17-Jul-2021

ଲୋଇସିଂହା (ବିନୋଦ କୁମାର ଦୀପ) ଗାଇଖାଇ କେନାଲରୁ ରଫାଖାଲକୁ ଯାଇଥିବା କେନାଲରେ ଗତବର୍ଷ 24 ଲକ୍ଷ ଟଙ୍କାରେ କଂକ୍ରିଟ କାନ୍ଥ କାମ କରାଯାଇଥିଲା ହେଲେ ନିମ୍ନ ମାନର କାମ ଯୋଗୁଁ ଚଳିତ ବର୍ଷାରେ ତାହା ଭାଙ୍ଗି ଯାଇଛି l ସେଠାରେ ବର୍ତମାନ ହରବରିଆ ଭାବେ ପୁନଃ ନିର୍ମାଣ କାମ କରାଯାଇଛି l 24 ଲକ୍ଷ ଟଙ୍କାରେ ନିର୍ମିତ କାନ୍ଥ ଗୋଟିଏ ବର୍ଷରେ ଭାଙ୍ଗିଯିବା ଯାହା ନିମ୍ନ ମାନର କାମ 

ହୋଇଥିଵା ଜଣା ପଡୁଛି l ପ୍ରକାଶ ଥାଉକି ଚଳିତ ବର୍ଷ ସ୍ୱଳ୍ପ ବର୍ଷା ଯୋଗୁଁ ଗଜା ମରୁଡି ପରିସ୍ଥିତି ସୃଷ୍ଟି ହେବାକୁ ବସିଲାଣି l ଡ୍ୟାମକାମ ଠିକ ସମୟରେ ସରିପାରି ନାହିଁ ଫଳରେ ଅଙ୍ଗନଦୀ ବନ୍ଧରୁ ପାଣି ଆସୁ ନ ଥିବାରୁ ଗାଇଖାଇ ପ୍ରକଳ୍ପ ଉପରେ ନିର୍ଭର କରି ଆସୁଥିବା ଚାଷୀ  ପାଣି ନ ପାଇବାରୁ ପଲହା ସବୁ ନଷ୍ଟ ହେବାକୁ ବସିଲାଣି l ଏସବୁକୁ ନେଇ ଆଖପାଖ ଗାଁର ଚାଷୀ ଦିଲୀପ ବାରିକ (ଲୁହୂରlମୁଣ୍ଡା), ବିଜୟ କୁମାର ବାବୁ (ଫାଷଡ଼), ପୁରନ୍ଦର ଦାଶ (ସାଲେଭଟା), ଆର୍ତ୍ତ ପଧାନ (ମନୁପାଲୀ), କରୁଣା ସେଠ୍ ସକୁଅଁl ପ୍ରମୁଖ ଅଭିଯୋଗ କରିଛନ୍ତି l ଏମାନଙ୍କ କହିବା ଏହାଯେ କେନାଲ ବିଭାଗରେ ଥିବା ଯନ୍ତ୍ରୀ ଓ ଏସଡିଓ ବଦଳି ହେଲେ ଯେ ଜଳସେଚନ ପ୍ରକଳ୍ପର ସୁବିଧା ଭଲସେ ହେବ l NH-26 କୁ ଲୁହୂରlମୁଣ୍ଡା, ସପୁଆଁ, ମନୁଆପାଲି ତଥା ପଡୋଶୀ ଗ୍ରାମଗୁଡିକୁ ଯୋଗ କରିବାକୁ ଓଡିଶା ସରକାରଙ୍କ ତରଫରୁ ଏକ ପୋଲ ନିର୍ମାଣ କରାଯାଇଛି 1କୋଟି ନଅ ଲକ୍ଷ ବ୍ୟୟ କଳରେ l ହେଲେ ପିଲର ଗୁଡିକର ନିହ ମାତ୍ର ନଅ ଫୁଟ ଗାଡ଼ କରାଯାଇଛି l ଏବେ ପୋଲର ଛାତରେ କେତେକ ସ୍ଥାନରେ ଗର୍ତ୍ତହୋଇ ପାଣି ଲିକେଜ 

କରୁଛି l ଗାଇଖାଇ ପ୍ରକଳ୍ପର  4  କୋଟି 39 ଲକ୍ଷ 91 ହଜାର ଟଙ୍କାର କାର୍ଯ୍ୟ ଚାଲିଥିବା ଉକ୍ତ ମାଟିକୁ ଆଣି ବ୍ରିଜର ଦୁଇ ପାର୍ଶ୍ଵରେ ପକାଯାଇ ମିଥ୍ୟାବିଲ କରାଯାଉଛି ବୋଲି ଅଭିଯୋଗ ହେଉଛି, ଏହି ପ୍ରକଳ୍ପରୁ ବଜେଟରୁ ହିଁ 24 ଲକ୍ଷର କେନାଲ ହୋଇଥିଲା l ଯାହାହେଉ ଉଚ୍ଚ କତୃପକ୍ଷ ଏହିସବୁ ନିମ୍ନମାନର କାମ ପ୍ରତି ଦୃଷ୍ଟିଦେଇ ଉଚିତ ପଦକ୍ଷେପ ଗ୍ରହଣ କରାଯାଉ l