27-Jun-2021

ବଲାଙ୍ଗିର,(ପ୍ରେରଣା ଖବର)- ବଲାଙ୍ଗିର ରେଳ ଉପଭୋକ୍ତ ସଂଘ ତରଫରୁ ଭାରତୀୟ ରେଲବାଇ ଦକ୍ଷିଣ ପୂର୍ବ ଜୋନର ମୁଖ୍ୟ ନିରାପତ୍ତା କମିଶନର ଏସ୍‌. ମିତ୍ର, ସମ୍ବଲପୁର ମଣ୍ଡଳ ରେଳ ପ୍ରବନ୍ଧକ ପ୍ରଦୀପ କୁମାର ତଥା ଅନ୍ୟାନ୍ୟ ଅଧିକାରୀଙ୍କୁ ବଲାଙ୍ଗିର ରେଲ ଷ୍ଟେସନ ଠାରେ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ରେଳ ଉପଭୋକ୍ତ ସଂଘ ସଭାପତି ଧର୍ମବ୍ରତ ରଥ ଡିଆରୟୁସିସି ସଭ୍ୟ ବିକ୍ରମ ବହିଦାର, ଜେଡଆରୟୁସିସି ସଭ୍ୟ ତ୍ରିପୁରାରି ପାଣିଗ୍ରାହୀ, ସଂପାଦକ ଗୋପବନ୍ଧୁ ପୁରୋହିତ ତଥା ସଭ୍ୟ ପ୍ରଶନ୍ନ ମିଶ୍ର ପୁଷ୍ପଗୁଚ୍ଛ ପ୍ରଦାନ କରି ଅଧିକାରୀ ବୃନ୍ଦଙ୍କୁ ସମ୍ବର୍ଦ୍ଧିତ କରିଥିଲେ । ପରେ ସନ୍ଧ୍ୟାରେ ଲକ୍ ଡାଉନ ପରବର୍ତ୍ତି ହାଓଡା-ଟିଟିଲାଗଡ ଟ୍ରେନ ଯାତ୍ରୀଙ୍କୁ ଡିଆରୟୁସିସି ସଭ୍ୟ ବିକ୍ରମ ବହିଦାର, ସଂପାଦକ ଗୋପବନ୍ଧୁ ପୁରୋହିତ, ସହ-ସଂପାଦକ ପ୍ରଭାକର ମିଶ୍ର, ସଭ୍ୟ ବସନ୍ତ ଆଚାର୍ଯ୍ୟ, ମନରଂଜନ ପୁରୋହିତ, ଛବିଲାଲ ବେହେରା ପ୍ରମୁଖ ଅଭିନନ୍ଦନ ଜ୍ଞାପନ କରିଥିଲେ