15-Jun-2021

ବିନିକା (ହିମାଂଶୁ ଶେଖର ପୁଟେଲ) : ଗତକାଲି ସନ୍ଧ୍ୟା ୬ଘଣ୍ଟାରୁ ରାତ୍ର ୯ଘଣ୍ଟା ପର୍ଯ୍ୟନ୍ତ ବିଶ୍ଵ ରକ୍ତଦାନ ଦିବସ ଅବସରରେ ସୁବର୍ଣ୍ଣପୁର ରେଡକ୍ରସ ବିଭାଗ ତରଫରୁ ଭର୍ଚୁଆଲ ମାଧ୍ୟମରେ ରାଜ୍ୟ ସ୍ତରୀୟ ୱେବନାର ଅନୁଷ୍ଟିତ ହୋଇଯାଇଛି l ସୁବର୍ଣ୍ଣପୁର ଜିଲ୍ଲା ରେଡକ୍ରସ ବିଭାଗ ଚେଆରମେନ ତଥା ଅଧ୍ୟକ୍ଷ ରାଜୀବ ଲୋଚନ ଆଚାର୍ଯ୍ୟଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଓଡ଼ିଶା ୱାଇଆରସିଓ ଡକ୍ତର ଅଜୟ କୁମାର ତ୍ରିପାଠୀ ମୁଖ୍ୟଅତିଥି,ଯୁବ ରେଡକ୍ରସ ରାଜ୍ୟ କୋଡିନେଟର ପ୍ରଫେସର ଗୋପାଲ କୃଷ୍ଣ ମିଶ୍ର ସମ୍ମାନୀତ ଅତିଥି, କୋରାପୁଟ ଜିଲ୍ଲା ଯୁବ ରେଡକ୍ରସ କୋଡିନେଟର ଡାକ୍ତର ନରେଶ ସାହୁ ଓ ଗଞ୍ଜାମ ଜିଲ୍ଲା ଯୁବ ରେଡକ୍ରସ କୋଡିନେଟର  ପ୍ରଫେସର ବି.ଗୋବିନ୍ଦ.ରାଓ ମୁଖ୍ୟବକ୍ତା ଭାବେ ଯୋଗଦେଇ ବିଶ୍ଵ ରକ୍ତଦାନ ଦିବସର ମହତ୍ତ୍ୱ ଉପରେ ନିଜର ସୁଚିନ୍ତିତ ମତାମତ ଉପସ୍ଥାପନ କରିଥିଲେ l ପ୍ରାରମ୍ଭରେ ସୁବର୍ଣ୍ଣପୁର ଜିଲ୍ଲା ଯୁବ ରେଡକ୍ରସ କୋଡିନେଟର ପ୍ରଫେସର ଉମାକାନ୍ତ ନାଗ ସ୍ବାଗତ ଭାଷଣ ପ୍ରଦାନ କରିଥିବା ବେଳେ ଶେଷରେ ବିନିକା ସିଦ୍ଧାର୍ଥ ଡିଗ୍ରୀ କଲେଜ ରେଡକ୍ରସ ବିଭାଗ କାଉନସିଲଲ ବିଶ୍ଵନାଥ ମିଶ୍ର ଧନ୍ୟବାଦ ଅର୍ପଣ କରିଥିଲେ l ଏହି କାର୍ଯ୍ୟକ୍ରମରେ ରାଜ୍ୟର ବିଭିନ୍ନ ଶିକ୍ଷାନୁଷ୍ଠାନରେ କାର୍ଯ୍ୟରତ ପ୍ରଫେସର ଯୋଗଦେଇ ନିଜର ମତ ରଖିଥିଲେ l