04-Jul-2021

ବିନିକା (ହିମାଂଶୁ ଶେଖର ପୁଟେଲ) : ସୁବର୍ଣ୍ଣପୁର ଜିଲ୍ଲା ପ୍ରଶାସନ ଓ ଜିଲ୍ଲା ସ୍ୱାସ୍ଥ୍ୟ ବିଭାଗ  ତରଫରୁ ଆସନ୍ତାକାଲି  ୦୫/୦୭/୨୧ ରୁ  ତା ୦୬/୦୭/୨୧ ଦୁଇଦିନ ଧରି ଜିଲ୍ଲାର ବିଭିନ୍ନ ବ୍ଲକ ଓ ସୋନପୁର ମ୍ୟୁନିସିପାଲିଟି ରେ ବ୍ୟବସ୍ଥିତ ୪୩ କେନ୍ଦ୍ର ରେ, ଯଥା ବୀରମହାରାଜପୁର ବ୍ଲକରେ ୦୭ଟି କେନ୍ଦ୍ର,ଉଲୁଣ୍ଡା ବ୍ଲକରେ ୦୫ଟି କେନ୍ଦ୍ର,ସୋନପୁର ବ୍ଲକରେ ୦୭ଟି କେନ୍ଦ୍ର,ବିନିକା ବ୍ଲକରେ ୦୭ଟି କେନ୍ଦ୍ର,ତରଭା ବ୍ଲକରେ ୦୬ଟି ଟୀକା କେନ୍ଦ୍ର ଏବଂ ଡୁଙ୍ଗୁରିପାଲି ବ୍ଲକରେ ୦୭ଟି କେନ୍ଦ୍ର,ଏବଂ ସୋନପୁର ମ୍ୟୁନିସିପାଲିଟିର ୦୪ଟି କେନ୍ଦ୍ରରେ ୧୮ ରୁ ୪୪ ତଥା ୪୫ ରୁ ଉର୍ଦ୍ଧବର୍ଷ ହିତାଧିକାରୀଙ୍କୁ ଟୀକା ପ୍ରଦାନ କରାଯିବ l ସେହିପରି ତାରିଖ ୦୭/୦୭/୨୧ରେ ଜିଲ୍ଲାର ୧୧ଟି କେନ୍ଦ୍ରରେ ଯଥା- ଉଲୁଣ୍ଡା ବ୍ଲକର ୦୫ଟି କେନ୍ଦ୍ର, ବିନିକା ବ୍ଲକର ୦୨ଟି କେନ୍ଦ୍ର ଓ ସୋନପୁର ମ୍ୟୁନିସିପାଲିଟିରେ ୦୪ଟି କେନ୍ଦ୍ରରେ ୧୮ରୁ୪୪ ତଥା ୪୫ ରୁ ଉର୍ଦ୍ଧବର୍ଷ ହିତାଧିକାରୀଙ୍କୁ ଟୀକା ପ୍ରଦାନ କରାଯିବ l ହିତାଧିକାରୀ ଟୀକାକରଣ ନିମନ୍ତେ ପଂଜିକୃତ କରି ନିଯୁକ୍ତି ଚିଠାକୁ ଅନୁସୂଚିତ କରାଇପାରିବେ ଅଥବା ଉକ୍ତ ଦିନ ନିର୍ଧାରିତ ସମୟ ସକାଳ ଘଂ ୦୯-୦୦ ରେ କେନ୍ଦ୍ରକୁ ଯାଇ ଟୀକାନିମନ୍ତେ ଅଗ୍ରିମଟୋକନ ସଂଗ୍ରହ କରିପାରିବେ l ସ୍ଲଟ ବୁକିଂ କରିଥିବା ହିତାଧିକାରୀଙ୍କୁ ଅଗ୍ରାଧିକାର ଭିତ୍ତିରେ ଟୀକା ପ୍ରଦାନ କରାଯିବ l ଉକ୍ତ ଦିନ ଗୁଡିକରେ  ଟୀକାକରଣ ପାଇଁ ଯୋଗ୍ୟ ପଂଜିକୃତ ହିତାଧିକାରୀ ନିଜର ନିଯୁକ୍ତି ଚିଠା (ମୋବାଇଲ ମେସେଜ/ଚିଠାର ହାର୍ଡକପି) ପଞ୍ଜିକରଣ ସମୟରେ ବ୍ୟବହୃତ ପରିଚୟ ପତ୍ର ସାଙ୍ଗରେ ଆଣି ସୂଚିତ  ନିର୍ଦ୍ଧାରିତ ସମୟରେ ଉଦ୍ଧିଷ୍ଟ ଟୀକାକରଣ କେନ୍ଦ୍ରକୁ ପହଂଚି ଟୀକା ଗ୍ରହଣ କରିବେ l ବିନା କୌଣସି ସୂଚନାରେ ଟୀକାକେନ୍ଦ୍ର କୁ ଯାଇ ହଇରାଣ ନ ହେବା କିମ୍ବା କେନ୍ଦ୍ରରେ ଅଯଥାରେ ଭିଡ଼ ନ କରିବାକୁ ସ୍ୱାସ୍ଥ୍ୟ ବିଭାଗ ତରଫରୁ ଅନୁରୋଧ କରାଯିବା ସହ ଯେତେବେଳେ ଯାହାର ପାଳି ଆସୁଛି ସେମାନେ କେବଳ କେନ୍ଦ୍ରକୁ ଆସିବାକୁ ପରାମର୍ଶ ଦିଆଯାଇଛି l ଏହି ଟୀକାକରଣ ଉକ୍ତ ଦିନଗୁଡ଼ିକରେ ସକାଳ ୦୯ରୁ ସନ୍ଧ୍ୟା ୦୬ଘଣ୍ଟା ପର୍ଯ୍ୟନ୍ତ ଚାଲୁ ରହିବ l  

ହିତାଧିକାରୀ ଟୀକାକରଣ  ପାଇଁ  ଅନଲାଇନ  https://selfregistration.cowin.gov.in ରେ ପଞ୍ଜିକରଣ କରାଇ ସ୍ଲଟ ଅନୁସୂଚିତ କରାଇପାରିବେ  
ତା ୦୪/୦୭/୨୧ ପୂର୍ବାହ୍ନ ୧୦-୩୦ ଘଂ ରୁ ପଞ୍ଜିକରଣ ନିମନ୍ତେ ସ୍ଲଟ ଖୋଲା ରହିବ ବୋଲି ଜିଲ୍ଲା ପ୍ରଶାସନ ତରଫରୁ ସୂଚନା ଦିଆଯାଇଛି  l