14-Jun-2021

ବିନିକା (ହିମାଂଶୁ ଶେଖର ପୁଟେଲ) :ବିନିକାର ଶିକ୍ଷା,କଳା ଓ ସଂସ୍କୃତିକୁ ଆଗେଇ ନେବା ପାଇଁ ଅବିରତ ଉଦ୍ୟମ ଜାରି ରଖିଥିବା ସ୍ବେଚ୍ଛାସେବୀ ଅନୁଷ୍ଠାନ ମହାନଦୀ ଯୁବକ ସଂଗଠନ ନିଜ ଖର୍ଚ୍ଚରେ ସରକାରଙ୍କ ଘୋଷିତ ସର୍ଟଡାଉନ ଦିନ ମାନଙ୍କରେ ଗରିବ,ନିରୀହ,ଅସହାୟ,ବିନିକା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସିତ ରୋଗୀ ଓ ତାଙ୍କ ସମ୍ପର୍କୀୟ,ରାସ୍ତାଘାଟରେ ଥିବା ଅସହାୟ ଏବଂ ବିଭିନ୍ନ ଯାନବାହାନର ଚାଳକ, ହେଲପର,ପଥିକ ମାନଙ୍କୁ ସକାଳ ଜଳଖିଆ ସହ ଶୁଖିଲା ଖାଦ୍ୟ,ଫଳ, ବିସ୍କୁଟ,ପାଉଁରୁଟି ଆଦି ଖାଇବା ଦ୍ରବ୍ୟ ବଣ୍ଟନ କରାଯାଉଛି l ସେହିପରି ବିନିକା ସିଲାଟି ରାସ୍ତାରେ ଥିବା ନିର୍ମଳ ଛାୟାରେ ରହୁଥିବା କୁଷ୍ଠାଶ୍ରମର ଅନ୍ତେବାସୀ ମାନଙ୍କୁ ଚୁଡ଼ା,କଦଳୀ,ଗୁଡ଼,ସର୍ଫ,ସାବୁନ ପ୍ରଭୃତି ବଣ୍ଟନ କରାଯାଇଛି l ମହାନଦୀ ଯୁବ ସଂଗଠନର ଏପରି ମହତ ଉଦ୍ଦେଶ୍ୟ କାର୍ଯ୍ୟକ୍ରମକୁ ପ୍ରଶଂସା କରି ସାମାଜିକ କାର୍ଯ୍ୟ ସମ୍ପାଦନ ପାଇଁ ସବୁ ବର୍ଗର ଲୋକ ସାମିଲ ହେଉଥିବା ଦେଖିବାକୁ ମିଳିଛି l

ଅନୁଷ୍ଠାନର ସଭାପତି କ୍ଷୀରସାଗର ବିଭାରଙ୍କ ପ୍ରତେକ୍ଷ ତତ୍ତ୍ଵାବଧାନରେ ପରିଚାଳିତ ଏହି ବଣ୍ଟନ କାର୍ଯ୍ୟକ୍ରମରେ ଗରିବ ସାଳମା, ସନୋଜ ସେଠୀ, ତାପସ ତ୍ରିପାଠୀ, କିନୁ ପାଢ଼ୀ, ସନ୍ତୋଷ ମହାକୁର, ଧନେଶ୍ଵର ସାହୁ, ପୂର୍ଣେନ୍ଦୁ ସାହୁ, ବିଜୟ ବରେଇ,ସୀତାରାମ ଦାସ, ରଞ୍ଜନ ମିଶ୍ର, ଆଦିକନ୍ଦ ପୂଜାରୀ

,ପ୍ରିୟ ହୋତା, ଭାଗିରଥି ସାହୁ, ମଧୁ ସାହୁ, ସଦାନନ୍ଦ ପ୍ରଧାନ, ହାଡିବନ୍ଧୁ ମେହେର,,ତ୍ରିଲୋଚନ ବାରିକ, ବିଟୁ ଅଗ୍ରୱାଲ, ଜୟଙ୍ଗଳ ବିଶିଙ୍କ ସମେତ ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ରେଖା ପ୍ରଧାନ,ପୂର୍ବତନ ଏନଏସି ଉପାଧ୍ୟକ୍ଷ ତପସ୍ଵିନୀ ମେହେର,ଶାନ୍ତିଲତା,କମଳିନୀ, ଜ୍ୟୋତ୍ସ୍ନାମୟୀ ପ୍ରମୁଖ ମହିଳା ମଧ୍ୟ ଏହି କାର୍ଯ୍ୟକ୍ରମରେ ସାମିଲ ହୋଇ ଲୋକଙ୍କ ସେବା ଜାରି ରଖିଛନ୍ତି l ମହାମାରୀ କରୋନା ଯୋଗୁଁ ସରକାର ଯେତେଦିନ ପର୍ଯ୍ୟନ୍ତ ସଟଡାଉନ ଘୋଷଣା ବଳବତ୍ତର ରଖିଥିବେ ସେତେଦିନ ପର୍ଯ୍ୟନ୍ତ ମହାନଦୀ ସଂଗଠନର ସମସ୍ତ ସଦସ୍ୟ/ସଦସ୍ୟା ମହତ କାର୍ଯ୍ୟ ଜାରି ରଖିବେ ବୋଲି ଅନୁଷ୍ଠାନର ସଭାପତି କ୍ଷୀରସାଗର ବିଭାର ସୂଚନା ଦେଇଛନ୍ତି l