27-Oct-2020

ପାଟଣାଗଡ଼-(ପ୍ରେରଣା ଖବର) ଆଜି ଅପରାହ୍ନରେ ଉପଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଉପଖଣ୍ଡ ପ୍ରଶାସନ ପକ୍ଷରୁ ତହସିଲଦାର ଡ. ପୁଷ୍ପାରାଣୀ ପଣ୍ଡାଙ୍କ ଅଧ୍ୟକ୍ଷତାରେ ଦୁର୍ନୀତି ନିବାରଣ ସଚେତନତା  ସପ୍ତାହ ଉଦ୍ଦେଶ୍ୟରେ ଶପଥ ପାଠ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ସଚେତନତା ସପ୍ତାହ ଅକ୍ଟୋବର ୨୭ ତାରିଖ ଠାରୁ ଆରମ୍ଭ ହୋଇ ନଭେମ୍ବର ୨ ତାରିଖ ଯାଏ ଚାଲିବ । ସଚେତନତା ସପ୍ତାହର ପ୍ରଥମ ଦିନରେ ଉପଜିଲ୍ଲାପାଳ ଓ ତହସିଲ ଆଦି କାର୍ଯ୍ୟାଳୟର ଅଧିକାରୀ ଓ କର୍ମଚାରୀ ମାନେ ଉପସ୍ଥିତ ରହି ଦୁର୍ନୀତି ବିରୋଧରେ ଶପଥ ପାଠ କରିଥିଲେ । ଏହି ଶପଥ ପଠା ଉତ୍ସବରେ ସହକାରୀ ଜିଲ୍ଲାପାଳ କ୍ଷୀରୋଦ କୁମାର ସାହୁ, ଅତିରିକ୍ତ ଜିଲ୍ଲା ମଙ୍ଗଳ ଅଧିକାରୀ ଡ. ନନ୍ଦ କିଶୋର ତାଣ୍ଡି, ଉପଖଣ୍ଡସ୍ତରୀୟ ସୂଚନା ଓ ଲୋକ ସଂପର୍କ ଅଧିକାରୀ ରୀତା ବଳିଆର ସିଂହ, ତହସିଲ ଅଫିସର ମୁଖ୍ୟ କିରାଣୀ ଅନିରୁଦ୍ଧ ବୁଡେକ, ନାଜିର ଯଶୋବନ୍ତ କୁମ୍ଭାର, ଲମ୍ବୋଦର ଭୋଇ, ସବିତା କୁମ୍ଭାର, ପ୍ରଶାନ୍ତ ଦାଶ, ନଳିନୀକାନ୍ତ କହାର, ଗୀତାଞ୍ଜଳି ପ୍ରଧାନ, ଜସ୍ମିନ ମେହେର, ପୀତବାସ ରାଉତ, ଆର୍‌ଆଇ ଦୁର୍ଯ୍ୟୋଧନ ପ୍ରଧାନ, ତପନ କୁମାର ମହାନନ୍ଦରଜନୀ ମେହେର, ସୁରଭି ଧରୁଆ, କୃପା ନାଗ ପ୍ରମୁଖ ଉପସ୍ଥିତ ରହି ଶପଥ ପାଠ କରିଥିଲେ । ଉପଖଣ୍ଡ ଅଧୀନସ୍ଥ ସମସ୍ତ କାର୍ଯ୍ୟାଳୟରେ ଏପରି ଶପଥ ପାଠ ଉତ୍ସବ ଅନୁହ୍‌ଠିତ ହୋଇଥିଲା । ଶେଷରେ ଉପଖଣ୍ଡସ୍ତରୀୟ ସୂଚନା ଓ ଲୋକ ସଂପର୍କ ଅଧିକାରୀ ରୀତା ବଳିଆର ସିଂହ ଧନ୍ୟବାଦ ଅର୍ପଣ କରିଥିଲେ ।