12-Jun-2021

(ଉମା ମହାରଣା)
ବେଗୁନିଆପଡା: ଗ୍ରାମାଞ୍ଚଳ ରେ ପ୍ରତ୍ୟେକ ଘରକୁ ବିଶୁଦ୍ଧ ପାନୀୟ ଜଳ ଯୋଗାଣ ସକାଶେ ରାଜ୍ୟ ସରକାର ଆରମ୍ଭ  କରିଛନ୍ତି 'ବସୁଧା' ଯୋଜନା |କିନ୍ତୁ ବିଭାଗୀୟ ଅଧିକାରୀ ଙ୍କ ଅବହେଳା ଓ ସମ୍ପୃକ୍ତ ଠିକାଦାର ଙ୍କ ମନୋମୁଖୀ କାର୍ଯ୍ୟ ଯୋଗୁଁ ଯୋଜନା ରୁ ବଞ୍ଚିତ ହେଉଛନ୍ତି ସାଧାରଣ ଲୋକେ | ସୂଚନା ଅନୁଯାୟୀ ବେଗୁନିଆପଡା ବ୍ଲକ ଅନ୍ତର୍ଗତ ସାଙ୍କୁଡ଼ା ପଞ୍ଚାୟତ ର ଲଛିପୁର ଗ୍ରାମରେ ପାନୀୟ ଜଳ ଯୋଗାଣ ସକାଶେ ଗତ ଏପ୍ରିଲ 11 ତାରିଖ ଦିନ କାର୍ଯ୍ୟ ର ଭିତ୍ତିପ୍ରସ୍ତର ସ୍ଥାପନ ହୋଇଥିଲା | କୌଣସି ସୂଚନା ଫଳକ ନଥାଇ ଠିକାଦାର ଜଣଙ୍କ ତରବରିଆ ଭାବେ ବେପରୁଆ ଢଙ୍ଗରେ ଅତି ନିମ୍ନ ମାନର କାମ କରିଥିବା ଅଭିଯୋଗ କରିଛନ୍ତି ସ୍ଥାନୀୟ ଗ୍ରାମବାସୀ | ନବ ନିର୍ମିତ ଟାଙ୍କି ପାଇଁ ମଂଜୁର ହୋଇଥିବା ଅର୍ଥ ର ସଠିକ ବିନିଯୋଗ ହୋଇନଥିବା ବେଳେ ଏହି ଟାଙ୍କି କମ ଦିନରେ ଭୁଶୁଡି ଯିବାର ଆଶଙ୍କା ସୃଷ୍ଟି ହୋଇଥିବା ନେଇ ଅଭିଯୋଗ କରିଛନ୍ତି ଗ୍ରାମବାସୀ | ଏ ନେଇ ବିଭାଗୀୟ ଜେଇ ଙ୍କୁ ଫୋନ ଯୋଗେ ପଚାରିବାରେ ଟାଙ୍କି ର ସମସ୍ତ କାମ କୁ ଅନୁଧ୍ୟାନ କରାଯିବା ସହ ଶତ ପ୍ରତିଶତ କାମ କରାଯିବ ବୋଲି ଜଣାଇଛନ୍ତି | ଅନ୍ୟପଟେ ଗ୍ରାମବାସୀଙ୍କ ଅଭିଯୋଗ କୁ କାର୍ଯ୍ୟ କରୁଥିବା ଠିକାଦାର ଶୁଣୁ ନଥିବା ମଧ୍ୟ ଅଭିଯୋଗ ହୋଇଛି | ହେଲେ ସରକାର ଙ୍କ ବସୁଧା ଯୋଜନା ର ପ୍ରକୃତ ସୁଫଳ ଲଛିପୁର ବାସୀ କେବେ ପାଇବେ ତାହାକୁ ହିଁ ଅପେକ୍ଷା   |