23-May-2021

ରେଢ଼ାଖୋଲ ( ଅନିଲ କୁମାର ପୃଷ୍ଟି ) : କୋରୋନା କାଳରେ ମାନବିକତା ଦେଖାଇଲେ ମହିଳାଳା ସଂଘ। ସ୍ୱାମୀଙ୍କ ମୃତ୍ୟୁ ପରେ ଦଶାହ କାର୍ଯ୍ୟ କରିବା ପାଇଁ କାଣିକଉଢି ଟିଏ ନଥିବା ଜଣେ ଅସହାୟ ମହିଳାଙ୍କୁ ଗାଁ ମହିଳାସଂଘ ପକ୍ଷରୁ ଗାଁସାରା ବୁଲିବୁଲି ଜଣଙ୍କ ପିଛା ଅଧା କେଜି ଚାଉଳ ଓ ୧୦ଟଙ୍କା ଲେଖାଏଁ ଚାନ୍ଦା କରି ଅସହାୟ ମହିଳାଙ୍କୁ ପ୍ରଦାନ କରାଯାଇଛି । ରେଢାଖୋଲ ଏନଏସିର 2 ନମ୍ବର ୱାର୍ଡର ସୁଣ୍ଡିମୁଣ୍ଡା ଗାଁରେ 

ସୂଚନା ଯୋଗ୍ୟ ଗତ ୧୨ ତାରିଖ ରାତ୍ରୀରେ ଶୁଣ୍ଢିମୁଣ୍ଡା ଗ୍ରାମ ହରିଜନ ସାହିର ଶବର ରାଜହଂସ (୬୫) ଙ୍କ ମୃତ୍ୟୁ ହୋଇଯାଇଥିଲା। ତାଙ୍କ ସ୍ତ୍ରୀ ବାସନ୍ତୀ ରାଜହଂସ ୧୩ ତାରିଖ ସକାଳୁ ଶବ ସତ୍କାର ପାଇଁ ସାହି ପଡିଶାରେ ଜଣାଇ ଥିଲେ । କିନ୍ତୁ ମହାମାରୀ କରୋନା ଭୟରେ କେହି ଆସି ନ ଥିଲେ । ରେଢ଼ାଖୋଲ ପ୍ରଶାସନ ସୂଚନା ପାଇ ସେଠାକୁ ଯାଇ ରାତ୍ରୀ ୧୦ ଟା ବେଳେ ଶବ ସତ୍କାର କରିଥିଲା । ତାଙ୍କ ଏକ ମାତ୍ର ପୁତ୍ର ସୁଦୂର ତାମିଲନାଡୁରେ ଦାଦନ ଖଟିବାକୁ ଯାଇଛି ହେଲେ ସେ ଲକ୍ ଡାଉନ୍ କାରଣରୁ ଗାଁ କୁ ଆସିପାରି ନାହିଁ । ସ୍ତ୍ରୀ ଶୁଦ୍ଧିକ୍ରିୟା ସହଯୋଗ ପାଇଁ ଏନ୍ ଏ ସି ଅଧିକାରୀଙ୍କୁ ଜଣାଇଲେ ହେଲେ ଶବ ସତ୍କାର ପ୍ରଶାସନ ତରଫରୁ କରାଯାଇଥିବାରୁ ଶୁଦ୍ଧିକ୍ରିୟା ପାଇଁ କୌଣସି ସହଯୋଗ କରିବା ପାଇଁ ମନା କରି ଦେଇଥିଲେ ଏବାବଦରେ ୱାର୍ଡ ଅଫିସର ଧିରେନ ପ୍ରଧାନଙ୍କୁ ଜଣାଇବାରୁ ସେ ଶୁଣ୍ଢିମୁଣ୍ଡା ମହିଳା ମହାସଂଘକୁ ଜଣାଇଥିଲେ । ଲକ୍ଷ୍ମୀ ନାରାୟଣ ମହିଳା ମହାସଂଘର ସଦସ୍ୟା ମାନେ ସହଯୋଗର ହାତ ବଢାଇ ଘର ଘର ବୁଲି ୫୦ କିଲୋ ଚାଉଳ ଓ ୧୦୦୦ ଟଙ୍କା ସହାୟତା ରାଶି ଦେଇଥିଲେ । ଲକ୍ଷ୍ମୀ ନାରାୟଣ ମହିଳା ମହାସଂଘର ସଭାପତି ମିନା କଲତା, ସମ୍ପାଦକ ଅନିତା ରାଉତ, ଅନିତା ପଟ୍ଟନାୟକ, ମମତା ପୋଢ଼, ସଭାଗିନି ନାୟକ,ପଦ୍ମିନୀ 

ନାୟକ, ଝରଣା ସ୍ବାଇଁ , ସୁଶୀଳା ମହାକୁଡ଼, ଜୁଗସିନି ପୋଢ ,ରାଇବାରି ରାଉତ ,କନକଲତା ରାଉତ , ଝୁନିତାହଂସ , ସୁଶୀଳା କଳତା , ହେମା ଦୀପ ,ସ୍ୱରସତି ଦୀପ, ଦୀପ୍ତି ମହାନନ୍ଦ ଶାନ୍ତି ନାଏକ ,ବିଜୁଳି ନାଏକ ,ପ୍ରଭାତୀ ନାଏକ ,ତପିଶା ମହାନନ୍ଦ,ଅଞ୍ଜେଇ ନାଗ,ସୁଚିତ୍ରା ସୁନାଙ୍କ ସହିତ ଅନ୍ୟ ସଦସ୍ୟା ମାନେ ସହଯୋଗ କରିଥିଲେ ।