15-Jul-2021

ଟିଟିଲାଗଡ,(ପ୍ରେରଣା ଖବର) : ଦିନକୁ ଦିନ ଟିଟିଲାଗଡ ଅଞ୍ଚଳରେ ବେଆଇନ କାରବାର ବୃଦ୍ଧି ପାଇବାରେ ଲାଗିଛି । ସହରରେ ଦେଶୀ,ବିଦେଶୀ ମଦ ବିକ୍ରି,ବିଭିନ୍ନ ସ୍ଥାନରେ ଜୁଆଖେଳ, ସଟାଖେଳ, ଦେହ ବ୍ୟବସାୟ,ଚୋରୀ, ରାହା ଜାନୀ, ଡକାୟତି ସହ ବିଭିନ୍ନ ଅସାମାଜିକ କାର୍ଯ୍ୟକଳାପ ବୃଦ୍ଧି ପାଇବା ନେଇ ଜନ ଅସନ୍ତୋଷ ବୃଦ୍ଧି ପାଉଛି  । ବିଶେଷ କରି ଦେଶୀ,ବିଦେଶୀ ମଦ ବିକ୍ରି ଓ ମାତ୍ରାଧିକ ଭାବେ ଦେଶୀ ମଦ ଘରେଘରେ କୁଟୀର ଶିଳ୍ପ ପରି ବିକ୍ରି କରି ଦୋକାନୀ ବେଶ ଲାଭବାନ ହେଉଥିବା ବେଳେ ଜରି ପ୍ୟାକେଟରେ ବତକ ଓ ମାଛ ଚିହ୍ନ ଥିବା ମଦ ରେ ଅଧିକ ଲାଭ ପାଇଥାନ୍ତି । ମାଛ ଚିହ୍ନ ଥିବା ମଦ ପ୍ୟାକେଟ ୩୦ ଟଙ୍କାରେ ବେଆଇନ ଭାବେ କୁଚିଆ ଦୋକାନୀ ଆଣି ୬୦ ଟଙ୍କା ରେ ବିକ୍ରି କରିଥାନ୍ତି । ସେହିପରି ବତକ ଚିନ୍ହ ଥିବା ମଦ ପ୍ୟାକେଟ ୨୦ ଟଙ୍କାରେ ଭାଟି ରୁ ଆଣି ୪୦ ଟଙ୍କା ରେ ବିକ୍ରି କରିଥାନ୍ତି । ଏହି ପ୍ୟାକେଟ ମାଦ କୁ ଅଧିକ ନିଶା ଯୁକ୍ତ କରିବା ପାଇଁ ୟୁରିଆ ସାର ମିସାଯାଉଥିବା ଅଭିଯୋଗ ବାରମ୍ବାର ହୋଇ ଆସୁଛି । ଲୋକେ  ପିଇ ଅଭ୍ୟସ୍ତ ହୋଇଯାଉ ଥିବା ବେଳେ ମଦ ପିଇ କିଛି ନ ଖାଇବା ଓ ଦୁଇ ତିନି ମାସ କ୍ରମାଗତ ପାଇ ଗୁରୁତର ଅସୁସ୍ଥ ହୋଇଯିବା ନିୟମିତ ଦେଖାଯାଉଛି । ଏପରି ଅନେକ ମୃତ୍ୟୁର ଶିକାର ହୋଇଚାଲିଛନ୍ତି । ଏହି ମଦ କାରବାର ତଥା ଜୁଆ ଖେଳ ଓ ଏକ ଟଙ୍କା ରେ ୮୦ ଟଙ୍କା ପାଇବା ଲୋଭରେ ସ୍କୁଲ, କଲେଜ ଛାତ୍ରଛାତ୍ରୀ ଙ୍କ ଠୁ ନେଇ ସବୁ ବର୍ଗର ଲୋକେ ଖେଳରେ ଅଭ୍ୟସ୍ତ ରହିବା ଦେଖାଯାଉଛି । ଖୋଲାଖୋଲି ଭାବେ ଏହି ସବୁ କାରବାର  ଚାଲିବା ସହ ଅନୁରୂପ ଭାବେ ସହର ଓ ଆଖପାଖ ଅଞ୍ଚଳରେ ଏହି ବେଆଇନ କାରବାର ଯୋଗୁଁ ସାଧାରଣ ଜନଜୀଵନ ଅସ୍ତବ୍ୟସ୍ତ ହୋଇପଡୁଥିବା ବୁଦ୍ଧିଜୀବୀ ମହଲରେ ଅସନ୍ତୋଷ ଦେଖା ଦେଇଛି । ଏ ନେଇ ବିଭାଗୀୟ ପ୍ରଶାସନ ପକ୍ଷରୁ କୌଣସି ପ୍ରକାର ପଦକ୍ଷେପ ଗ୍ରହଣ ନ କରିବା ପେଟ୍ରୋଲିଂ ନ ହେବା ଯୋଗୁଁ ଏହି ଅସାମାଜିକ କାର୍ଯ୍ୟକଳାପ ବୃଦ୍ଧି ପାଉଛି । ଟିଟିଲାଗଡ ସହରର ହାଟପଦା ପଡା,ସିରଭଟା ପଡା,ବ୍ଲକପଡା, ଝାଙ୍କର ପଡା,ଦେଉବନ୍ଦପଡା,ସର୍ଗିଗୁଡା, ମଦ ଭାଟିପଡା,ହାଇସ୍କୁଲ ପଡା,ମାଲଗୋଦାମ ପଡା ପରି ଅନେକ ସ୍ଥାନରେ ଖୋଲା,ଖୋଲି ଦେଶୀ ମଦ ବେଆଇନ ଭାବେ ଭାଟି ରୁ ଆଣି ଘରେ,ଘରେ କୁଟୀର ଶିଳ୍ପ ପରି ବିକ୍ରି ଚାଲୁଥିବା ଓ ଅଧିକ ଲାଭ ଯୋଗୁଁ ବିକ୍ରି କରି ବେଶ ଲାଭବାନ ହେଉଥିବା ବେଳେ ପିଇବା ଲୋକ ର ଅକାଳ ମୃତ୍ୟୁ ଘଟୁଛି । ଜୁଆଖେଳ ସହ ଅନୁରୂପ ଭାବେ ସଟା ଏଜେଣ୍ଟ ଓ ଗଦିଦାର  ବେଧଡ଼କ ଏହି ଖେଳ ରେ ଅର୍ଥ ରୋଜଗାର କରି ଆସୁଛନ୍ତି । ଏହି ସଟା ମହିଳା ଓ ଛାତ୍ର, ମନ୍ଧ୍ୟ ଖେଳିବା ରେ ଅବ୍ୟସ୍ତ ଅଛନ୍ତି । ଫଳରେ ସହରରେ ନାନା ଅସାମାଜିକ କାର୍ଯ୍ୟକଳାପ ବୃଦ୍ଧି ଯୋଗୁଁ ରାସ୍ତାରେ ମହିଳା ଓ ସାଧାରଣ ଚାଲିବା ସୁରକ୍ଷିତ ମନେ କରୁନାହାନ୍ତି । ବିଗତ ଦିନରେ କିଛି ଅସାମାଜିକ ଯୁବକ ନିଜକୁ ପୋଲିସ ବୋଲି ପରିଚୟ ଦେଇ ଲୁଟ,ତରାଜ,ଠକେଇ କରି ଆସୁଥିବା ବେଳେ ଏ ନେଇ ଟିଟିଲାଗଡ ଥାନାରେ କେତୋଟି ମାମଲା ରୁଜ୍ଜୁ ହୋଇଥିବା ସତ୍ୱେ ପୋଲିସ ଆଜି ସୁଦ୍ଧା ଗିରଫ କରି ପାରିନାହିଁ । ପ୍ରକାଶ ଯେ ସହର ରେ ମାତ୍ରାଧିକ ଭାବେ ଏହି ବେଆଇନ ଅସାମାଜିକ କାର୍ଯ୍ୟକଳାପ ବୃଦ୍ଧି ନେଇ ତୁରନ୍ତ ନୂତନ ଥାନା ଅଧିକାରୀ ଭାବେ ଯୋଗ ଦେଇଥିବା ରଞ୍ଜନ ବରିହା ତଥା ଟିଟିଲାଗଡ ଉପଖଣ୍ଡ ଆରକ୍ଷୀ ଅଧିକାରୀ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବା ନିମନ୍ତେ ବିଭିନ୍ନ ମହଲ ରୁ ଦାବୀ ହେଉଛି ।