17-Jun-2021

କଟକ(ଦୀପକ କୁମାର ଷଡଙ୍ଗୀ): କଟକ ବନଖଣ୍ଡ ଅନ୍ତର୍ଗତ ଡାଲିଜୋଡା ରେଞ୍ଜର ମାଛପାଙ୍ଗି ଗ୍ରାମ ନିକଟରୁ ଏକ ମୃତ ସମ୍ବର ଉଦ୍ଧାର । ଶିକାରୀ ମାନେ ଶିକାର କରି ସମ୍ବର ନେଇ ଯାଉଥିବା ବେଳେ  ମହିଁଶାଲଣ୍ଡା ଗ୍ରାମବାସୀ ହାବୁଡ଼ରେ ପଡ଼ି ଥିଲେ। ଗ୍ରାମ ବାସୀ ମାନେ ମୃତ ସମ୍ବର କୁ ଉଦ୍ଧାର କରିବା ସହ ଜଣ ସିକାରୀକୁ ଅଟକ ରଖି ଥିଲେ ପରେ ବନ ବିଭାଗ କୁ ଖବର ଦେଉଥିଲେ। ବନବିଭାଗ କର୍ମଚାରୀମାନେ ପହଁଚି ମୃତ ସମ୍ବର ସହ ଶିକାରୀ କୁ ବନ ବିଭାଗ ଅଫିସ କୁ ନେଇଥିଲେ। ସୂଚନା ଅନୁଯାୟୀ ଉକ୍ତ ସମ୍ବର ଟି ଗାଁ ନିକଟରେ ଆସି ଯାଇଥିଲା । ଅମ୍ବିଳିଝରୀ ଗାଁ ନିକଟରେ  ଶିକାରୀମନେ ଏହି ସମ୍ବର ଟି କୁ ଶିକାର କରିବା ପାଇଁ ଏକ ପୋଖରୀ ଭିତରକୁ ନେଇ ଯାଇଥିଲେ । ଶିକାର କରି ସମ୍ବର କୁ ନେଇ ଆସୁଥିବା ବେଳେ ମହିଁଶାଲଣ୍ଡା ଗ୍ରାମ ଲୋକମାନଙ୍କ ହାତରେ ଧାରା ପଡି ଥିଲେ । ସ୍ଥାନୀୟ ଲୋକମାନଙ୍କ କହିବା ଅନୁଯାୟୀ ପ୍ରତିଦିନ ଏହି ବନ ଅଂଚଳରେ ଶିକାରୀ ମାନେ ଶିକାର କରୁଥିବା ଦେଖା ଯାଇଛି । କିନ୍ତୁ ବନ ବିଭାଗ ନୀରବତା ସାଜିଛି ଏହାର କାରଣ ବନ ବିଭାଗ କର୍ମଚାରୀ ମାନେ ଶିକାରୀ ମାନଙ୍କୁ ଘଣ୍ଟ ଘୋଡାଉଛି । ଦେଖାଯାଉ କେବେ ପ୍ରଶାସନ ଏଦିଗରେ ଉଚିତ ପଦକ୍ଷେପ ନେଉଛି।