31-May-2021

ବଲାଙ୍ଗୀର /ସଇଁତଲା(ପ୍ରେରଣା ଖବର) :ବଲାଙ୍ଗୀର  ଜିଲ୍ଲା ସଇଁତଲା ବ୍ଲକ ଆମ୍ବପାଲି ପଞ୍ଚାୟତ ଭେରୁଆଭଟ୍ଟା  ଗ୍ରାମରେ ଦୁଇ ଅନାଥ ପିଲା ଙ୍କୁ ଅଜା ଆଈ ଆଦରିଲେ ଖବର ଗଣମାଧ୍ୟମରେ ପ୍ରକାଶିତ ହେବା ପରେ ଏହି ଖବରକୁ ମନ୍ତ୍ରୀ ଟୁକୁନୀ ସାହୁ,ପୂର୍ବତନ ସାଂସଦ କଳିକେଶ ସିଂଦେଓ ଓ ବଲାଙ୍ଗୀର ଜିଲ୍ଲାପାଳକୁ ଟ୍ବିଟ କରାଯାଇଥିଲା ।  ସାଂସଦ କଳିକେଶ ନାରାୟଣ ସିଂ ଦେଓ ଙ୍କୁ ଟିୟୁଟ କରିବା ପରେ  ଜିଲ୍ଲା ବିଜୁ ଜନତା ଦଳ ଏକ ପ୍ରତିନିଧି ଦଳ ଆଜି ପହଂଚି ଅସହାୟ ପରିବାର ଙ୍କୁ ଭେଟି ବିଭିନ୍ନ ସମସ୍ୟା ଆଲୋଚନା କରିଥିଲେ  l ଏହାପରେ 15 ଦିନର କରୋନା ସମୟରେ ଚାଲିଥିବା ସଟଡାଉନର ଆର୍ଥିକ ସାହାଯ୍ୟ ସହିତ ପନିପରିବା ଓ କିରାନା ସାମଗ୍ରୀ ପ୍ରଦାନ କରିଥିଲେ l ଏହା ସହିତ ପୂର୍ବତନ ସାଂସଦ ଶ୍ରୀ ସିଂଦେଓ  ବ୍ୟକ୍ତିଗତ ଭାବରେ ବଲାଙ୍ଗୀର ଜିଲ୍ଲାପାଲ ଓ ଟିଟିଲାଗଡ଼ ଉପଜିଲାପାଳଙ୍କ ସହିତ ଫୋନରେ କଥାହୋଇ ତୁରନ୍ତ ପଦକ୍ଷେପ ନେବାପାଇଁ ଆଲୋଚନା କରିବା ପ୍ରକାଶ କରିଥିବା ଜଣାଯାଇଛି l ବିଜୁ ଜନତା ଦଳର ଏହି ଟିମରେ ଜିଲ୍ଲା ଆଇଟି ସଂଯୋଜକ ବିଭୁତି ଭୂଷଣ ମିଶ୍ର, ଯୁବ ବିଜେଡି ସମ୍ପାଦକ ଗୋବିନ୍ଦ ଶତପଥୀ, ବ୍ଲକ ଆଇ. ପି ଟିକେଶ୍ୱର ସାହୁ, ପୂର୍ବତନ ସରପଞ୍ଚ ରାଜକିଶୋର ବୁଡ଼େକ ଓ କିଶୋର ସାହୁ ପ୍ରମୁଖ ଉପସ୍ଥିତ ଥିଲେ  l ସେହିପରି ଜିଲ୍ଲାପାଳ ଚନ୍ଚଳ ରାଣା ଅସହାୟ ପରିବାର କିଭଲି ତାଙ୍କର ନ୍ୟାର୍ଯ୍ୟଦାବି ପାଇପାରିବେ ସେନେଇ ଏମର୍ଜେନ୍ସି ବିଭାଗକୁ ନିର୍ଦ୍ଧେଶ କରିଥିବା କହିଛନ୍ତି । ପ୍ରକାଶ ଯେ,ରବି ଚନ୍ଦ୍ର ସାହୁ ତାଙ୍କ ସ୍ତ୍ରୀ ରେବତୀ ଓ ପୁଅ ଭୀମସେନ (16), ସୁଜାତା (15 ), ଭଗବତୀ (14) , ଓ ମାଳତୀ  (12)  ଚାରି ପୁଅ ଝିଅ ଙ୍କୁ ନେଇ ସୁଖୀ ପରିବାର ଥିଲେ l ଏହାପରେ ରବି   ରୋଗଗ୍ରସ୍ତ ହୋଇ ମୃତ୍ୟୁବରଣ କରିଥିଲେ l ପରେ ଚାରି ପୁଅ ଝିଅ ମାନଙ୍କୁ ଧରି ରାବତୀ ପରିବାରକୁ ପରିପୋଷଣ କରିଆସୁଥିଲା l ହଠାତ ଗତ 2020 ସେପ୍ଟେମ୍ବର ମାସରେ ରେବତୀ ଓ ପୁଅ ଭୀମସେନ ଚାଷ କ୍ଷେତ ଫେରୁଥିବା ସମୟରେ ବଜ୍ରଘାତ ଘଟିଥିଲା  l ଏଥିରେ ମା ରାବତୀ ଙ୍କ ଘଟଣାସ୍ଥଳ ମୃତ୍ୟୁ ଘଟିଥିଲା ହେଲେ ଭୀମସେନ ଗୁରୁତର ଆହତ ହୋଇ ସଇଁତଲା ଡାକ୍ତରଖାନା ରେ ପ୍ରାଥମିକ ଚିକିତ୍ସା କରିବା ପରେ ବଲାଙ୍ଗୀର ଭୀମଭୋଇ ମେଡିକାଲ ଡାକ୍ତରଖାନା କୁ ସ୍ଥାନାନ୍ତରିତ କରାଯାଇଥିଲା  l ତାପରେ ଭୀମସେନ ସୁସ୍ଥ ହୋଇ ଘରକୁ ଫେରିଥିଲା  l ଏ  ଖବର ଗଣମାଧ୍ୟମ ପ୍ରକାଶ ପାଇଁବା ପରେ ବଲାଙ୍ଗୀର ପ୍ରଶାସନ ନିର୍ଦେଶରେ ଶିଶୁ ସୁରକ୍ଷା ଟିମ ପହଂଚି 4 ଜଣ ଅସହାୟ ଶିଶୁ ଙ୍କୁ ଉଦ୍ଧାର କରିଥିଲେ  l ପରେ  ଅଜାଆଈ 2 ଜଣ ଭଗବତୀ  ଓ ମାଳତୀ  ଙ୍କୁ ଛାଡିବା ପାଇଁ ରାଜି ହୋଇଥିଲେ  l ଏବେ  ଘରେ ଭୀମସେନ ଓ ଝିଅ ସୁଜାତା ରହିଛନ୍ତି l କିନ୍ତୁ ପଞ୍ଚାୟତ ତରଫରୁ ଚାରି ପୁଅ ଝିଅ ଙ୍କ ନାମରେ ମାତ୍ର 20 କେଜି ଚାଉଳ ମିଳୁଥିବା ଜଣାଯାଇଛି  l ପରେ ପଞ୍ଚାୟତ କତୃପକ୍ଷ ପହଂଚି ଅନ୍ତୋଦୟ ତାଲିକାରେ ସାମିଲ କରିବା ପାଇଁ ପ୍ରତିଶୃତି ଦେଇଥିଲେ  l ହେଲେ ଆଜି ପଯ୍ୟନ୍ତ ପ୍ରଶାସନ ତରଫରୁ କୋଣସି ସରକାରୀ ଯୋଜନା ସାମିଲ କରି ନାହିଁ  l ଏହା ସହିତ ତହସିଲଦାର ଅଫିସରୁ ମଧ୍ୟ ମାଆ ମୃତ ପରେ କୋଣସି ଆର୍ଥିକ ସହାୟତା ମିଳିନାହିଁ l ବର୍ତମାନ ଦୁଇ ଅସହାୟ ଶିଶୁ ଏବେ ଅଜାଆଈ ଙ୍କ ଭରସାରେ ରହିଁଛନ୍ତି l ତେଣୁ ଜିଲ୍ଲା ପ୍ରଶାସନକୁ ତୁରନ୍ତ ନିରୀହ ଅନାଥ ଶିଶୁ ଙ୍କ ପାଇଁ ସରକାରୀ ଆବାସ ଯୋଜନା ସାଙ୍ଗକୁ ଆର୍ଥିକ ସହାୟତା ପାଇଁ ଅଞ୍ଚଳ ଜନସାଧାରଣ ଙ୍କତରଫରୁ ଦୃଷ୍ଟି ଆକର୍ଷଣ କରିଛନ୍ତି l