15-Jul-2021

କଳାହାଣ୍ଡି,ଜୁନାଗଡ଼(ତ୍ରିନାଥ ବେଶ୍ରା): କଳାହାଣ୍ଡି ଜିଲ୍ଲା ଜୁନାଗଡ଼ ବ୍ଲକ ରାଜପୁର ଗାଁ ର ଯାଜ୍ଞସେନୀ ପୁଝାରୀ ସେହି ଗାଁ ର  ସଚିଦାନନ୍ଦ ନାଏକଙ୍କୁ ଆଠ ବର୍ଷ ତଳେ ପ୍ରେମ ବିବାହ କରିଥିଲ l ଏହି ବିବାହକୁ ଯାଜ୍ଞସେନୀଙ୍କ ପରିବାର ଗ୍ରହଣ କରିନଥିଲେ l ତାଙ୍କୁ ସାମାଜିକ ବାସନ୍ଦ ମଧ୍ୟ କରିଥିଲେ l ସାମାଜିକ ବାସନ୍ଦ ଯୋଗୁ ସେମାନେ ଅଲଗା ରହୁଥିଲେ l ଏଥିଯୋଗୁ  ସଚ୍ଚିଦାନନ୍ଦ ମାନସିକ ଚାପରେ ରହୁଥିଲେ ଓ ମାନସିକ ଭାରସାମ୍ୟ ହରାଇ ଗତ ବର୍ଷ ସେପ୍ଟେମ୍ବର ୫ ତାରିଖ ଦିନ ଆତ୍ମହତ୍ୟା କରିଥିଲେ l ଏହାପରେ ଯାଜ୍ଞସେନୀ ମଧ୍ୟ ଭାଙ୍ଗିପଡି ଥିଲେ l ଜୁନାଗଡ଼ ପୋଲିସ ସହାୟତରେ ତାଙ୍କୁ ଓ ତାଙ୍କର ୨ ଛୁଆ ଧରିତ୍ରୀ ଓ ଲିପାନସିଙ୍କୁ ଉଦ୍ଧାର କରି ଧର୍ମଗଡ଼ ସଟ ଷ୍ଟେ ହୋମ୍ ରେ ରଖା ଯାଇଥିଲା l କିନ୍ତୁ ସେ ତାଙ୍କର  ଘରକୁ ନେଇ ଛାଡିଦେବାପାଇଁ ଅନୁରୋଧ କରିଥିବାରୁ ତାଙ୍କୁ ଗତ ମେ ମାସ ୩0 ତାରିଖ ଦିନ ତାଙ୍କର ଘର ରାଜପୁରକୁ ଆଣି ଛାଡି ଥିଲେ l  ତାଲାବନ୍ଦ ହେତୁ ଚଳିବା ପାଇଁ ତାଙ୍କ ପକ୍ଷେ ସମ୍ଭବ ନଥିଲା l ସାମାଜିକ ବାସନ୍ଦ ଯୋଗୁ ତାଙ୍କୁ କେହି ପଚାରୁ ନଥିବା ବେଳେ ରହିବା ଖାଇବାପାଇଁ ସେମାନଂକୁ ବହୁତ ହଇରାଣ ହେବାକୁ ପଡୁଥିଲା l ଏହି ଖବର ବିଭିନ୍ନ ଗଣମାଧ୍ୟମରେ ପ୍ରକାଶିତ ହୋଇଥିଲା l ସ୍ଥାନୀୟ ସ୍ବେଛାସେବୀ  ତଥା ଯୁବ ସମାଜସେବୀ ଯଶୋବନ୍ତ ରଣାଙ୍କୁ ଫୋନ ଯୋଗେ ଜଣେଇଥିଲ l ଏହି ସମସ୍ୟାକୁ ଯୁବ ସମାଜସେବୀ ଯଶୋବନ୍ତ ରଣା ଜୁନାଗଡ଼ ବ୍ଲକ ପ୍ରଶାସନ, କଳାହାଣ୍ଡି ଜିଲ୍ଲାପାଳ, ମୋ ସରକାର ଙ୍କୁ ଟ୍ୱିଟର ଯୋଗେ ଅଭିଯୋଗ କରିଥିଲେ l ଅଭିଯୋଗ ପାଇ ଜିଲ୍ଲା ଶିଶୁ ସୁରକ୍ଷା ୟୁନିଟ ର ଏକ ପ୍ରତିନିଧି ଦଳ ତଦନ୍ତ ପାଇଁ ରାଜପୁର ଗାଁ ରେ ପହଂଚିଥିଲେ l ସମସ୍ତ ତଥ୍ୟ କୁ ଅନୁଧ୍ୟାନ କରି ସେମାନଙ୍କୁ ଥଇଥାନ କରିବା ପାଇଁ ନିଷ୍ପତ୍ତି ନେଇଥିଲେ l ଯାଜ୍ଞସେନୀଙ୍କ ମାନସିକ ସ୍ଥିତି ଠିକ ନଥିବାରୁ ତାଙ୍କୁ ଧର୍ମଗଡ଼ ସ୍ଥିତ ପ୍ରେମଦାନ ଆଶ୍ରମରେ  ରଖାଯିବା ସହ ତାଙ୍କର ଚିକିତ୍ସା କରିବା ପାଇଁ ନିଷ୍ପତ୍ତି ନେଇଥିଲେ l ସେହିପରି ଦୁଇ ଛୁଆଙ୍କୁ ଭବାନୀପାଟଣା ସ୍ଥିତ ନେହେରୁ ସେବାକେନ୍ଦ୍ରା ଠାରେ ରଖି ତାଙ୍କ ପଢ଼ିବାର ବ୍ୟବସ୍ଥା ସହ ତାଙ୍କର ସମସ୍ତ ସୁରକ୍ଷା ଜିଲ୍ଲା ଶିଶୁ ସୁରକ୍ଷା ୟୁନିଟ ବୁଝିବା ନିଷ୍ପତ୍ତି ନେଇଛନ୍ତି l ଯାଜ୍ଞସେନୀ ଭଲ ହୋଇ ଘରକୁ ଫେରିଲେ ତାଙ୍କ ନାଁ ରେ ଗୋଟିଏ ଘର ଦେବା ସହ ରାସନ କାର୍ଡ ଦେବାକୁ ଜୁନାଗଡ଼  ଗୋଷ୍ଠୀ ଉନୟନ ଅଧିକାରୀଙ୍କୁ ନିର୍ଦେଶ ଦେଇଛନ୍ତି l ଏହି ସମୟରେ ଜିଲ୍ଲା ଶିଶୁ ସୁରକ୍ଷା ୟୁନିଟ ର ସଦସ୍ୟ, ଜୁନାଗଡ଼ ବି.ଡି.ଓ, ସ୍ଥାନୀୟ ସମାଜସେବୀ ଉପସ୍ଥିତ ଥିଲେ l ଏହି ଅସହାୟ ପରିବାରକୁ ଟ୍ୱିଟର ମାଧ୍ୟମରେ କିଛି ସହାୟତା କରିଥିବାରୁ ଖୁସି ଥିବା କଥା କହିଛନ୍ତି l ସମାଜସେବୀଙ୍କ ଏହିପରି ଉଦ୍ୟମକୁ ସମସ୍ତେ ପ୍ରଶଂସା କରିଛନ୍ତି l