28-Oct-2020

ଉଲୁଣ୍ଡା୨୮ା୧୦(ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା  ଉଲଣ୍ଡା ବ୍ଲକ ପଂଚମହଲା ଗ୍ରାମରେ ସାପ କାମୁଡାରେ ଦୁଇ ଭଉଣୀଙ୍କ ମୃତ୍ୟୁ ଘଟିଛି । ମୃତ ଦୁଇ ଭଉଣୀ ହେଲେ ଗୋପାଲ ଜଗଦଲାଙ୍କ ବଡଝିଅ ନିକିତା (୧୨)  ଓ ସାନ ଝୀଅ ଅର୍ଚ୍ଚିତା (୯) ବୋଲି ଜଣାପଡିଛି । ସୂଚନା ଅନୁଷାରେ ଗତକାଲି ଗୋପାଲଙ୍କ ପରିବାର  ସବୁଦିନ ଭଲି ଖାଇପିଇ ଶୋଇଥିଲେ । ବିଲମ୍ବିତ ରାତ୍ରୀରେ ଏକ ବିଶଧର ସାପ ଗୋପାଲଙ୍କ ବଡଝିଅ ନିକିତାଙ୍କ କାନରେ ଏବଂ ସାନଝିଅ ଅର୍ଚ୍ଚିତାଙ୍କ ଗୋଡରେ କାମୁଡି ଦେଇଥିଲା ।  ଉଭୟଙ୍କୁ ସାପ କାମୁଡିଥିବା ନେଇ  ପରିବାର ଲୋକେ ଜାଣିବା ପରେ ଗୁରୁତର ଅବସ୍ଥାରେ ତାଙ୍କୁ ସୋନପୁର ମୁଖ୍ୟ ଚିକିତ୍ସାଳୟକୁ ନେଇଥିଲେ । ସେଠାରେ ଦାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ ।   ଖବର ପାଇ  ଉଲୁଣ୍ଡା ପୋଲିସ ସୋନପୁର ଦାକ୍ତରଖାନରୁ ଶବ ଜବତ କରି  ଉଭୟଙ୍କ ବ୍ୟବଚ୍ଛେଦ ପରେ ପରିବାରଙ୍କୁ ହସ୍ତାନ୍ତର କରିଛି । ତେବେ  ଗୋଟିଏ ଦିନରେ ଦୁଇ ଭଉଣୀଙ୍କ ମୃତ୍ୟୂ ପରେ ପରିବାର ତଥା ଅଂଚଲରେ ଶୋକର ଛାୟା ଖେଲିଯାଇଛି ।