15-Jul-2021

ବଲାଙ୍ଗିର,(ପ୍ରେରଣା ଖବର)- ବିଜେପି ନେତୃତ୍ୱଧିନ ଏନ୍‌ଡିଏ ସରକାର ର ଦ୍ୱିତୀୟ ପାଳିରେ ପେଟ୍ରୋଲ ଓ ଡିଜେଲ ଦରରେ ଅହେତୁକ ବୃଦ୍ଧି ହେଉଥିବାରୁ ନିତ୍ୟ ବ୍ୟବହାର ଜିନିଷ ଦରଦାମ ଆକାଶଛୁଆ ହେଲାଣି । ପେଟ୍ରୋଲ ଓ ଡିଜେଲ ଉପରେ କେନ୍ଦ୍ର ସରକାର ଓ ରାଜ୍ୟ ସରକାର ମାନେ ମନଇଚ୍ଛା ଭାଟ କର ବସାଉଥିବା ଯୋଗୁଁ ପଟ୍ରୋଲ ଦରଦାମ ହୁତ ହୁତ ବଢିଲାଲିଛି । ଗୋଟିଏ ଦେଶ ଗୋଟିଏ ଟିକସର ନାରା ହେଉଥିବା କେନ୍ଦ୍ର ଓ ରାଜ୍ୟ ସରକାର ନିଜର ରାଜସ୍ୱ ବଢାଇବା ପାଇଁ ପେଟ୍ରୋଲ ଓ ଡିଜେଲକୁ ଜିଏସ୍‌ଟି ପରିସର କରିନାହାନ୍ତି । ତେଣୁ ଆଜି ଅଖିଳ ଭାରତୀୟ ଗ୍ରାହକ ପଞ୍ଚାୟତ ବଲାଙ୍ଗିର ଶାଖା ତରଫରୁ ପେଟ୍ରୋଲ ଓ ଡିଜେଲ ଉପରେ ଜିଏସଟି ଲାଗୁ କରିବାକୁ ଦାବି କରାଯାଇଛି । ପିଏମ୍‌ଓ ଓ ସିଏମ୍‌ଓ ଏକ ସ୍ମାରକପତ୍ର ବଲାଙ୍ଗିର ଜିଲ୍ଲାପାଳଙ୍କ ଜରିଆରେ ଦିଆଯାଇ ବଲାଙ୍ଗିର ଜିଲ୍ଲା ଅଖିଳ ଭାରତୀୟ ଗ୍ରାହକ ପଞ୍ଚାୟତର ସଭାପତି ଗୋପବନ୍ଧୁ ଶତପଥି, ଉପ-ସଭାପତି ମହେଶ୍ୱର ସାହୁ, ଅନ୍ତରାଷ୍ଟ୍ରୀୟ କ୍ରିଡାବିତ୍ ଆନନ୍ଦିନୀ ଦର୍ଜୀ ଓ ବରିଷ୍ଠ ସଦସ୍ୟା ମାଳତି ଉଦ୍‌ଗାତା ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କୁ ଦୁଇଟି ସ୍ମାରକପତ୍ର ମାଧ୍ୟମରେ ପେଟ୍ରୋଲ ଓ ଡିଜେଲକୁ ଡିଏସ୍‌ଟି ପରିସରକୁ ଆଣିବାକୁ ଏବଂ ସାଧାରଣ ଖାଉଟିର ସୁବିଧା ପାଇଁ ଅନୁରୋଧ କରାଯାଇଛି ।