22-Oct-2020

ବଲାଙ୍ଗିର,୨୨ା୧୦-ବଲାଙ୍ଗୀର ସହରର ବରପାଲିପଡା ଓ ତାଲପାଲିପଡାର ମଧ୍ୟଭାଗରେ ଥିବା ଚନ୍ଦ୍ରାସେଣୀମନ୍ଦିରକୁ ଚଳିତବର୍ଷ ପୁନର୍ବିନ୍ୟାସ କରାଯାଇଛି । ଭକ୍ତଙ୍କ ଦ୍ୱାରା ନିଜସ୍ୱଉଦ୍ୟମରେ ଏହାର ମନ୍ଦିର ଚୁଡାନିର୍ମାଣ ସହିତ ରଙ୍ଗକରାଯାଇ ତଥା ଚିତ୍ର ଅଙ୍କାଯାଇ ନୂତନ ରୂପ ଦିଆଯାଇଛି । ସ୍ଥାନୀୟ ବୟସ୍କଲୋକଙ୍କ ପରାମର୍ଶ ଓ ଉତ୍ସାହୀ ଯୁବକମାନଙ୍କ ଉଦ୍ୟମରେ ଚନ୍ଦ୍ରାସେଣୀଛକର ସୌନ୍ଦର୍ଯ୍ୟକରଣ ମଧ୍ୟ କରାଯାଇଛି । ପ୍ରକାଶ୍ୟ ଯେ,ପୂର୍ବରୁ ଏହି ଅଞ୍ଚଳ ତାଲପାଲି ଗଉଁତିଆ ଦୁର୍ଗାପ୍ରସାଦ ସାଏଙ୍କର ଚାଷଜମି ରହିଥିଲା । ଏକ ପଥରଟିକ୍ରାରେ ଦେବୀଙ୍କୁ ପୂଜା କରାଯାଉଥିଲା । ଗଉଁତିଆ ପ୍ରତିବର୍ଷ ଏଠାରେ ପୂଜାପାର୍ବଣ କରୁଥିଲେ । ପରବର୍ତ୍ତି ସମୟରେ ଏହି ଜମିଗୁଡିକ ବାସପୋଯୋଗୀ ଘରନିର୍ମାଣରେ ବ୍ୟବହାର କରାଗଲା । ଦେବୀପୀଠର ଚାରିକଡେ ଘରନିର୍ମାଣ ହୋଇ ପଡାବସିଲା । ଆସ୍ତେ ଆସ୍ତେ ପଡାବଢିବାରୁ ପଡାର ମଧ୍ୟଭାଗରେ ଥିବା ଚାରିଛକରେ କଡେ ମନ୍ଦିରଟି ରହିଲା । ଗତ ୨୦୦୩ ମସିହାରେ ପଣ୍ଡିତ ଚ୍ୟବନ ମିଶ୍ର ଓ ଅନ୍ୟମାନଙ୍କ ଉଦ୍ୟମରେ ପ୍ରଥମକରି ଦେବୀଙ୍କର ଏକ ଛୋଟ ମନ୍ଦିର ନିର୍ମାଣ କରାଯାଇଥିଲା । ଏବେ ଭକ୍ତଙ୍କ ଆଗ୍ରହରେ ୧୭ବର୍ଷ ପରେ ପୁଣି ଏହାର ପୁନଃର୍ବିନ୍ୟାସ କରାଯାଇଛି । ଦେବୀପୀଠଟି ଏକ ଛୋଟମନ୍ଦିରରେ ପରିଣତ ହୋଇ ସୁନ୍ଦର ଦେଖାଯାଉଛି । ଆଜିଠାରୁ ଏଠାରେ ଦେବୀଙ୍କର ପୂଜା ଆରମ୍ଭ ହୋଇଛି । ଆସନ୍ତ ୪ଦିନ ଧରି ଏଠାରେ ଦେବୀଙ୍କର ପୂଜା ଚାଲିବ । କରୋନା କଟକଣା ସମୟରେ ସାମାଜିକ ଦୂରତା ବଜାୟ ରଖି ଭକ୍ତମାନେ ଦେବୀଙ୍କୁ ଦୂରରୁ ଦର୍ଶନ କରି ଯାଉଛନ୍ତି । ପୂଜାରେ କର୍ତ୍ତା ଭାବରେ ପ୍ରଦୀପ ଷଢଙ୍ଗୀ ଓ ତାଙ୍କ ଧର୍ମପତ୍ନୀ ମମତା ଷଢଙ୍ଗୀ ବସିଛନ୍ତି । ଅନ୍ୟମାନଙ୍କ ମଧ୍ୟରେ ପଡାର ବରିଷ୍ଠ ବ୍ୟକ୍ତି ଆଦିକନ୍ଦ ଷଢଙ୍ଗୀ,ବାସୁଦେବ ମେହେର,ଅଗସ୍ତି ରାଉତ,କାଶିନାଥ ସିଂ,ଭାଗ୍ୟଧର ମିଶ୍ର,ରବିଚନ୍ଦ୍ର ପଟ୍ଟନାୟକ,ଦୟାନିଧି ଷଢଙ୍ଗୀ,ଶିବରାମ ମିଶ୍ର,ରାମଚନ୍ଦ୍ର ମିଶ୍ର,କିଶୋରଚନ୍ଦ୍ର ସାଏ,ବସନ୍ତ ତ୍ରୀପାଠୀ,ସୁଭାଷ ପଟ୍ଟନାୟକ,କୃଷ୍ଣଚନ୍ଦ୍ର ପଟ୍ଟନାୟକ,ମାନସ ମହାନ୍ତି,ସୌରଭ ମେହେର,ରାକେଶ ପଧାନ,ୁକୁନା ପଟ୍ଟନାୟକ ସହଯୋଗ କରୁଛନ୍ତି । ପୂଜକ ଭାବରେ ମହାଦେବ ମିଶ୍ର ରହିଛନ୍ତି । ଆଜି ମହିଳାମାନେ ସାମାଜିକ ଦୂରତା ବଜାୟରଖି କଳସ ଶୋଭାଯାତ୍ରା କରିଥିଲେ ।