19-Jul-2021

ବଲାଙ୍ଗିର (ପ୍ରେରଣା ଖବର) : ବଲାଙ୍ଗିର ରେ ମାନ୍ଯବର ମୁଖ୍ଯମନ୍ତ୍ରୀ ନବୀନ ପଟ୍ଟନାୟକଙ୍କ ଅବଦାନରେ ନିର୍ମାଣଧିନ ଥିବା ସିଏନଆଇ ଚର୍ଚ୍ଚ କୁ ପରିଦର୍ଶନ କଲେ ବଲାଙ୍ଗିର ଯୁବନେତା ଅର୍କେଶ ନାରାୟଣ ସିଂହଦେଓ । ସୂଚନାଯୋଗ୍ଯ ଯେ ଗତ ଫେବୃୟାରୀ ମାସ ୨୮ ତାରିଖରେ ମାନ୍ଯବର ମୁଖ୍ଯମନ୍ତ୍ରୀ ନବୀନ ପଟ୍ଟନାୟକ ବିଭିନ୍ନ ଧର୍ମାନୁଷ୍ଠାନ ମାନଙ୍କର ନିର୍ମାଣ ବିକାଶ ତଥା ସୈନ୍ଦର୍ଯ୍ଯକରଣ ପାଇଁ ୨୩ କୋଟି ଟଙ୍କାର ଅନୁଦାନ ଘୋଷଣା କରିଥିଲେ । ତନ୍ମଧ୍ଯରୁ ବଲାଙ୍ଗିର ମିଶନ ପଡିଆ ପାର୍ଶ୍ବର୍ଥ ସିଏନଆଇ ଚର୍ଚ୍ଚ ଏ ଅଞ୍ଚଳର ଖ୍ରୀଷ୍ଟିଆନ ସମ୍ପ୍ରଦାୟର ଏକ ଐତିହସମ୍ପନ ପରିଚୟ ଥିବାବେଳେ ଏହି ଚର୍ଚ୍ଚର ବିକାଶ ଓ ସୌନ୍ଦର୍ଯ୍ଯକରଣ ପାଇଁ ଏହି ଚର୍ଚ୍ଚକୁ ସାମିଲ କରିଥିଲେ । ଏଣୁ ଏହି ଚର୍ଚ୍ଚର ଉନ୍ନତି ପଇଁ ୧ କୋଟି ର ବ୍ଯୟଅଟକଳ କରାଯାଇ ଏକ ନୂତନ ଚର୍ଚ୍ଚ ନିର୍ମାଣ ପାଇଁ ପୁର୍ତ୍ତ ବିଭାଗ ତରଫରୁ ଟେଣ୍ଡର ଡକାଯାଇ କାର୍ଯ୍ଯ ଆରମ୍ଭ ହୋଇଅଛି । ଆଜି ବଲାଙ୍ଗିର ର ଖ୍ରୀଷ୍ଟିଆନ ସମ୍ପ୍ରଦାୟର ବରିଷ୍ଠ ବ୍ଯକ୍ତିବିଶେଷ ମାନଙ୍କ ଅନୁରୋଧ ରକ୍ଷାକରି ଯୁବନେତା ଅର୍କେଶ ନାରାୟଣ ସିଂହଦେଓ ସିଏନଆଇ ଚର୍ଚ୍ଚ କୁ ପରିଦର୍ଶନ କରିଥିଲେ । ଏହି ସମୟରେ ସିଏନଆଇ ଚର୍ଚ୍ଚର ନିର୍ମାଣ କମିଟି ର ସଦସ୍ଯ ଙ୍କ ସହିତ ଆଲୋଚନା କରିଥିଲେ । କମିଟିର

ସଦସ୍ଯ ପ୍ରମୋଦ ବାରିକ , ନରେଶ ମେଥ୍ୟୁସ , ଆଦାମ ଇସମାଇଲ , ଅନୂ ଛତ୍ରୀଆ , ଜ୍ଯୋତିରାଜ ନାଗ , ସରୋଜ ଛତ୍ରିଆ , ଏନ ଗେବିରିଆଲ ଜେମ୍ସ ,ଗାମାଲିୟାଲ ନାଗ , ରାଜୁ ବାଗ , ସାରଦା ନାଗ , ଭଞ୍ଜ କିଶୋର ନାଗ , ପ୍ରମୋଦ ବାଗ ଉପସ୍ଥିତ ଥିବାବେଳେ ଜିଲ୍ଲା ବିଜେଡି ସାଧାରଣ ସମ୍ପାଦକ କୈଳାଶ ଚନ୍ଦ୍ର ମହାନ୍ତି , ଜିଲ୍ଲା ଯୁବ ବିଜେଡି ସଭାପତି ରାଜେନ୍ଦ୍ର ପ୍ରସାଦ ହୋତା , ଜିଲ୍ଲା ଆଇଟି ସଂଯୋଜକ ବିଭୂତି ଭୂଷଣ ମିଶ୍ର ଏବଂ ଉମେଶ ପଣ୍ଡା ସାଥିରେ ଉପସ୍ଥିତ ଥିଲେ ।