31-May-2021

କଟକ, ସାଲେପୁର: ସାଲେପୁର ବ୍ଲକ୍ କଟରପା ପଞ୍ଚାୟତର ମହନାପୁର ଓ ଉର୍ତ୍ତଳ ଗ୍ରାମର ଚାଷୀ ମାନଙ୍କ ଫିଡର କେନାଲ ର ସଂଯୋଗୀକରଣ କୋଭିଡ୍ କଟକଣା ମଧ୍ୟରେ  ଶୁଭ ଶିଳାନ୍ୟାସ କଲେ ବିଧାୟକ ପ୍ରଶାନ୍ତ କୁମାର ବେହେରା। ଏହି ଅଞ୍ଚଳରେ ବହୁ ବର୍ଷ ଧରି ମହନାପୁର ଓ ଉର୍ତ୍ତଳ ଗ୍ରାମର ବିଲକୁ ପାଣି ଆସୁନଥିବା କାରଣରୁ ଚାଷୀକୁଳ ବୁଡି ଯିବା ସମୟରେ ସରପଞ୍ଚ ଶ୍ରୀମତୀ ତିଳୋତ୍ତମା ପତିଙ୍କ ସୁପୁତ୍ର ସମାଜସେବୀ ତଥା ସାଲେପୁର ବ୍ଲକ୍  ବିଜେଡି ଦଳର କାର୍ଯ୍ୟକାରୀଣି ସଭାପତି ନାରାୟଣ ପତିଙ୍କ ପ୍ରଚେଷ୍ଟା ବଳରେ ବିଧାୟକ ପ୍ରଶାନ୍ତ କୁମାର ବେହେରା ଆଜି ୪ ନଂ କେନାଲ ଠାରୁ ୧ ନଂ କେନାଲ ପର୍ଯ୍ୟନ୍ତ ଫିଡର ସଂଯୋଗୀକରଣର ଶୁଭ ଶିଳାନ୍ୟାସ କରିବା ସହିତ ୨୫ ଲକ୍ଷ ଟଙ୍କାର ବ୍ୟୟବରାଦ କାମକୁ ଏହି ବର୍ଷ କାମ ଶେଷ କରି ଚାଷୀ ମାନଙ୍କ ମୁହଁରେ ହସ ଫୁଟେଇବେ ବୋଲି ଚାଷୀ ମାନଙ୍କ ସମ୍ମୁଖରେ ପ୍ରକାଶ କରିଛନ୍ତି। ଏହା ହେଉଛି ମାନ୍ୟବର ବିଧାୟକ ପ୍ରଶାନ୍ତ କୁମାର ବେହେରାଙ୍କ ଲୋକପ୍ରିୟତା ବୋଲି ଅଞ୍ଚଳରେ ଚର୍ଚା ହେଉଛି

(ଦୀପକ କୁମାର ଷଡଙ୍ଗୀଙ୍କ ରିପୋର୍ଟ)