14-Jun-2021

କଣ୍ଟାବାଞ୍ଜି(ଆନନ୍ଦ କୁମାର ମୋଟେ) : କାର୍ଲ ଲେଣ୍ଡ ଷ୍ଟେନରଙ୍କ ଜନ୍ମ ଦିନକୁ ବିଶ୍ୱ ସ୍ୱାସ୍ଥ୍ୟ ସଂଗଠନ ଓ ରେଡକ୍ରସ ମିଳିତ ଭାବେ ୨୦୦୫ମସିହାରୁ ବିଶ୍ବ ରକ୍ତଦାତା ଦିବସ ଭାବେ ପାଳିତ କରିଆସୁଛନ୍ତି।ଏହି ପରିପ୍ରେକ୍ଷୀରେ ବିଜୁପଟ୍ଟନାୟକ ଓଡ଼ିଶା ରକ୍ତ ଭଣ୍ଡାର ପରିଚାଳନା ସମିତି ପକ୍ଷରୁ  ଆଜି କଣ୍ଟାବାଞ୍ଜି ରକ୍ତଭଣ୍ଡାରଠାରେ ବିଶ୍ବ ରକ୍ତଦାତା ଦିବସ ପାଳନ ଅବସରରେ ମୁଖ୍ୟଅତିଥି ଶ୍ରୀ ସନ୍ତୋଷ ସିଂ ସାଲୁଜା,ବିଧାୟକ,ସଭାପତି ଶ୍ରୀ ଅଶୋକ କୁମାର ମାଝୀ, ତହସିଲଦାର,ରକ୍ତଭଣ୍ଡାର ଅଧିକାରୀ ଡାକ୍ତର ସୋମ୍ୟଶ୍ରୀ ପ୍ରିତିଦର୍ଶନ ପଣ୍ଡା,ଥାନା ଅଧିକାରୀ ସତ୍ୟଜିତ କାଣ୍ଡେଲକର ଯୋଗ ଦେଇଥିଲେ।ଅଧ୍ୟାପକ ଶ୍ରୀ ସତ୍ୟବ୍ରତ ମିଶ୍ର ସଭା ପରିଚାଳନା କରିଥିଲେ। ସର୍ବପ୍ରଥମେ କାର୍ଲ ଲେଣ୍ଡଷ୍ଟେନରଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଓ ଧୂପ

ଅତିଥୂମାନେ ପ୍ରଦାନ କରିଥିଲେ।ଅତିଥି ମାନେ ରକ୍ତଦାନ କରିବା ସହିତ ଅନ୍ୟ ମାନଙ୍କୁ ଉତ୍ସାହିତ କରିବା ଉଚ୍ଚିତ କାରଣ ସେମାନେ ହେଉଛନ୍ତି ଜୀବନଦାତା ବୋଲି ମତବ୍ୟକ୍ତ କରିଥିଲେ।ତାପରେ ୨୦୧୯-୨୦ ଓ ୨୦୨୦-୨୧ଦୁଇବର୍ଷ ଭିତରେ ଆୟୋଜିତ ରକ୍ତଶିବିରର ୩୭ଜଣ ଆୟୋଜକଙ୍କୁ ମାନପତ୍ର ଓ ସ୍ମୂତିଫଳକ ପ୍ରଦାନ କରାଯାଇଥିଲା।ଏହି କାର୍ଯ୍ୟକ୍ରମକୁ ସଫଳ କରିବାରେ ରକ୍ତଭଣ୍ଡାରର କର୍ମଚାରୀ ଶିବ ପ୍ରସାଦ ସାହୁ,କୁନାଲ ଦାସ,ପ୍ରଶାନ୍ତ ସାହୁ,ସୁନୀତା ଭୋଇ,ଗୁରୁବାରୁ ରଣା, ଦୁର୍ଗା ତାଣ୍ଡି ଆଦି ସହଯୋଗ କରିଥିଲେ।