15-Jul-2021

କଳାହାଣ୍ଡି,କୋକସରା(ତ୍ରିନାଥ ବେଶ୍ରା): କଳାହାଣ୍ଡି ଜିଲ୍ଲା କୋକସରା ବ୍ଲକ ରାଷ୍ଟ୍ରୀୟ ଆଦିବାସୀ ଏକତା ପରିଷଦ ପକ୍ଷରୁ ବିଭିନ୍ନ ଦାବି ନେଇ ଆଜି ଧାରଣା ପ୍ରଦର୍ଶନ କରାଯାଇଥିଲା।ଏହା ସହ ରାଷ୍ଟ୍ରୀୟ ଆଦିବାସୀ ଏକତା ପରିଷଦ କୋକସରା ବ୍ଲକ ସଭାପତି ଉପେନ୍ଦ୍ର ଶବରଙ୍କ ନେତୃତ୍ବରେ ଏବଂ ଭାରତ ମୁକ୍ତି ମୋର୍ଚା ରାଜ୍ୟ କାର୍ଯ୍ୟକlୟରୀ ସଭାପତି ଦୁର୍ଯୋଧନ ଜାଲଙ୍କ ଅଧ୍ୟକ୍ଷତାରେ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଏକ ୨୧ ଦଫା ଦାବିପତ୍ର କୋକସରା ତହସିଲଦାରଙ୍କୁ ପ୍ରଦାନ କରାଯାଇଥିଲା।

ଏହି ଦାବିପତ୍ରରେ ଆଦିବାସୀ ମାନଙ୍କ ପରିଚୟ ସମାପ୍ତ କରିବାକୁ ଷଡ଼ଯନ୍ତ୍ର ଚାଲିଛି ଓ ଆଦିବାସୀ ମାନଙ୍କୁ ବିକାଶ ନାଁ ରେ  ବିସ୍ଥାପନ, ଆଦିବାସୀ ମାନଙ୍କୁ ମିଥ୍ୟା ମାମଲା, ଆଦିବାସୀ ମାନଙ୍କ ମୌଳିକ ଅଧିକାର ଉଲଂଘନ କରାଯାଉଛି ବୋଲି ଦାବିପତ୍ର ରେ ଉଲ୍ଲେଖ ରହିଛି।ଏହା ସହ ସାହାଜଖୋଲ ସଂରକ୍ଷିତ ଜଙ୍ଗଲରେ ଆଦିବାସୀ ମାନଙ୍କ ଉପରେ ହୋଇଥିଵା ଆକ୍ରମଣ ଓ ଅତ୍ୟାଚାରକୁ ନିନ୍ଦା କରାଯାଇଛି ।ଏହି ଅବସରରେ ନିରଞ୍ଜନ ମାଝୀ, ଜୟରାମ ମହାନନ୍ଦ, କେଶବ ନିଆଲ, ବ୍ରଜ ନିଆଲ, ଘାସିରାମ ନାଏକ, ଗିରିଧାରୀ ପାଣିଗ୍ରାହୀ ଉପସ୍ଥିତ ଥିଲେ।