18-Jul-2021

ବଲାଙ୍ଗୀର (ସନ୍ତୋଷ କୁମାର ଠାକୁର): କୋଶଲ ରାଜ୍ୟ ସମନ୍ଵୟ ସମିତି ପକ୍ଷରୁ ସ୍ଥାନୀୟ ଯାଦବ ଭବନ ଠାରେ ଆଜି ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି। ପ୍ରଧାନମନ୍ତ୍ରୀ ଆବାସ ଯୋଜନାରେ କୋଶଳାଞ୍ଚଳ ପ୍ରତି ରାଜ୍ୟ ସରକାରଙ୍କ ଉପେକ୍ଷା ଓ ଆଞ୍ଚଳିକ ବୈଷମ୍ୟ ଆଚରଣ ବିରୁଦ୍ଧରେ କୋଶଲ ଯୁବ ସମନ୍ବୟ ସମିତି ପଦଯାତ୍ରା କରି ଦୃଢ ପ୍ରତିବାଦ କରିବ ବୋଲି ସମିତିର କାର୍ଯ୍ୟକାରୀ ସଭାପତି ରିଲୁ ରଥ ସୂଚନା ଦେଇଛନ୍ତି।

    ସୂଚନା ଅନୁଯାୟୀ ପ୍ରଧାନମନ୍ତ୍ରୀ ଆବାସ ଯୋଜନାରେ  ବାତ୍ୟା ପରବର୍ତ୍ତୀ ଅବସ୍ଥାରେ ରାଜ୍ୟ ସରକାର ସମଗ୍ର ଓଡ଼ିଶା ରାଜ୍ୟ ପାଇଁ ପ୍ରାୟ ୮ ଲକ୍ଷ ୧୭ ହଜାର ୪୪୪ଟି ପ୍ରଧାନମନ୍ତ୍ରୀ ଆବାସ ଘୋଷଣା କରିଥିଲେ। ହେଲେ ବରଗଡ, ବଲାଙ୍ଗୀର, ବୌଦ୍ଧ, କଳାହାଣ୍ଡି, କୋରାପୁଟ, ନବରଙ୍ଗପୁର, ରାୟଗଡା, ସମ୍ବଲପୁର ଓ ସୁନ୍ଦରଗଡ ଜିଲ୍ଲାକୁ ସଂପୂର୍ଣ୍ଣ ବାଦ ଦେଇଥିବା ଯୋଗୁଁ ତୀବ୍ର ଅସନ୍ତୋଷ ପ୍ରକାଶ ପାଇଛି । ଆଜି ସ୍ଥାନୀୟ ଯାଦବ ଭବନ ଠାରେ ସାମ୍ବାଦିକ ସମ୍ମିଳନୀରେ କୋଶଲ ସମନ୍ଵୟ ସମିତିର କୋଶଲ ସ୍ୱାଭିମାନ ପାଦ ଯାତ୍ରା ବିଷୟରେ ଆଲୋଚନା କରିଥିଲେ। ଏହି ପଦଯାତ୍ରା ୫ଟି ପର୍ଯ୍ୟାୟରେ ହେବ ବୋଲି ସୂଚନା ଦେଇଥିଲେ ।

  ପ୍ରଥମ ପର୍ଯ୍ୟାୟରେ ଆସନ୍ତା ୨୩ ତାରିଖରୁ କଳାହାଣ୍ଡି ଜିଲ୍ଲା ଭବାନୀପାଟଣା ସହର ସ୍ଥିତ ମା ମାଣିକେଶ୍ବରୀ ମନ୍ଦିରରୁ ପଦଯାତ୍ରା ଆରମ୍ଭ ହୋଇ ବରଗଡ ଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ସମାପ୍ତି ହେବ ବୋଲି କହିଥିଲେ । ଏହି ୬ ଦିଆନିଆ କାର୍ଯ୍ୟକ୍ରମରେ କଳାହାଣ୍ଡି,ବଲାଙ୍ଗୀର ଓ ବରଗଡ ଜିଲ୍ଲାପାଳଙ୍କ ଜରିଆରେ ସରକାରଙ୍କ ଦୃଷ୍ଟି ଆକର୍ଷଣ କରି ହକ୍ ମାଗାଯିବ ବୋଲି KYCC ସାଧାରଣ ସମ୍ପାଦକ ଅଚ୍ୟୁତ ସିପୁନ୍ ଖମାରୀ ସୂଚନା ଦେଇଥିଲେ। ପ୍ରଧାନମନ୍ତ୍ରୀ ଆବାସ ଯୋଜନାରେ ପଛୁଆ ପଶ୍ଚିମାଞ୍ଚଳର ଜିଲ୍ଲାମାନଙ୍କୁ ବାଦ ଦେବା। ରାଜ୍ୟ ସରକାରଙ୍କ ଏତାଦୃଶ ମନୋଭାବକୁ ଦୃଢ ନିନ୍ଦା କରିବା ସହ ଏହା ପଶ୍ଚିମାଞ୍ଚଳ ଲୋକଙ୍କ ସ୍ବାଭିମାନକୁ ଆହ୍ୱାନ ବୋଲି KYCC ଉପସଭାପତି ବିନୋଦ କାଲସାଏ, ଆବାହକ ରଞ୍ଜନ ଖୁଆସ, ବିଶିଷ୍ଟ ଯୁବ କୋଶଲବାଦୀ ଗିରିରାଜ ଭୋଇ ପ୍ରମୁଖ ସମାଲୋଚନା କରିଥିଲେ। ସେହିପରି ଏ ଅଞ୍ଚଳର ସାଂସଦ ଓ ବିଧାୟକ ଲୋକ ପ୍ରତିନିଧିଙ୍କ ଦୁର୍ବଳ ପ୍ରତିବାଦର ସ୍ବର ନିନ୍ଦନୀୟ । ପେସବୁକ୍ ପ୍ରତିବାଦ କାମର ନୁହେଁ ବୋଲି କହିଥିଲେ। କୋଭିଡକୁ ଦୃଷ୍ଟିରେ ରଖି ପରବର୍ତ୍ତୀ ସମୟରେ ଅନ୍ୟାନ୍ୟ ଜିଲ୍ଲାରେ ଆଉ ୫ ଦଫାରେ ପଦଯାତ୍ରା ମାଧ୍ୟମରେ ଜନ ଜାଗରଣ କରି ବିଶାଳ ଜନ ଆନ୍ଦୋଳନ ଯୋଜନା କରାଯିବା ଯୋଜନା ରହିଛି। ଆଞ୍ଚଳିକ ବୈଷମ୍ୟ ଗ୍ରହଣୀୟ ନୁହେଁ ଏଣୁ ଜନ ସାଧାରଣ KYCCର ପ୍ରତିବାଦରେ ପରୋକ୍ଷ ଓ ପ୍ରତ୍ୟକ୍ଷ ସହଯୋଗ ସମର୍ଥନ କରିବା ପାଇଁ ଶ୍ରୀ ରଥ ଅନୁରୋଧ କରିଥିଲେ।