15-Jul-2021

ବଲାଙ୍ଗିର(ସନ୍ତୋଷ କୁମାର ଠାକୁର) : ସରକାରଙ୍କ ଦରଦାମ ବୃଦ୍ଧି କୁ ନେଇ ୧୫ ଜୁଲାଇ  ସାରା ରାଜ୍ୟରେ ବନ୍ଦ ଡାକରା ଦିଆଯାଇଥିଲା।  ଫଲରେ ଆଜି ବଲାଙ୍ଗୀର ଜିଲ୍ଲା ର ସ୍ଥାନେ ସ୍ଥାନେ ଦୋକାନ ବଜାର ବନ୍ଦ ଥିବା ବେଳେ କେତେକ ସ୍ଥାନରେ ଖୋଲା ରହିଥିବା ଦେଖିବାକୁ ମିଳିଛି। ଏହି ପରିପ୍ରେକ୍ଷୀରେ ବଲାଙ୍ଗୀର ଏସ୍ ୟୁ ସି ଆଇ କମ୍ୟୁନିଷ୍ଟ ଦଳ 
 ଜିଲ୍ଲାପାଲଙ୍କ କାର୍ଯ୍ୟାଳୟ ସମ୍ମୁଖରେ ଦରଦାମ ବୃଦ୍ଧି ପ୍ରତିବାଦରେ  ଧାରଣା ଦେଇଛନ୍ତି । ପେଟ୍ରୋଲ, ଡିଜେଲ ଓ ରନ୍ଧନ ଗ୍ଯାସ ଦର   ବୃଦ୍ଧି କୁ ଦୃଢ଼ ନିନ୍ଦା କରିବା ସହ ଯଥାଶିଘ୍ର ଏଗୁଡିକର ଦର ହ୍ରାସ କରିବା ପାଇଁ ଦାବି କରିଛନ୍ତି। ୟୁ ଏ ପିଏ ଏବଂ ଅନ୍ୟାନ୍ୟ ମିଥ୍ଯା କେସରେ ଅଭିଯୁକ୍ତ ସମସ୍ତ ରାଜନୈତିକ ଏବଂ ସାମାଜିକ କର୍ମୀଙ୍କୁ   ମୁକ୍ତ କରିବା ପାଇଁ ମଧ୍ୟ ଦାବି କରିଛନ୍ତି । ଯଦି ଦାବି ପୂରଣ ନହେଲେ ଏହି ଆନ୍ଦୋଳନ ଉଗ୍ରରୂପ ନେବ ବୋଲି ଚେତାବନୀ ଦେଇଛନ୍ତି। ଏସ୍ ୟୁ ସି ଆଇ କମ୍ୟୁନିଷ୍ଟ ର ଜିଲ୍ଲା କମିଟି ସମ୍ପାଦକ ସୁନୀଲ ଭୋଇ, ରାଜେନ୍ଦ୍ର ରଣା, ଯୁଗେ ରଣା ଓ ଅନ୍ୟାନ୍ୟ ସଦସ୍ୟ ଏହି ଧାରଣାରେ ଉପସ୍ଥିତ ରହି ସମର୍ଥନ କରିଥିଲେ।