30-Jun-2021

କଟକ (ଦୀପକ କୁମାର ଷଡଙ୍ଗୀ): କଟକ ଜିଲ୍ଲା ମାହାଙ୍ଗା ବ୍ଲକ ନାହାଙ୍ଗ ଗ୍ରାମରେ ଗତକାଲି ବିଳମ୍ବିତ ରାତ୍ରିରେ ଘଟିଯାଇଥିବା ଅଗ୍ନିକାଣ୍ଡରେ ବିଜୟ ମହାପାତ୍ର ଓ ରଞ୍ଜନ ମହାପାତ୍ରଙ୍କ ୬ ବଖରା ଚାଳଛପର ଘର ସହ ସର୍ବସ୍ବ ଖାଦ୍ୟ ବସ୍ତ୍ର ଟଙ୍କା ସୁନା ଅଳଙ୍କାର  ନିଆଁରେ ପୋଡି ପାଉଁଶ ହୋଇଯାଇଛି, ଏପରିକି ତାଙ୍କର ଦୁଇ କଲେଜ ପଢୁଆ ଝିଅଙ୍କ ସମସ୍ତ ଆସବାବ ପତ୍ର ଖାତା ବହି ନିଆଁରେ ପୋଡି ପାଉଁଶ ହୋଇଯାଇଛି, ଅଗ୍ନି ବିପନ୍ନ ଛାତ୍ରୀ ଅର୍ପିତା ମହାପାତ୍ର ଯୁକ୍ତ ୩ ଶେଷ ବର୍ଷ କଳା ପରୀକ୍ଷା ଦୁଇଦିନ ପରେ ହେବ,  ଏଭଳି ସର୍ବସ୍ବ ହରାଇଥିବା ଛାତ୍ରୀଙ୍କ ନିକଟରେ ମାହାଙ୍ଗା ପ୍ରେସ କ୍ଲବ କାର୍ଯ୍ୟକାରୀ ସଭାପତି ଲଷ୍ମୀଧର ଖୁଣ୍ଟିଆଙ୍କ ନେତୃତ୍ୱରେ କର୍ମକର୍ତ୍ତା ମାନେ ପହଂଚି ପାଠ ପଢା ଓ ପରୀକ୍ଷା ପାଇଁ ଅଢେଇ ହଜାର ଟଙ୍କା ଆର୍ଥିକ ସହାୟତା ପ୍ରଦାନ କରିଛନ୍ତି,ଏଥିରେ କ୍ଲବ ର ସଭାପତି ଦୀପକ ସାହୁ, ସାମ୍ବାଦିକ ସପ୍ତଜ୍ୟୋତି ରାଉଳ, ଦୟାନିଧି ସାହୁ   ରମେଶ ସାହୁ, ଅଶୋକ ଦାସ,  ରାମକୃଷ୍ଣ ସାହୁ, ଅନିରୁଦ୍ଧ ପାଣି, ଅଶୋକ ପ୍ରହରାଜ,ଦେବେନ୍ଦ୍ର ଷଡ଼ଙ୍ଗୀ, ପିକେ ବାରିକ ସମେତ ସମସ୍ତ ସାମ୍ବାଦିକ ଉପସ୍ଥିତ ରହି ସହାୟତା ପ୍ରଦାନ କରିଥିଲେ।