03-Jun-2021

ବଲାଙ୍ଗିର, (ପ୍ରେରଣା ଖବର)-କୋଭିଡ ସଂକ୍ରମଣକୁ ପ୍ରତିହତ କରିବା ପାଇଁ ଗୁଡ୍ ନ୍ୟୁଜ୍ ହେଲ୍‌ଥ କେୟାର ସାର୍ଭିସେସ୍ ଆନୁକୂଲ୍ୟରେ ଏକ କୋଭିଡ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । କୋଭିଡ କଟକଣାକୁ ପାଳନପୂର୍ବକ ବଲାଙ୍ଗିର ସହର ସନ୍ନିକଟ ଚଟିଆପାଲିର ମହିଳା ମାନଙ୍କୁ ନେଇ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା । ପ୍ରଥମେ ମହିଳା

ମାନଙ୍କର ଥର୍ମାଲ ସ୍କେନିଂ କରିବା ସହିତ ସେମାନଙ୍କୁ ମାସ୍କ୍‌, ସେନିଟାଇଜର, ଟୁଥପେଷ୍ଟ୍ ଓ ବ୍ରସ୍ ଇତ୍ୟାଦି ଥିବା ସେନିଟାଇସଜର୍ କିଟ୍‌ସ ପ୍ରଦାନ କରାଯାଇଥିଲା । ଅନୁଷ୍ଠାନର ନିର୍ଦ୍ଦେଶକ ବିଲହନ୍  ସାଗର ଏହି କାର୍ଯ୍ୟକ୍ରମର ଶୁଭାରମ୍ଭ କରିବା ସହ ପ୍ରାରମ୍ଭିକ ସୂଚନା ପ୍ରଦାନ କରିଥିଲେ । ଏପରି କାର୍ଯ୍ୟକ୍ରମ ମାଧ୍ୟମରେ ଗୁଡ୍ ନ୍ୟୁଜ୍ ହେଲ୍‌ଥ କେୟାର ସାର୍ଭିସେସ୍ ବଲାଙ୍ଗିର ଜିଲ୍ଲାର ପ୍ରାୟ ୧୫ହଜାର ମହିଳାଙ୍କୁ ସଚେତନ କରିପାରିଛି ।  ଏହିପରି କାର୍ଯ୍ୟକ୍ରମ ମାଧ୍ୟମରେ ଜିଲ୍ଲାରେ ସଂକ୍ରମଣର ହାରକୁ ହ୍ରାସ କରାଯାଇପାରିବ ବୋଲି ନିର୍ଦ୍ଦେଶକ ଶ୍ରୀ ସାଗର ପ୍ରକାଶ କରିଛନ୍ତି । କରୋନାକୁ ମାତ୍ ଦେବା ପାଇଁ  ସାମାଜିକ ଦୂରତା ଅବଲମ୍ବନ କରିବା, ଠିକ ଭାବରେ ମାସ୍କ୍ ପିନ୍ଧିବା, ଅତ୍ୟନ୍ତ ଜରୁରୀ ନହେଲେ ଘରୁ ନ ବାହାରିବା, ନିୟମିତ ହାତ ଧୋଇବା, ଭିଡ ଭିତରକୁ ନଯିବା, ଭେକ୍ସିନ ନେବା ପାଇଁ ଭୟଭୀତ ନହେବା ଆଦି ବିଷୟ 

ଉପରେ ଉପସ୍ଥିତ ମହିଳା ମାନଙ୍କୁ ଅନୁଷ୍ଠାନର ବିଭୂଦତ୍ତ ନନ୍ଦ ବୁଝାଇଥିଲେ । ଏହି ସଚେତନତା କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ଅନୁଗ୍ରହ ନନ୍ଦ, ସଂଜୀବ ନନ୍ଦ, ନିରଜ ନାଗ, ଶ୍ରୀମତୀ ବନାନୀ ଶ୍ରୀଚୌହାନ, ନିମୁଏଲ ବାରିକି, ଡାନିଏଲ ନାଗ ଓ ଶଲୋମନ ଦୀପ ପ୍ରମୁଖ ଅଂଶଗ୍ରହଣ କରିଥିଲେ ।