19-Jul-2021

ବଲାଙ୍ଗିର,(ପ୍ରେରଣା ଖବର)- ଜିଲ୍ଲା ଆଦିବାସୀ କଲ୍ୟାଣ ସଂଘ ବଲାଙ୍ଗିର ତରଫରୁ ଜିଲ୍ଲାପାଳଙ୍କ ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା ।  ଆଦିବାସୀମାନେ ଦାବି କରିଥିଲେ ଯେ କରୋନା କଟକଣା ଜନିତ ଲକଡାଉନ, ସଟଡାଉନ ସମୟରେ ଆଦିବାସୀମାନଙ୍କୁ କର୍ମନିଯୁକ୍ତି ଅଭାବ ଯୋଗୁଁ ଭୋକ ଉପାସରେ ରହୁଛନ୍ତି, ଆର୍ଥିକ ସହାୟତା ମିଳୁନାହିଁ ।  ଛାତ୍ର ଛାତ୍ରୀମାନଙ୍କ ମୋବାଇଲ ନ ଥିବାରୁ ପାଠ ପଢାରୁ ବଂଚିତ ହେଉଛନ୍ତି ତେଣୁ ଆଦିବାସୀ ଛାତ୍ର ଛାତ୍ରୀମାନଙ୍କୁ ମାଗଣାରେ ମୋବାଇଲ ଦିଆଯାଉ । କୋଭିଡ ପ୍ୟାକେଜରେ ପ୍ରତ୍ୟେକ ଆଦିବାସୀ ପରିବାରମାନଙ୍କୁ ୫ ହଜାର ଟଙ୍କା ଲେଖାଏଁ ଆର୍ଥିକ ସହାୟତା ପ୍ରଦାନ

କରାଯାଉ । କରୋନା ମହାମାରି ଯୋଗୁଁ  ଆଦିବାସୀମାନଙ୍କ ଅର୍ଥନୈତିକ ସ୍ଥିତି ସମ୍ପୁର୍ଣ୍ଣ ଭାବରେ ଭୁଷୁଡି ଯାଇଛି । ଆଦିବାସୀମାନେ ଘୋର ଆର୍ଥିକ ସଂକଟରେ ଅଛନ୍ତି ।  ତେଣୁ ଚଳିତ ଶିକ୍ଷା ବର୍ଷରେ  ମାଟ୍ରିକ ପାଶ କରିଥିବା ଛାତ୍ର ଛାତ୍ରୀମାନଙ୍କ ସରକାରୀ ବେସରକାରୀ କେଲଜ, ଆଇଟିଆଇ, ଡିପ୍ଲୋମା, ଭୋଗେସନାଲ କଲେଜରେ ଏଡ୍‌ମିସନ ଫିଜ ସମ୍ପୁର୍ଣ୍ଣ ଛାଡ କରାଯାଉ । ବିଅଁରପାଲି ଗ୍ରାମରର ଷଷ୍ଠ ଶ୍ରେଣୀ ଛାତ୍ର ରିଙ୍କୁ କନ୍ଧ (୧୨) ଓ ସପ୍ତମ ଶ୍ରେଣୀ ଛାତ୍ର ଅଙ୍କିତ ଚାଖୁ  (୧୩) କୁ  ନିର୍ଯାତନା ଦେଇଥିବା ଅପରାଧିମାନଙ୍କୁ ସଦରଥାନା କେଶ ନଂ.୨୨୨ ତା.୧୧.୦୭.୨୧ ଆଇ.ପି.ସିର ଦଫା ୩୬୩, ୫୦୬, ୩୪ ଏବଂ ଶିଶୁ ଶ୍ରମିକ ନିରୋଧ ଅଧିନିୟମ ୧୯୮୬ ରେ ଅଭିଯୁକ୍ତମାନଙ୍କୁ ଗିରଫ କରାଯାଉ । ବଲାଙ୍ଗିର ସଦର ଥାନା ଅଧିନସ୍ଥ ତାଳଜୁରି ଗାଁର ମଦନା ବରିହାଙ୍କ ପରିବାର ସଦସ୍ୟମାନଙ୍କୁ ଗାଁରେ ଜମିବାଡି (ଝାଙ୍କରୀ ଜମି) ବିବାଦକୁ ନେଇ ଏକ ଘରକିଆ କରିବା ସହ ଗାଁର ଉଚ୍ଚ ବର୍ଗର ଲୋକମାନେ ଶ୍ରୀମତୀ ବରିହା ପରିବାରକୁ ଗାଁର ସର୍ବସାଧାରଣ ସ୍ଥାନ ଯଥା ରାସ୍ତାଘାଟ, ନିଆଁ, ପାଣି, ଦୋକାନ ବନ୍ଦ କରିଛନ୍ତି । ପିଡିତ ପରିବାର ସହିତ ଗାଁର କୌଣସି ବ୍ୟକ୍ତି କଥାବାର୍ତ୍ତା ନ ହେବାକୁ ଘୋଷଣା କରିଛନ୍ତି । ଯିଏ କଥା ହେବ ୧ ହଜାର ଟଙ୍କା ଜରିମାନା ଦଣ୍ଡରେ ଦଣ୍ଡିତ କରିବାକୁ କଙ୍ଗାରୁ କୋର୍ଟରେ ଘୋଷଣା କରାଯାଇଛି । ଉକ୍ତ ଘଟଣାରେ ଏଟ୍ରୋସିଟି ର ପିଡିତା ପରିବାର ବଲାଙ୍ଗିର ସଦର ଥାନାରେ କେସ କରିଛନ୍ତି । ସଦରଥାନା କେସ ସଂ. ୨୩୩/୨୦୨୧ ତା.୧୧.୦୭.୨୦୨୧ ଆଇପିସିର ଦଫା ୨୯୪/୫୦୬ ଏବଂ ଏସ୍‌ଟି / ଏସ୍‌ସି ନିର୍ଯ୍ୟାତନା ନିବାରଣ ଆଇନ ୨୦୧୫ ଧାରା ୩୧ ଆର ଏସ୍ ରେ ମାମଳା ଦାୟର ହୋଇଛି ତେଣୁ ଅପରାଧିମାନଙ୍କୁ ଗିରଫ କରିବାକୁ ଜିଲ୍ଲା ଆଦିବାସୀ କଲ୍ୟାଣ ସଂଘ ଦାବି କରିଛି । ସେହିପରି ସଦରଥାନା ଅଧିନସ୍ଥ ସିଂହାଣିମୁଣ୍ଡା, ମୁରିବାହଲ ଥାନା ଅଧିନସ୍ଥ ସାଲେପଡା, ସଇଁତଲା ଥାନା ଅଧିନସ୍ଥ ଲାଫେର ଗାଁର ଅଭିଯୁକ୍ତମାନଙ୍କୁ ତୁରନ୍ତ ଗିରଫ କରିବାକୁ ଆଦିବାସୀ ସଂଘ ଦାବି କରିଛି । ଜିଲ୍ଲା ପ୍ରଶାସନ ଓ ପୋଲିସ ପ୍ରଶାସନର ପିଡିତ ଆଦିବାସୀମାନଙ୍କ ପ୍ରତି ଅବହେଳା, ଉପେକ୍ଷ, ପାତର ଅନ୍ତରନିତି ପ୍ରଶାସନର ଚରମ

ଉଦାସିନତା, ଆଦିବାସୀଙ୍କ ପ୍ରତି ଘୃଣାଭାବ, ସମ୍ବେଦନହୀନ କାର୍ଯ୍ୟକଳାପକୁ ଆଦିବାସୀମାନେ ଘୋର ନିନ୍ଦା କରିଥିଲେ । ପରେ ଆଦିବାସୀ ସଂଘର ଏକ ପ୍ରତିନିଧି ଦଳ ଜିଲ୍ଲାପାଳ ଏବଂ ଆରକ୍ଷୀ ଅଧିକ୍ଷକଙ୍କ ସହିତ ଆଲୋଚନା କରିଥିଲେ । ଆଲୋଚନାରେ ପଶ୍ଚିମ ଓଡିଶା ଆଦିବାସୀ କଲ୍ୟାଣ ମହାସଂଘର ମହାସଚିବ ନିରଞ୍ଜନ ବିଶି, ସଂଘର କାର୍ଯ୍ୟକାରୀ ସଭାପତି ବନଲତା ମାଝି, ଉପ-ସଭାପତି ଶ୍ୟାମ ସୁନ୍ଦର ଭୋଇ, ବ୍ଲକ ସଭାପତି ବଳଦେବ ଭୋଇ, ସନ୍ତୋଷ ପୁଟା, ରାଜିବ କୁଅଁର, ପତରଙ୍ଗ ମାଝି, ଗିରିଧାରୀ ଭୋଇ, ନିତ୍ୟାନନ୍ଦ ମାଝି ପ୍ରମୁଖ ଅଂଶଗ୍ରହଣ କରିଥିଲେ । ଆନ୍ଦୋଳନରେ ଦେବସିଙ୍ଗ ମାଝି, କୈଳାସ ପ୍ରଧାନି, ଧିନା ଭୋଇ, ପୁରୁଷୋତ୍ତମ ଧରୁଆ, ପ୍ରଫୁଲ୍ଲ ପ୍ରଧାନୀ, ଥବିର ପୁଝାରି, ଭୁବନ ମାଝି, ଅଚ୍ୟୁତ ଧରୁଆ, ନିରଞ୍ଜନ ମାଝି, ଟଙ୍କଧର ଧରୁଆ, ସ୍ୱତନ୍ତ୍ର କନ୍ଦା, ପଦ୍ମିନୀ ମାଝି, ମାହେଶ୍ୱରୀ ମାଝି, ଚଞ୍ଚଳା ମାଝି, ମଦନା ବରିହା ପ୍ରମୁଖ ସାମିଲ ଥିଲେ ।