04-Jun-2021

ବଲାଙ୍ଗୀର(ପ୍ରେରଣା ଖବର ବ୍ୟୁରୋ): ବଲାଙ୍ଗୀର ବନଖଣ୍ଡ ଅଧିକାରୀଙ୍କ କାର୍ଯ୍ୟାଳୟରେ ଦୀର୍ଘ ବର୍ଷ ହେବ କାର୍ଯ୍ୟରତ ଥିବା କରିତକର୍ମା କନିଷ୍ଠ କିରାଣୀ ଜଣକ କିଏ ? ତାଙ୍କ ନା ରେ ସବୁଠି ଚର୍ଚ୍ଚା । ସର୍ଭିସ ପ୍ରୋଭାଇଡର ଠାରୁ ଆରମ୍ଭ କରି  ଫିଲ୍ଡ ଷ୍ଟାଫ୍, ପାରା ଷ୍ଟାଫ୍, ଅଫିସ ସାମଗ୍ରୀ କିଣାବିକା ସବୁଠି କରିତକର୍ମା କନିଷ୍ଠ କିରାଣୀଙ୍କ ନାମ । ବାବୁଙ୍କୁ ଟଙ୍କା ଦରକାର । ଦରକାର ପଡ଼ିଲେ ଟଙ୍କା ପାଇଁ ଅଫିସକୁ ମଧ୍ୟ ବିକ୍ରି କରିବାରେ ପଛେଇବେ ନାହିଁ ।  କୁଆଡେ ତାଙ୍କ ସ୍ତ୍ରୀ ଓ ଭାଇ ଏଲ୍ ଆଇ ସି ଏଜେଣ୍ଟ । ଡି ଏଫ୍ ଓ ଙ୍କ ଅଜାଣତରେ ଫିଲ୍ଡ ଷ୍ଟାଫ୍ ଙ୍କୁ ଜୋର୍ ଜବରଦସ୍ତ ଏଲ ଆଇ ସି କରାଇ ସେଠୁ ବି ରୋଜଗାର କରନ୍ତି । ଯିଏ ଏଲ ଆଇ ସି କରିବା ପାଇଁ ମନା କଲେ କରିତକର୍ମା ଙ୍କ କୋପ ଦୃଷ୍ଟି ପଡେ । ତାକୁ ଅନେକ ହଇରାଣ ହରକତ ହେବାକୁ ପଡେ । ଏହା ଆମେ କହୁ ନାହୁ ଚର୍ଚ୍ଚା ହୁଏ । ତେବେ ଏ କରିତକର୍ମା କିରାଣୀ ଜଣକ କିଏ ? ଦୁର୍ନୀତି ର ଗନ୍ତାଘର ସାଜି ବନଖଣ୍ଡ ଅଧିକାରୀଙ୍କ କାର୍ଯ୍ୟାଳୟ ରେ ଦୀର୍ଘ ବର୍ଷ ହେବ କନିଷ୍ଠ କିରାଣୀ ଭାବରେ କାର୍ଯ୍ୟ କରି ଆସୁଛନ୍ତି । ପାରା ଷ୍ଟାଫ୍ ଅଫିସ ଭିତରେ ୫ ବର୍ଷ ମଧ୍ୟରେ ବିଭିନ୍ନ ଆଳ ଦେଖାଇ କୋଟି କୋଟି ଟଙ୍କା ଚଲୁ କରିଥିବା ଚର୍ଚ୍ଚା ହୁଏ । ଡି ଏଫ୍ ଓ ଅଫିସରେ କେତେଜଣ କମ୍ପୁଟର ଚାଳକ ଅଛନ୍ତି ଏବଂ ୫ ବର୍ଷ ଭିତରେ କେତେଥର କେତେ ଗୋଟି କମ୍ପ୍ୟୁଟର୍ କିଣାଯାଇଛି ଏବଂ ପୁରୁଣା କମ୍ପୁଟର ଗୁଡ଼ିକ କେଉଁଠି ଅଛି ? ବର୍ତମାନ ପର୍ଯ୍ୟନ୍ତ କେତେ ଗୋଟି ଇନଭଟର୍ କିଣାଯାଇଛି ଏବଂ ସେ ଇନଭରଟର ଗୁଡ଼ିକ ଅଫିସରେ ନା ଘରେ ଅଛି  ? ଡି ଏଫ୍ ଓ ଅଫିସରେ ଯାହା ଇଲେକ୍ଟ୍ରିାଲ କାମ ହୋଇଛି ସମସ୍ତ ଇଲେକ୍ଟ୍ରିାଲ ସାମଗ୍ରୀ କୋଉ ଦୋକାନରୁ ଆସିଛି ? ସେହି ଦୋକାନ ବଲାଙ୍ଗୀରରେ ଅଛି ନା ନାହିଁ  ? ଏହି ସବୁ ତମାମ ପ୍ରଶ୍ନ ଏବେ ଜଙ୍ଗଲ ବିଭାଗର କାର୍ଯ୍ୟଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି କରିଛି l ତେବେ ଶିବାନୀ ଇଲେକ୍ଟ୍ରିକାଲ ଯାହା କି ଜି. ଏସ. ଟି ପ୍ରାପ୍ତ ଦୋକାନ ବୋଲି କୁହାଯାଉଛି ପ୍ରକୃତରେ ଏହି ଦୋକାନ ଅଛି ନା ନାହିଁ ତାହା ମଧ୍ୟ ତଦନ୍ତ ସାପେକ୍ଷ 
   ସରକାର କେତେ ଗୋଟି ୱାଚର୍ ଅଫିସର ମାନଙ୍କୁ ଦେଇଛନ୍ତି । ସେହି ୱାଚର ମାନେ ବର୍ତମାନ କେଉଁଠି ? ଅଫିସ ରେ ନା ଘରେ । ଦୁର୍ନୀତି ବିଭାଗ ତଦନ୍ତ କଲେ ସମସ୍ତ ଗୋପନ ତଥ୍ୟ ଲୋକଲୋଚନକୁ ଆସିବ ।  କିରାଣୀଙ୍କ ଅନେକ କାରନାମା ପରବର୍ତ୍ତୀ ସମୟରେ ପ୍ରକାଶ ପାଇବ୍ ।