16-Jul-2021

ଉଲୁଣ୍ଡା(ଗୌରଚନ୍ଦ୍ର ପରିଛା) ଉଲୁଣ୍ଡା ବ୍ଲକ ସିନ୍ଦ୍ରିଆବାହାଲ ଗ୍ରାମର ମାଉସୀ ମାଁ ମନ୍ଦିରରେ ଥିବା ଲସ୍ତଲା ଶ୍ରୀଜଗନ୍ନାଥ ମହାପ୍ରଭୁଙ୍କ ବାମନ ଅବତାର  ବେଶ ଅନୁଷ୍ଠିତ ହୋଇଛି । ଲସ୍ତଲା  ଶ୍ରୀଜଗନ୍ନାଥ ମହାପ୍ରଭୁ ନଅଦିନ ପାଇଁ ସିନ୍ଦ୍ରିଆବାହାଲ ଗ୍ରାମକୁ ଅତିଥି ଭାବରେ ପ୍ରତିବର୍ଷ ଆସିଥାନ୍ତି । ସେହିକ୍ରମରେ ମହାପ୍ରଭୁ ଏବେ ସିନ୍ଦ୍ରିଆବାହାଲରେ ଅବସ୍ଥାନ କରୁଛନ୍ତି । ପ୍ରତ୍ୟହ ସେଠାରେ ପୂଜକ ପଦ୍ମନାଭ ପୁଝାରୀ ପାମ୍ପରିକ ପୂଜାର୍ଚନା କରୁଛନ୍ତି । କୋଭିଡ କଟକଣାକୁ ଦୃଷ୍ଟିରେ ରଖି ଭକ୍ତଙ୍କୁ ବାରଣ କରାଯାଇଥିଲେ ମଧ୍ୟ ନିତିକାନ୍ତିରେ ଚାଲୁ ରହିଛି । ତେବେ ଆଜି ହେରା ପଂଚମି ଅବଶରରରେ ଅପରାହ୍ନ ସମୟରେ ପ୍ରଭୁ ବାମନ ଅବତାରରେ ବଳିକୁ ଦାନ ମାଗିବା ବେଶ ହୋଇଥିବା ଜଣାପଡିଛି । ସେହିପରୀ କୋଟସମଲାଇ ସ୍ଥିତ ପାତାଲି ଶ୍ରୀକ୍ଷେତ୍ରରେ ମଧ୍ୟ ଜଗଜନ୍ନାଥଙ୍କ ବାମନ ଅବତାରରେ ଦର୍ଶନ ଦେଇଥିବା ଜଣାପଡିଛି ।