27-Oct-2020

ଭୁବନେଶ୍ବର(ପ୍ରେରଣା ଖବାର)ବୁମ୍ ଦେଖାଇ ଦାଦା ବଟି ପାର୍ଟ-୨ । ସାମ୍ବାଦିକ ନାଁରେ ଦଲାଲ ମାଗୁଥିଲେ ଲକ୍ଷେ ଟଙ୍କାର ବଟି । ୬ ସାମ୍ବାଦିକ ଗିରଫ ପରେ ସାହସ ଜୁଟାଇ ପୋଲିସ ପାଖରେ ଅଭିଯୋଗ କଲେ ଘିଅ କମ୍ପାନୀ ମାଲିକ । ସିସିଟିଭି ଫୁଟେଜ ଆଧାରର ପୁଲିସର ତଦନ୍ତ!!ସାମ୍ବାଦିକର ପରିଚୟ ଦେଇ ରାଜଧାନୀରେ ଦଲାଲ ଓ ଦୁର୍ବୃତମାନେ ଲୁଟପାଟ କରୁଛନ୍ତି । ଏଭଳି ଅଭିଯୋଗରେ ଗତକାଲି ଗୋଟିଏ ୱେବ୍ ଚ୍ୟାନେଲର ୬ ସାମ୍ବାଦିକ ଗିରଫ ହୋଇ ଜେଲ ଯାଇଥିବାବେଳେ ଆଜି ସମାନ ଅଭିଯୋଗ ଆଣିଛନ୍ତି ଆଉ ଜଣେ ବ୍ୟବସାୟୀ । ଏନେଇ ଥାନାରେ ଲିଖିତ ଅଭିଯୋଗ ପରେ କାରଖାନାରେ ଲାଗିଥିବା ସିସିଟିଭି ଫୁଟେଜକୁ ଜବତ କରି ଫୁଟେଜ ଆଧାରରେ ତଦନ୍ତ ଆରମ୍ଭ କରିଛି ପୁଲିସ! ଯେପର୍ଯ୍ୟନ୍ତ ପରଦା ଆଢୁଆଳରେ ସବୁ କିଛି ଚାଲିଥିଲା, କିଛି ଜଣାପଡୁନଥିଲା । କ୍ୟାମେରା, ବୁମ୍ ଓ ଗାଡ଼ି ଧରି ସାମ୍ବାଦିକର ପରିଚୟ ଦେଇ ବେଧଡକ୍ ଚାଲିଥିଲା ଦଲାଲଗିରି । ଯାହାକୁ ଟାର୍ଗେଟ୍ କରୁଥିଲେ, ତାକୁ ଲୁଟୁଥିଲେ । ହେଲେ, ୬ ଜଣ ନକଲି ସାମ୍ବାଦିକ ଗିରଫ ହେବା ପରେ ଫିଟୁଛି ଗୋଟିଏ ପରେ ଗୋଟିଏ ନକଲି ସାମ୍ବାଦିକଙ୍କ ଗୁମର!! ତମାଣ୍ଡୋ ଅଂଚଳରେ ଥିବା ଲକ୍ଷ୍ମୀ ଫୁଡ ପ୍ରଡକ୍ଟ କାର୍ଯ୍ୟାଳୟରେ ପୁଲିସ୍ ଟିମ୍ର ତଦନ୍ତ ପଛରେ ରହିଛି, ସେମିତି ଏକ କାହାଣୀ, ଯାହା ପୂର୍ବରୁ ସାମ୍ନାକୁ ଆସିଥିଲା!!କଂପାନୀର ମାଲିକ ଯତୀନ କୁମାର ସାହୁଙ୍କୁ ଧମକ ଚମକଚମକ୍ ଦେଇ ଦଲାଲ୍ମାନେ ଲୁଟି ନେଇଛନ୍ତି ୧ଲକ୍ଷ ଟଙ୍କା । ଅପମିଶ୍ରିତ ଘିଅ ବିକ୍ରି କରାଯାଉଛି ଏବଂ ଟିଭିରେ ଦେଖାଇ ଦେବୁ ବୋଲି ଧମକ ଦେଇଥିଲେ । ବ୍ୟବସାୟ ଉପରେ ଏହାର ପ୍ରଭାବ ପଡ଼ିବା ଆଶଙ୍କା କରି ଟଙ୍କା ଦେଇ ଦେଇଥିଲେ ଯତିନ ସାହୁ । ଆଉ ଯେତେବେଳେ ୬ଜଣ ନକଲି ସାମ୍ବାଦିକ ଗିରଫ ହେଲେ ଯତୀନଙ୍କ ସାହସ ଆସିଲା । ଆଉ ଏନେଇ ଥାନାରେ ଅଭିଯୋଗ କରିଥିଲେ ଏହି ବ୍ୟବସାୟୀ!!*