17-Jul-2021

ବିନିକା (ହିମାଂଶୁ ଶେଖର ପୁଟେଲ) : ବିନିକାର ପ୍ରମୁଖ ୫ଗୋଟି ସମସ୍ୟାର ସମାଧାନ ନେଇ ବାରମ୍ବାର ପ୍ରଶାସନ ଓ ସରକାରଙ୍କ ପାଖରେ ଦାବି ଉପସ୍ଥାପନ କରି ଆସୁଥିଲେ ମଧ୍ୟ ଅଦ୍ୟାବଧି ସେହି ସମସ୍ୟା ଗୁଡ଼ିକ ସମାଧାନ କରିବାରେ ବିଫଳ ସରକାର ଯଦି ଆଗାମୀ ୩୦ଦିନ ମଧ୍ୟରେ ପ୍ରମୁଖ ସମସ୍ୟା ଗୁଡ଼ିକ ପୂରଣ ନ କରନ୍ତି ତେବେ ଜୋରଦାର ଆନ୍ଦୋଳନ କରାଯିବ ବୋଲି ବିନିକା ଦଣ୍ଡସନାପଡା ଠାରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଯୁବ ଆଇନଜୀବୀ ତଥା ସୁବର୍ଣ୍ଣପୁର ଜିଲ୍ଲା ବିଜେପିର ପୂର୍ବତନ ଯୁବମୋର୍ଚ୍ଚା ସଭାପତି ପ୍ରଶାନ୍ତ କୁମାର ଦଣ୍ଡସନା ପ୍ରକାଶ କରିଛନ୍ତି l ସେ କହିଛନ୍ତି ଯେ ସରକାରଙ୍କ ଠାରେ ବିଚାରଧୀନ ଥିବା ବିନିକାକୁ ତୁରନ୍ତ ସବ ଡିଭିଜନ ମାନ୍ୟତା ପ୍ରଦାନ ପାଇଁ ଗତ ୭ଏପ୍ରିଲ ୨୦୨୧ ତାରିଖରେ ଜିଲ୍ଲାପାଳଙ୍କ ଜରିଆରେ ମହାମହିମ ରାଜ୍ୟପାଳଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରାଯାଇଥିଲେ ମଧ୍ୟ ଅଦ୍ୟାବଧି ସରକାର ପଦକ୍ଷେପ ନେଇ ନାହାନ୍ତି, ସେହିପରି ଗରିବ ଲୋକଙ୍କ ପାଇଁ କେନ୍ଦ୍ରସରକାର ଯୋଗାଇ ଦେଉଥିବା ପ୍ରଧାନମନ୍ତ୍ରୀ ଆବାସ ଘରରେ ବ୍ୟାପକ ଦୁର୍ନୀତି ହୋଇଥିବା ନେଇ ଗତ ୭ଜୁଲାଇ୨୦୨୧ ରେ ସ୍ଥାନୀୟ ବିଜ୍ଞାପିତ ପରିଷଦ କାର୍ଯ୍ୟନିର୍ବାହୀ ଅଧିକାରୀଙ୍କ ଜରିଆରେ ସୁବର୍ଣ୍ଣପୁର ଜିଲ୍ଲାପାଳଙ୍କ ଉଦ୍ଦେଶ୍ୟରେ ତଦନ୍ତ ଓ କାର୍ଯ୍ୟାନୁଷ୍ଠାନ ପାଇଁ ଦାବିପତ୍ର ପ୍ରଦାନ କରାଯାଇଥଲେ ମଧ୍ୟ ଅଦ୍ୟାବଧି ତାହାର ତଦନ୍ତ ହୋଇନାହିଁ,ହୀରାକୁଦରୁ ଭାୟା ବିନିକା ଦେଇ ସୁବର୍ଣ୍ଣପୁରକୁ ରେଲୱ୍ୱ ସଂଯୋଗିକରଣ ପାଇଁ ବଲାଙ୍ଗୀର ସାଂସଦ ଏଥିପ୍ରତି ଦୃଷ୍ଟି ଦେଇ ମାନ୍ୟବର କେନ୍ଦ୍ରମନ୍ତ୍ରୀଙ୍କ ସହ ଆଲୋଚନା କରି ପଦକ୍ଷେପ ନେବାକୁ ଦାବି କରାଯାଇଛି,ମହାମାରୀ କରୋନା ଯୋଗୁଁ ସାଧାରଣ ଲୋକଙ୍କ ଆର୍ଥିକ ସ୍ଥିତି ଦୟନୀୟ ହୋଇ ପଡ଼ିଥିବା ବେଳେ ଏଭଳି ପରିସ୍ଥିତିରେ ବିଦ୍ୟୁତ ଦରବୃଦ୍ଧି ବୋଝ ଉପରେ ନଳିତା ବିଡା ସଦୃଶ ହୋଇେଛି ତେଣୁ ମାର୍ଚ୍ଚ ମାସରୁ ଜୁଲାଇ ମାସ ପର୍ଯ୍ୟନ୍ତ ଉପଭୋକ୍ତାଙ୍କ ବିଦ୍ୟୁତ ବିଲ ସମ୍ପୂର୍ଣ ଛାଡ କରିବାକୁ ଦାବି,ରବିରିତୁରେ ବଞ୍ଚିତ ଚାଷୀଙ୍କ ଧାନ ତୁରନ୍ତ ସରକାର କିଣନ୍ତୁ ଏବଂ ଚଳିତ ଖରିଫ ଋତୁରେ ଚାଷୀଙ୍କ ପଞ୍ଜିକରଣ କପି ୭ଦିନ ଭିତରେ ପ୍ରଦାନ କରାଯାଉ ଆଦି ପ୍ରମୁଖ ଦାବି ପ୍ରଶାସନ ଓ ରାଜ୍ୟ ସରକାର ତୁରନ୍ତ ସମାଧାନ କରନ୍ତୁ ବୋଲି ଅନୁଷ୍ଟିତ ସାମ୍ବାଦିକ ସମ୍ବିଲନୀ ମାଧ୍ୟମରେ ଶ୍ରୀ ଦଣ୍ତସନା ଅନୁରୋଧ କରିଛନ୍ତି l ଅନୁଷ୍ଟିତ ଏହି ସାମ୍ବାଦିକ ସମ୍ବିଲନୀରେ ସୁବର୍ଣ୍ଣପୁର ଜିଲ୍ଲା ହିନ୍ଦୁ କେଶରୀୟା ବାହିନୀର ଜିଲ୍ଲା ଉପସଭାପତି ଶମ୍ଭୁ ପ୍ରସାଦ ହୋତା,ବିନିକା ବିଜେପିର ପୂର୍ବତନ ନଗର ସଭାପତି ସମ୍ବିତ ନେପାକ,ବିନିକା ବିଜେପି ନଗର ଉପସଭାପତି ଧର୍ମେନ୍ଦ୍ର ସାହୁ,ବିନିକା ବିଜେପି ଅନୁସୂଚିତ ଜାତି ମୋର୍ଚା ସଭାପତି କୃଷ୍ଣଚନ୍ଦ୍ର କୁମ୍ଭାର ପ୍ରମୁଖ ଉପସ୍ଥିତ ଥିଲେ l