲପଡା ସ୍ଥିତ ରାମାସ୍ୱାମୀ ମନ୍ଦିରର ପୁନଃ ନିର୍ମାଣ କାର୍ଯ୍ୟପାଇଁ ବଲାଙ୍ଗିର ବିଧାୟକ ନରସିଂହ ମିଶ୍ର ଭିତ୍ତିପ୍ରସ୍ତର ସ୍ଥାପନ କରିଛନ୍ତି । ସୋମବାର ସକାଳେ ଶୁଭ ଭିତ୍ତିପ୍ରସ୍ତର ସ୍ଥାପନ କାର୍ଯ୍ୟକ୍ରମରେ ବିଧାୟକ ଯୋଗଦେଇ ପୂଜାର୍ଚ୍ଚନା କରିବା ସହ ଭିତ୍ତିପ୍ରସ୍ତର ଦେଇଥିଲେ । ପରେ ମନ୍ଦିର ପରିସରରେ ଆୟୋଜିତ ଏକ ସଭାରେ ମନ୍ଦିରର ପୁନଃନିର୍ମାଣ ପାଇଁ ନିଜ ବିଧାୟକ ପାଣ୍ଟିରୁ ସେ ଖର୍ଚ୍ଚ କରିବେ ବୋଲି ସ୍ଥାନୀୟ ଲୋକଙ୍କୁ ପ୍ରତିଶୃତି ଦେଇଥିଲେ । ଏହା ସହିତ ସ୍ଥାନୀୟ ଲୋକଙ୍କ ସମସ୍ୟା ବିଷୟରେ ବୁଝି ତାର ସମାଧାନ କରିବାକୁ କହିଥିଲେ । ଏହି କାର୍ଯ୍ର‌୍ୟକ୍ରମରେ ରାମାସ୍ୱାମୀ ମନ୍ଦିର ପରିଚାଳନା କମିଟିର ସଭାପତି ଗୋକୁଳ ତରୁଣ , ଉପ ସଭାପତି ଉମାଶଙ୍କର ପଣ୍ଡା , ଯୁଧିଷ୍ଠିର ମିଶ୍ର , ବସୁଦେବ ନାଗ , ରୁତୁ ପଣ୍ଡା , ସୌମ୍ୟଜିତ ସରାଫ , ବୁଲୁ ଦାନି , ନିରଞ୍ଜନ ହାତୀ , ରାଜା ପଣ୍ଡା ,ବ୍ରଜ ମହାପାତ୍ର , ଶଙ୍କର ମାଝୀ , ରବି ମିଶ୍ର , କୁନୁ ବଗର୍ତ୍ତୀ , ଭକ୍ତ ପୋଢ ଙ୍କ ସମେତ ମହିଳା ମଣ୍ଡଳର ସଦସ୍ୟା ମାନେ ଉପସ୍ଥିତ ଥିଲେ ।