22-May-2021

କଣ୍ଟାମାଳ (ଅକୃର ସାହୁ): ଭାରତ ସ୍ଵାଧୀନ ହେବାର ଦୀର୍ଘ ବର୍ଷ ବିତିଯାଇଥିଲେ ସୁଦ୍ଧା ଏବେ ବି ଆମ ରାଜ୍ୟର ଅନେକ ଗାଁ ରହିଛି ଯେଉଁଠାରେ ଲୋକେ  ସମୃଦ୍ଧିର ଆଲୋକକୁ ଦେଖି ପାରି ନାହାନ୍ତି ଲ ଶିକ୍ଷା,ସ୍ୱାସ୍ଥ୍ୟ ଓ ଗମନାଗମନ ପରି ମୌଳିକ ସୁବିଧାରୁ ବହୁ ଦୁରରେ ରହିଛନ୍ତି ଅନେକ ଗାଁ l

ବିକାଶ ର ସ୍ୱାଦ ଚାଖି ନଥିବା ଏପରି ଏକ ଅବହେଳିତ ଗାଁ ହେଉଛି ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ବର ଗାଁ ପଞ୍ଚାୟତ ଅଧିନରେ ଥିବା ମାତାକୁପା ଗାଁ ।ଭାରତ ସମ୍ବିଧାନ ତିଆରି କରିବା ସମୟରେ ଆମର ମହାନ ପୁରୁଷ ଚିନ୍ତା କରିଥିଲେ। ଗାଁ ର ଉନ୍ନତି ଦେଶର ଉନ୍ନତି  । ରାଜା ରାଜୁଡ଼ା ଅମଳରୁ ଏହି ଗାଁ ରହିଛି  । ଏହି ଗାଁର ନାମରେ ୱାର୍ଡ଼ ନାମିତ କରାଯାଇଛି ହେଲେ ଦୁଃଖର ବିଷୟ ନା ସରପଞ୍ଚ, ନା ବିଡିଓ ନା ବିଧାୟକ ଏ ଅଞ୍ଚଳ ପ୍ରତି ଦୃଷ୍ଟି ଦେଇଛନ୍ତି । ଏହି ଗାଁକୁ ସାମାନ୍ୟ ପଦଚଲା  ରାସ୍ତା ଟିଏ ବି ନାହିଁ l ଆଜି ବି ଏହି ଗାଁ କୁ ଆମ୍ବୁଲାନ୍ସ ଆସି ପାରେ ନାହିଁ l ଗୁରୁତର ରୋଗୀ କିମ୍ବା ଜଣେ ଗର୍ଭିଣୀ ମହିଳାଙ୍କୁ ଡାକ୍ତରଖାନା ନେବା ପାଇଁ ଏଠାରେ ଖଟିଆ ହିଁ ଏକମାତ୍ର ପନ୍ଥା ହୋଇଥାଏ lଓଡ଼ିଶାର ମହାନ ରାଜନେତା

ମାନଙ୍କର ଏହି ମାତାକୁପା ଗ୍ରାମବାସୀଙ୍କ ଦୁଃଖ ଵୁଝିବାକୁ ସମୟ ନାହିଁ    । ଏହି ଗ୍ରାମରେ ରାସ୍ତା ନ ଥିବାରୁ ହିଡ  ଦ୍ବାରା ଗମନାଗମନ କରନ୍ତି ଲୋକେ । ଳନ କୂଅ ଟିଏ ଅଛି କିନ୍ତୁ କାଦୁଅ ପାଣି ବାହାରୁଛି  । ନାହିଁ ନାହିଁ ର ଗାଁ ମାତାକୂପା ରେ ଲୋକଙ୍କୁ ମୌଳିକ ସୁବିଧା ପ୍ରଦାନ ପାଇଁ ସ୍ଥାନୀୟ ବିଧାୟକ ଓ ବିଡିଓ ସ୍ଵତନ୍ତ୍ର ଦୃଷ୍ଟି ଦେବା ଜରୁରୀ ଅଟେ l