13-Jun-2021

ବଲାଙ୍ଗିର,(ପ୍ରେରଣା ଖବର) ଆଜି ଦିନ ୧୨ଟା ସମୟରେ ଜିଲ୍ଲା ପ୍ରଶାସନ ତରଫରୁ ତୁଷୁରା ୟୁଥ ଏକ୍ସ କମିଟିକୁ ନେଇ ତୁଷୁରା ଜଗନ୍ନାଥ ମନ୍ଦିର ଠାରେ ଆସନ୍ତା ୧୪ ତାରିଖ ରେ ତୁଷୁରାରୁ ବଲାଙ୍ଗିରକୁ ପଦଯାତ୍ରା (ତୁଷୁରା ହସପିଟାଲ କୁ ଗୋଷ୍ଠୀ କେନ୍ଦ୍ର ମାନ୍ୟତା ଦାବିରେ) ସମ୍ବନ୍ଧରେ ଏକ ଆଲୋଚନା ହୋଇଥିଲା ।
    ବଲାଙ୍ଗିର ଜିଲ୍ଲା ଅନ୍ତର୍ଗତ ତୁଷୁରା ଅଞ୍ଚଳରେ ୧୯୨୨ ମସିହାରୁ ଏକ ହସପିଟାଲ ଅଛି ଯେଉଁ ହସପିଟାଲରେ ଗୋଟିଏ ମଧ୍ୟ ସ୍ଥାୟୀ ଡାକ୍ତର ନାହାନ୍ତି । ତେଣୁ ଆସନ୍ତା ଜୁନ୍ ୧୪ ତାରିଖରେ ତୁଷୁରା ହସପିଟାଲ କୁ ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ର ମାନ୍ୟତା ଦାବୀରେ ତୁଷୁରାରୁ ବଲାଙ୍ଗିରକୁ ଏକ ପଦଯାତ୍ରା ରୋକିବା ପାଇଁ ଆଲୋଚନା ଡାକରା ଦିଆଯାଇଛି । ଏହି ମର୍ମରେ ଆଜି ବଲାଙ୍ଗିର ଉପଜିଲ୍ଲାପାଳ ଲମ୍ବୋଧର ଧରୁଆ ଏବଂ ଅନ୍ୟ ଅଧିକାରୀ ଆସି ତୁଷୁରା ୟୁଥ ଏକ୍ସନ କମିଟିର ସଦସ୍ୟ ଓ ଆଞ୍ଚଳବାସୀ ଠାରେ ଆନ୍ଦୋଳନ ନ କରିବା ପାଇଁ ବୁଝାସୁଝା କରିବା ପାଇଁ ଡାକିଥିବା ବେଳେ ସେଠିକାର ଅସନ୍ତୋଷ ଜନତା ତାଙ୍କରି ଆଲୋଚନାରେ ବା ତାଙ୍କ ଠାରୁ କୌଣସି ନିର୍ଭର ପ୍ରତିଶୃତି ପାଇ ନ ଥିବାରୁ ଅଧିକାରୀମାନଙ୍କୁ ସଫା ସଫା ଆସନ୍ତା କାଲି ପଦଯାତ୍ରାରେ ବାହାରିଯିବା ପାଇଁ ସେଠାରେ ଜନସାଧାରଣ ଅଧିକାରୀଙ୍କୁ ସୁଚେଇ ଦେଇଥିଲେ ।