11-Jun-2021

ବଲାଙ୍ଗିର,(ପ୍ରେରଣା ଖବର): ଆଜି ବଲାଙ୍ଗିର ୟୁଥ ଏକ୍ସନ କମିଟି ତରଫରୁ ମୁଖ୍ୟ ଚିକିତ୍ସାଧିକାରୀ ଭୀମ ଭୋଇ ମେଡିକାଲ କଲେଜ ଓ ହସପିଟାଲ, ବଲାଙ୍ଗିରଙ୍କ କାର୍ଯ୍ୟାଳୟରେ ତୁଷୁରା ହସପିଟାଲ ସମ୍ବନ୍ଧୀୟ ଏକ ଦାବିପତ୍ର ପ୍ରଦାନ କରାଯାଇଥିଲା । ବଲାଙ୍ଗିର ଜିଲ୍ଲା ଅନ୍ତର୍ଗତ ତୁଷୁରା ଠାରେ ୧୯୨୨ ମସିହାରେ ଏକ ହସପିଟାଲ ନିର୍ମାଣ ହୋଇଥିଲା ତାହା ବର୍ତ୍ତମାନ ପର୍ଯ୍ୟନ୍ତ ସେହି ଅବସ୍ଥାରେ ଚାଲୁ ରହିଛି କିନ୍ତୁ ଦଃଖର ବିଷୟ ଅନେକ ଦିନରୁ  ତୁଷୁରା ୟୁଥ ଏକ୍ସନ କମିଟି ଆନ୍ଦୋଳନ ଦାବି କରୁଥିଲେ ମଧ୍ୟ କୌଣସି ଉପକାର ମିଳି ନାହିଁ । ବର୍ତ୍ତମାନ ମଧ୍ୟ ସେଠାରେ ଗୋଟିଏ ମଧ୍ୟ ଡାକ୍ତର ନାହାନ୍ତି । ଜଣେ ଫର୍ମାସିଷ୍ଟ କାମ ଚଲାଉଛନ୍ତି । ଏହି ହସପିଟାଲରେ ଅନ୍ୟ ଜିଲ୍ଲାର ମଧ୍ୟ ରୋଗୀ ନିର୍ଭର କରନ୍ତି । ଯଦି କେଉଁ ଦିନ ଡାକ୍ତର ନ ଥିବେ ରୋଗୀଙ୍କୁ ଫେରି ଯିବାକୁ ପଢେ ନଚେତ ବଲାଙ୍ଗିର ଆସିବାକୁ ହୁଏ ।        ତେଣୁ ଆଜି ବଲାଙ୍ଗିର ସିଡିଏମ୍‌ଓଙ୍କୁ ଭେଟି ତୁଷୁରା ହସପିଟାଲକୁ ସିଏଚସିରେ ଅପଗ୍ରେଡେସନ କରି ଡାକ୍ତର ଯୋଗାଇ ଦେବାକୁ ଦାବି କରାଯାଇଛି । ଯଦି ଯଥାଶିଘ୍ର ଦାବି ପୁରଣ ନ ହେବ ଜନ ସାଧାରଣ ଜନ ଆନ୍ଦୋଳନ ପାଇଁ ରାଜରାସ୍ତାକୁ ଓହ୍ଲାଇବାକୁ ବାଧ୍ୟ ହେବୁ ବୋଲି ଯୁବ ଏକ୍ସନ କମିଟି ସଭାପତି ବିନୋଦ କାଲସାଏ ସୁଚାଇ ଦେଇଛନ୍ତି । ଆସନ୍ତା ୧୪ ତାରିଖ ଦିନ ତୁଷୁରା ରୁ ବଲାଙ୍ଗିର ପଦଯାତ୍ରା କରିବା ପାଇଁ  ବଲାଙ୍ଗିର ଏକ୍ସନ କମିଟି ଓ ତୁଷରା ଏକ୍ସନ କମିଟି ନିର୍ଦ୍ଧାରଣ କରିଛନ୍ତି ।