15-Jul-2021

ଭୁବନେଶ୍ୱର, ବିଜୁ ଆଦର୍ଶର ମହାନ ପ୍ରବକ୍ତା, ସ୍ରଂଗାମୀ ସୁରେନ୍ଦ୍ର ମିଶ୍ର ଜଣେ ନିଷ୍ଠାପର, ନିର୍ଭୀକ, ଦକ୍ଷ ରାଜନେତା ଥିଲେ । ରାଜନୀତିରୁ ନୀତି, ଆଦର୍ଶ, ସେବା ଏବଂ ଦଳ ପାଇଁ ତ୍ୟାଗକୁ ଆଉ ଗୁରୁତ୍ୱ ଦିଆଯାଉ ନଥିବାରୁ ସୁରେନ୍ଦ୍ର ମିଶ୍ରଙ୍କୁ ଉପଯୁକ୍ତ ମର୍ଯ୍ୟାଦା ମିଳି ନଥିଲେ ମଧ୍ୟ ଜୀବନର ଶେଷ ନିଶ୍ୱାସ ତ୍ୟାଗ ପର୍ଯ୍ୟନ୍ତ ନିଜର ସ୍ୱାଭିମାନକୁ ରକ୍ଷା କରିଥିଲେ । ସମସ୍ତ ପକ୍ରାର ରାଜେନୌତିକ ପ୍ରବଞ୍ଚନା ସତ୍ୱେ ତାଙ୍କର ବ୍ୟକ୍ତିତ୍ୱ ହିଁ ତାଙ୍କୁ ଲୋକଙ୍କ ନେତାର ମର୍ଯ୍ୟାଦା ପ୍ରଦାନ କରିଥିଲା । ରାଜନୀତିରୁ ନୀତି ଏବଂ ସ୍ୱାଭିମାନ ଦୂରେଇ ଯାଉଥିବା ବେଳେ ସୁରେନ୍ଦ୍ର ମିଶ୍ର ଏ କ୍ଷେତ୍ରରେ ପରପିଢୀ ପାଇଁ ଏକ ଦୃଷ୍ଟାନ୍ତ ଏବଂ ପ୍ରେରଣା ହୋଇ ରହିବେ ବୋଲି ଗଡମଧୁପୁରରେ ତାଙ୍କର ଦ୍ୱାଦଶକ୍ରିୟା ଏବଂ ସ୍ମୃତିସଭାରେ ବହୁ ବିଶିଷ୍ଟ ବ୍ୟକ୍ତି ମତ ପ୍ରକାଶ କରିଥିଲେ । 
 ମଧୁପୁରଗଡର ପୂର୍ବତନ ସରପଞ୍ଚ , ବରିଷ୍ଠ ବି.ଜେ.ଡି ନେତା ସୁରେନ୍ଦ୍ର ମିଶ୍ରଙ୍କ ଶ୍ରଦ୍ଧାଞ୍ଜଳୀ ସଭା ତାଙ୍କର ନିଜ ଗ୍ରାମ ଯାଜପୁର ଜିଲ୍ଲାର ଧର୍ମଶାଳା ବ୍ଲକର ଗଡମଧୁପୁରରେ ବୁଧବାର ଅନୁଷ୍ଠିତ ହୋଇ ଯାଇଛି । ସୁରେନ୍ଦ୍ର ମିଶ୍ରଙ୍କ ସ୍ମୃତି କମିଟି ତରଫରୁ ସଭାପତି ସତୀଶ ବିଶ୍ୱାଳଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଯାଜପୁର ଏମ.ପି ସର୍ମିଷ୍ଟା ସେଠୀ ମୁଖ୍ୟ ଅତିଥି ଭାବେ ଯୋଗଦେଇ ସୁରେନ୍ଦ୍ର ମିଶ୍ରଙ୍କ ରାଜନୈତିକ ଜୀବନ ଅନୁକରଣୀୟ ବୋଲି କହିଥିଲେ । ଏଥିରେ ପୂର୍ବତନ ବିଧାୟକ ରବି ଲାବନ୍ୟ ଯୋଗଦେଇ ସୁରେନ୍ଦ୍ର ମିଶ୍ର ଜଣେ ସତସାହସୀ ନେତା ଥିଲେ ବୋଲି କହିଥିଲେ । ମାନସ ରଂଜନ ବିଶ୍ୱାଳ ପ୍ରରମ୍ବିକ ସୂଚନା ପ୍ରଦାନ କରିଥିବା ବେଳେ ଧୀରେନ୍ଦ୍ର ମିଶ୍ର ଧନ୍ୟବାଦ ପ୍ରଦାନ କରିଥିଲେ । ଏହି ଅବସରରେ ସୁରେନ୍ଦ୍ର ମିଶ୍ରଙ୍କ ସ୍ୱୃତି ଉଦ୍ଦେଶ୍ୟରେ ପ୍ରକାଶିତ ପୁସ୍ତକ ‘ସ୍ୱାଭିମାନୀ’ ର ଉନ୍ମୋଚନ କରାଯାଇଥିଲା ।