30-May-2021

କଣ୍ଟାବାଞ୍ଜି (ପ୍ରେରଣା ଖବର) :କରୋନାର ଦ୍ୱିତୀୟ ଲହରୀ ଯୋଗୁଁ ତାଲାବନ୍ଦ ସମୟରେ ମଣିଷ ସମେତ ଜୀବଜନ୍ତୁ ମଧ୍ୟ ଖାଇବାକୁ ନପାଇ ଭୋକଉପାସରେ ରହିବାର ଦୃଶ୍ୟ ବିଭିନ୍ନ ସୋସିଆଲ ମିଡିଆରେ ଭାଇରାଲ ହେଉଛି।ହରିଶଙ୍କରଠାରେ

ମାଙ୍କଡମାନେ ମଧ୍ୟ ଖାଇବାକୁ ପାଉନଥିବାର ସୋସିଆଲ ମିଡିଆରେ ଜାଣିବା ପରେ ଜୁନିୟର ରେଡକ୍ରସ ପରାମର୍ଶ ଦାତା ବୁଦ୍ଧ ପୂର୍ଣ୍ଣମୀ ରେ କିଛି ଶୁଭେଛ୍ଛୁଙ୍କ ସାହାଯ୍ୟରେ ହରିଶଙ୍କର ଯାଇ ଖାଦ୍ୟ ଦେଇଥିଲେ ଏବଂ ସୋସିଆଲ ମିଡିଆରେ ମାଙ୍କଡମାନଙ୍କୁ ଖାଇବାକୁ ଦେବାକୁ ଅନୁରୋଧ କରିଥିଲେ।ଶ୍ରୀ ଦାଶଙ୍କ ଅନୁରୋଧରେ ଅନେକ ଦୟାଳୁବ୍ୟକ୍ତି ମାଙ୍କଡମାନଙ୍କୁ ଖାଦ୍ୟ ଯୋଗାଇ ଦେବାକୁ ଆଗଭର ହୋଇଛନ୍ତି।ଆଜି କଣ୍ଟାବାଞ୍ଜିର ପ୍ରକୃତିବନ୍ଧୁ ସୂର୍ଯ୍ୟକାନ୍ତ ରଣା,ଶିକ୍ଷକ ଓ ବେଲପଡାର ସମାଜସେବୀ ହଲୁ ସୁନା ଶ୍ରୀ ଦାଶଙ୍କୁ ଯୋଗାଯୋଗ କରି ଖାଦ୍ୟ ପାଇଁ ଆର୍ଥିକ ସାହାଯ୍ୟ ଦେଇଥିଲେ।ଶ୍ରୀ ଦାଶ ସମେତ ବିବେକାନନ୍ଦ ରାୟ,ଥମିର ଛତ୍ରିଆ, ରାକେଶ ସେଠ ଗୋଟିଏ ଗାଡ଼ିରେ ତରଭୁଜ,କଦଳୀ, 

ପାଉରୁଟି,ଚଣା, ବାଦାମ, ବିସ୍କୁଟ ଆଦି ଖାଇବା ଦ୍ରବ୍ୟ ନେଇ ମାଙ୍କଡ,କୁକୁର ଓ ଗାଇମାନଙ୍କୁ ଦେଇଥିଲେ।ଶ୍ରୀ ଦାଶ ଖାଦ୍ୟ ଦେଉଥିବା ବ୍ୟକ୍ତି ମାନଙ୍କୁ ସାଧୁବାଦ ଦେବା ସହିତ ଅନ୍ୟମାନଙ୍କୁ ଦେବା ପାଇଁ ଅନୁରୋଧ କରିଥିଲେ।c