27-Oct-2020

କଣ୍ଟାବାଞ୍ଜି, ଦୀର୍ଘ ମାସର ବ୍ୟବଧାନରେ କରୋନା କଟକଣାକୁନଜରରେ ରଖି ମାସ୍କ ପରିଧାନ, ସେନିଟାଇଜର ଓ ସାମାଜିକ ଦୂରତା ବଜାୟ ରଖି ବିଜୟା ଦଶମୀ ଅବସରରେ ନିର୍ଝରିଣୀ ସାହିତ୍ୟ କଳା ସଂସ୍କୃତି ପରିଷଦ, କଣ୍ଟାବାଞ୍ଜି ଆନୁକୂଲ୍ୟରେ ଶ୍ରୀ ରାମଚନ୍ଦ୍ର ସାହୁଙ୍କ ପଞ୍ଚବଟୀରେ ପୁସ୍ତକ ଲୋକାର୍ପଣ ଉତ୍ସବ ଅନୁଷ୍ଠିତ ହୋଇଯାଇଛି। ସର୍ବ ପ୍ରଥମେ ପରିଷଦର ପ୍ରତିଷ୍ଠାତା ସଭାପତି ସ୍ୱର୍ଗତ ରାମ ପ୍ରସାଦ ପୁରୋହିତ ଓ ସକ୍ରିୟ ସଭ୍ୟ ସ୍ୱର୍ଗତ ସମ୍ବାରୁ ସାହୁଙ୍କ ଅମର ଆତ୍ମାର ସଦଗତି ପାଇଁ ଦୁଇ ମିନିଟ ନୀରବ ପ୍ରାର୍ଥନା କରାଯାଇଥିଲା। ପରିଷଦର ସୁପରିଚାଳନା ପାଇଁ ଶ୍ରୀ ରାମଚନ୍ଦ୍ର ସାହୁଙ୍କୁ ସଭାପତି ଭାବେ ସର୍ବସମ୍ମତିରେ ଚୟନ କରାଯାଇଥିଲା।ପରିଷଦର ନୂତନ ସଭାପତି ଶ୍ରୀ ରାମଚନ୍ଦ୍ର ସାହୁଙ୍କ ସଭାପତିତ୍ୱ ରେ ଅନୁଷ୍ଠିତ ସଭାରେ ଅଧ୍ୟାପକ ସତ୍ୟବ୍ରତ ମିଶ୍ର ମୁଖ୍ୟ ଅତିଥି, ଡ.ଯୁଗଳ କିଶୋର ଷଡ଼ଙ୍ଗୀ ମୁଖ୍ୟ ବକ୍ତା, ବ୍ରତତୀର ସମ୍ପାଦକ ଶ୍ରୀ ନିରଞ୍ଜନ ବେହେରା ସମ୍ମାନୀତ ଅତିଥି ଓ ପରିଷଦର ସମ୍ପାଦକ ବିରଞ୍ଚି ନାରାୟଣ ଦାଶ ଉପସ୍ଥିତ ଥିଲେ।କବି ବିଭୁଦତ୍ତ ସାହୁ ମଞ୍ଚ ପରିଚାଳନା ଓ ବିରଞ୍ଚି ନାରାୟଣ ଦାଶ ସ୍ୱ।ଗତ ଭାଷଣ ଦେଇଥିଲେ। ଡ.ଯୁଗଳ କିଶୋର ଷଡ଼ଙ୍ଗୀଙ୍କ ଆକାଶର କନ୍ଦନା ଝରନାର ବନ୍ଦନା, ଧୀରାମଣୀ ଦାସଙ୍କ ଭାବର ବଏଠା,ରମେଶ ବାରିକଙ୍କ ଚାଷୀ ଓ ଉମେଶ ବେହେରାଙ୍କ ପତ୍ରିକା କୋସଲି ପ୍ରୟାସ ଅତିଥି ମାନଙ୍କ କରକମଳରେ ଉନ୍ମୋଚିତ ହୋଇଥିଲା।ପ୍ରଥମ ଥର ପାଇଁ କୋସଲି ଭାଷାର ଚାରିଖଣ୍ଡ  ବହି ଉନ୍ମୋଚିତ ହୋଇଥିବାରୁ କୋସଲି ପ୍ରେମୀଙ୍କ ମନରେ ଆନନ୍ଦର ଲହରୀ ଖେଳିବା ସହିତ ରେକର୍ଡ ସୃଷ୍ଟି ହୋଇଛି।ଉପସ୍ଥିତ କବି ଓ କବୟିତ୍ରୀ ରବିନାରାୟଣ ତ୍ରିପାଠୀ,ସୁଦୀପ୍ତ ରଞ୍ଜନ ସାହୁ ଆଦି ଅନେକ ସ୍ୱରଚିତ କବିତା ପାଠ କରିଥିଲେ।ପରିଶେଷରେ ବିଭୁଦତ୍ତ ସାହୁ ଧନ୍ୟବାଦ ଅର୍ପଣ କରିଥିଲେ।