02-Jun-2021

ସୋନପୁର(ମନୋରଞ୍ଜନ ତ୍ରିପାଠୀ) :ଗତ କାଲି ମଙ୍ଗଳବାର  ସୋନପୁର ସାପ୍ତାହିକ ବଜ଼ାର ଠାରେ ସକାଳେ ଲୋକଙ୍କ  ପ୍ରବଳ ଭିଡ଼ ହେବା  ସାଙ୍ଗେ ଅନେକ ବ୍ୟବସାୟୀ ଓ ଗ୍ରାହକ ମାସ୍କ ପିନ୍ଧି ନ ଥିଵା  କି ସାମାଜିକ ଦୂରତା ରକ୍ଷା କରି ନ ଥିବାର ଦେଖିବାକୁ ମିଳିଥିଲା l ଏ  ପରିକି କୋଭିଡ ନିୟମ କୁ ସମ୍ପୂର୍ଣ  ଉଲଂଘନ କରି ଦିନ 12 ଟା ଯାଏ ମଧ୍ୟ ପୋଲିସ ପ୍ରଶାସନ କୁ ବେଖାତିର କରି ବେଧଡ଼କ ଭାବେ ବଜ଼ାର ରେ ପନିପରିବା ବିକ୍ରି କରୁଥିଲେ ବ୍ୟବସାୟୀ l ଏହି ସମୟ ରେ ପୋଲିସ  ଅଚାନକ ଚଢ଼ାଉ କରି ବ୍ୟବସାୟୀ ଙ୍କୁ  କଡା ଚେତାବନୀ ଦେଇ କିଛି ଅମାନିଆ ବ୍ୟବସାୟୀ  ଙ୍କ ଠାରୁ ଫାଇନ ଆଦାୟ କରିଥିଲେ l ଖାଲି ବଜାର ନୁହେଁ ବସଷ୍ଟାଣ୍ଡ ଚାରି ପାଖ ଓ ସହର ର ପ୍ରାୟ ଅନେକ ଅଂଚଳ ରେ ପୋଲିସ ର ଢିଲା ପଣ

ଯୋଗୁ  କିଛି ଦିନ ହେଲା  12 ଟା 1 ଟା ଯାଏ ଅନେକ ଦୋକାନ ଖୋଲା ରହୁଥିବା ଦେଖିବାକୁ ମିଳିଛି l ଆଜି ପୁଣି  ବଡ଼ ବଜାର  ସମେତ ବିଭିନ୍ନ ଅଂଚଳ ରେ ପ୍ରଶାସନ ର  ଅନୁମତି ନ ଥିବା  ଅନେକ ଦୋକାନ ବଜାର ଆସ୍ତେ ଆସ୍ତେ  ଖୋଲିଵା ଆରମ୍ଭ କରିଦେଲେଣି l ସକାଳେ 5 ରୁ 7 ଯାଏ  ଚା ଦୋକାନ ମାନଙ୍କ ଆଗ ରେ ମଧ୍ୟ  ପ୍ରବଳ ଭିଡ଼ ହେଉଛି l ଚା ଦୋକାନ ବନ୍ଦ ହେଲେ ଚା କେଉଁଠୁ ଆସୁଛି  ଏ ଲୋକ ଭିଡ଼ କେମିତି ଜମୁଛି ଆଶ୍ଚର୍ଯ୍ୟ l  କି ଯାଦୁ ଚା ବାଲାଙ୍କ କେ ଜlଣେ  l  ଏ ସବୁ ଘଟଣା ଯାହାକି  ପୋଲିସ ପ୍ରଶାସନ ପାଇଁ ଏକ ଚ୍ୟାଲେଞ୍ଜ ସୃଷ୍ଟି କରିଛି l ତା ସହିତ ଜ଼ିଲ୍ଲା ର କରୋନା ସଂକ୍ରମଣ ହାର ଆହୁରି ବୃଦ୍ଧି ହେବାର ଆଶଙ୍କା ଦେଖା ଦେଇଛି l  ଅନ୍ୟ ପକ୍ଷ ରେ ଜ଼ିଲ୍ଲା ପୋଲିସ ବିଭାଗ ରେ ବଡ଼ ଧରଣର ଅଦଳ ବଦଳ ପରେ ବିଗତ ଦୁଇ ସପ୍ତାହ ହେଲା ପୋଲିସ ପେଟ୍ରୋଲିଙ୍ଗ ରେ  ଓ  କାର୍ଯ୍ୟାନୁଷ୍ଠାନ ନେବାରେ  ନୁଆଁ ପୋଲିସ  କର୍ମଚାରୀ ଙ୍କ  ସେତେଟା ଉତ୍ସାହ ଦେଖିବାକୁ ମିଳୁନି l ଆମ ସହର ର କିଛି ଅପାଠୁଆ ଓ ଲୋଭି ବ୍ୟବସାୟୀ  ମାନ ଙ୍କ ମଧ୍ୟ ସବୁବେଳେ ଏକ ଭୁଲ ଧାରଣା ରହିଛି ଯେ ପୋଲିସ ସାଇରନ ବାଜିବ ପାଖ କୁ ଆସିବ ତାପରେ ଦୋକାନ ବନ୍ଦ ହେବ l ଯେତେ ଦିନ ଯାଏ ଲୋକେ ଓ ବ୍ୟବସାୟୀ  ସଂକ୍ରମଣ ରୋକିବା ର କାମ କେବଳ  ପୋଲିସ ପ୍ରଶାସନ ର ଭାବୁ ଥିବେ  ଓ  ନିଜେ  ସଚେତନ ନ ହେବେ  ଏହା ଆମ ଦାଈତ୍ବ ନ ଭାବିବେ  ସେତେ ଦିନ ଯାଏ ସେମାନେ ଲକ ଡାଉନ ସଟ ଡାଉନ ରେ ସଢୁ ଥିବେ  ଏଥିରେ ଆଉ  ଆଦୌ ସଂନ୍ଦେହ ନାହିଁ l ସହର ରେ  ଖୁବ ଶୀଘ୍ର ପୋଲିସ  ପେଟ୍ରୋଲିଙ୍ଗ କୁ କଡା କଡୀ କରିବାକୁ ଓ  ଅମାନିଆ ବ୍ୟବସାୟୀ  ଙ୍କ ଉପରେ କାର୍ଯ୍ୟାନୁଷ୍ଠାନ 

ନେବା କୁ ଦୃଢ଼ ଦାବି ହେବା ସହିତ ଅତ୍ୟାଵଶ୍ୟକ ଓ ଅନାବଶ୍ୟକ ଦୋକାନ ଗୁଡ଼ିକୁ ଚି଼ହ୍ନଟ ନ କଲେ ଆସ୍ତେ ଆସ୍ତେ ସବୁ ଦୋକାନ ବଜାର ଖୋଲି ଯିବ ବୋଲି କିଛି ବୁଦ୍ଧିଜୀବୀ ମତ ଦେଇଛନ୍ତି l