27-Jun-2021

ବଲାଙ୍ଗିର (ପ୍ରେରଣା ଖବର) : ଗତକାଲି  ନାରୀ ଶକ୍ତି ଫାଉଣ୍ଦେସନ୍ ର ସଦସ୍ୟ ମାନେ ବଲାଙ୍ଗିର ଜିଲ୍ଲା ସନ୍ନିକଟ ସାଗରଟିଗରୀ ଗ୍ରାମକୁ ଯାଇଥିଲେ l ଗ୍ରାମ ର ବିଭିନ୍ନ ସମସ୍ୟା ପଚାରୁ ପଚାରୁ ଜଣାପଡ଼ିଲା ଯେ, ଆଜି ପର୍ଯ୍ୟନ୍ତ ସେହି ଗାଁ ର ଲୋକ ମାନେ ବିଜୁଳି ଆଲୁଅ ଦେଖି ନାହାନ୍ତି l ସେହି ଗ୍ରାମକୁ ବିଜୁଳି ଯୋଗାଯୋଗ ନାହିଁ। ବର୍ଷ ବର୍ଷ ଧରି ବିନା ବିଜୁଳିରେ  ଗ୍ରାମବାସୀ ଅକଥନୀୟ ଦୁର୍ଦ୍ଦଶାର ସମ୍ମୁଖୀନ ହେଉଛନ୍ତି । ନାରୀ ଶକ୍ତି ଫାଉଣ୍ଦେସନ୍ ର ସଦସ୍ୟ ମାନେ ଗ୍ରାମବାସୀଙ୍କ ସହ ଆଲୋଚନା କରି ସବୁ କାଗଜପତ୍ର ଯୋଗାଡ଼ ପରେ ଆବଶ୍ୟକୀୟ ପଦକ୍ଷେପ ଗ୍ରହଣ କରିବା ପାଇଁ ବଲାଙ୍ଗିର ବିଦ୍ୟୁତ ବିଭାଗର ଇଞ୍ଜିନିୟରଙ୍କ ସହ ଆଲୋଚନା କରିଥିଲେ l ତେବେ  ୩/୪  ଦିନ ଭିତରେ ବିଜୁଳିର ବ୍ୟବସ୍ଥା ହୋଇଯିବ ବୋଲି  ବିଜୁଳି ବିଭାଗ ଇଞ୍ଜିନିୟର୍ ପ୍ରତିଶ୍ରୁତି  ଦେଇଛନ୍ତି ।