15-Jun-2021

ଟିଟିଲାଗଡ଼ (ପ୍ରେରଣା ଖବର): ବଲାଙ୍ଗୀର ଜିଲ୍ଲା ଟିଟିଲାଗଡ କୁଶକେଲା ଗ୍ରାମପଞ୍ଚାୟତର ଜଣେ ୨୫ ବର୍ଷୀୟ ଯୁବକଙ୍କ ଶୋଚନୀୟ ମୃତ୍ୟୁ ଘଟିଥିବା ବେଳେ ତାଙ୍କ  ଶବବ୍ୟବଚ୍ଛେଦ ନେଇ ଟିଟିଲାଗଡ ଉପଖଣ୍ଡ ମୁଖ୍ୟ ଚିକିତ୍ସାଳୟରେ ତୀଵ୍ର ଉତ୍ତେଜନା ସୃଷ୍ଟି ହୋଇଛି । ସୂଚନାଯୋଗ୍ୟ ଯେ,ସକାଳ ପ୍ରାୟ ଭୋର ୪ ଟାରୁ ଉକ୍ତ ଗ୍ରାମରୁ ହରେରାମ ତାଣ୍ଡି ଙ୍କ ପୁଅ ଦେବେନ୍ଦ୍ର ତାଣ୍ଡି(ବ-୨୫) ହଠାତ ଅସୁସ୍ଥ ଲାଗିବା ନେଇ ପରିବାର ଲୋକଙ୍କୁ ଜଣେଇବାରୁ ଆମ୍ବୁଲାନ୍ସ ଯୋଗେ ତୁରନ୍ତ ପରିବାର ଲୋକେ ଟିଟିଲାଗଡ ଉପଖଣ୍ଡ ମୁଖ୍ୟଚିକିତ୍ସାଳୟ କୁ ଆଣିଥିଲେ । ଡ଼ଃ ଓଁକାର ହୋତା ଉକ୍ତ ଯୁବକ ଙ୍କୁ ମୃତ୍ୟୁ ଘଟିସାରିଥିବା ଜଣାଇଥିଲେ । ଏ ନେଇ ପୋଲିସକୁ ତୁରନ୍ତ ସୂଚନା ଦିଆଯାଇଥିଲା । ହେଲେ ଟିଟିଲାଗଡ ଥାନା ଅଧିକାରୀ ମୃତ ଯୁବକ ଯେହେତୁ କୁସକେଲା ଗ୍ରାମର ଓ ତାହା ସିନ୍ଧେକେଲା ଥାନା ଅଞ୍ଚଳରେ ଯାଉଥିବା ବେଳେ ତାହା ସିନ୍ଧେକେଲା ପୋଲିସ କରିବା ସରକାରୀ ନିୟମ ଲାଗୁ ହୋଇଥିବା ଜଣେଇ ସିନ୍ଧେକେଲା କୁ ସୂଚନା ଦିଆଯାଇଥିଲା । ହେଲେ ସକାଳ ପାଞ୍ଚ ଟା ରୁ ଦିନ ୧୨ ଟା ହୋଇଯିବା ସତ୍ୱେ ପୋଲିସ ନ ଆସିବା ଯୋଗୁଁ ବ୍ୟବଚ୍ଛେଦ ମନ୍ଧ୍ୟ ହୋଇପାରିନାହିଁ । ଏ ନେଇ ପରିବାର ବର୍ଗ ତଥା ଗ୍ରାମବାସୀ ଙ୍କ ମନ୍ଧରେ ତୀବ୍ର ଅସନ୍ତୋଷ ପ୍ରକାଶ ପାଇବା ସହ ଉତେଜନା ମୟ ପରିସ୍ଥିତି ସୃଷ୍ଟି ହୋଇଛି । ସୂଚନା ଯୋଗ୍ୟ,ଯେ,ଟିଟିଲାଗଡ ରୁ କୁସକେଲା ମାତ୍ର ୧୩ କିମି ଦୂରତ୍ୱ  ହୋଇଥିବା ବେଳେ ସିନ୍ଧେକେଲା ୩୦ କିମି ଦୁର ହେଉଛି । ଯଦ୍ୱାରା ସାଧାରଣ ଗ୍ରାମବାସୀ ଏହି ପରି ସ୍ୱାସ୍ଥ୍ୟ ତଥା ପୋଲିସ,ପରି ସମସ୍ତ କ୍ଷେତ୍ରରେ ଘୋର ହଇରାଣ ର ଶିକାର ହୋଇଆସୁଥିବା ନେଇ ବାରମ୍ବାର ଅଭିଯୋଗ ହୋଇଆସୁଛି । କୁସକେଲା ଗ୍ରାମପଞ୍ଚାୟତ ସରପଞ୍ଚ ତଥା ଉପଖଣ୍ଡ ସରପଞ୍ଚ ସଂଘ ସଭାପତି ଶ୍ରୀ ହରିନାରାୟଣ ମିଶ୍ର ଏ ନେଇ ଜିଲ୍ଲା ଆରକ୍ଷୀ ଅଧିକାରୀ ତଥା ଟିଟିଲାଗଡ ଉପଖଣ୍ଡ ଆରକ୍ଷୀ ଅଧିକାରୀ ଓ ବିଭିନ୍ନ ଉଚ୍ଚ ପଦସ୍ଥ ଅଧିକାରୀଙ୍କ ସହ  ଗୃହ ବିଭାଗ ମୁଖ୍ୟ ଶାସନ ସଚିବ ଙ୍କ ନିକଟ କୁ ଦାବୀ ପତ୍ର ପ୍ରେରଣ କରିଥିବା ଜଣାଇଛନ୍ତି ।