28-Apr-2021

କଳାହାଣ୍ଡି,କୋକସରା(ତ୍ରିନାଥ ବେଶ୍ରା): କଳାହାଣ୍ଡି ଜିଲ୍ଲା କୋକସରା ବ୍ଲକରେ ରେକର୍ଡ ମାତ୍ରାରେ ଦୈନିକ କୋଭିଡ ସଂକ୍ରମିତଙ୍କ ସଂଖ୍ୟା ବଢୁଛି l କୋଭିଡ ସଂକ୍ରମଣକୁ କିଛି ମାତ୍ରାରେ  ପ୍ରତିହତ କରିବା ପାଇଁ ବ୍ଲକର ବିଭିନ୍ନ ପଞ୍ଚାୟତରେ ସଟଡାଉନ ଜାରି ରହିଛି l କୋକସରା ବ୍ଲକର  କାଉଡୋଳା ପଞ୍ଚାୟତକୁ ମଧ୍ୟ ବୁଧବାର ଠାରୁ ରବିବାର ପର୍ଯ୍ୟନ୍ତ ସଟ୍ ଡାଉନ ଘୋଷଣା କରିଛନ୍ତି କାଉଡୋଳା ସରପଞ୍ଚ ଶ୍ରୀମତୀ ଜମ୍ବୁବତୀ ସାହୁ l କାଉଡୋଳା ଛକ ଦେଇ ଜୟପୁର,ଲଡୁଗାଁ, ଜୟପାଟଣା ବ୍ଲକକୁ ସଂଯୋଗ କରୁଥିବା ଯୋଗୁ ଦୈନିକ ଶହ ଶହ ସଂଖ୍ୟକ ଜନସମାଗମ ହୋଇଥାଏ l

ବର୍ତ୍ତମାନର ସଂକ୍ରମଣ ସ୍ଥିତି କୁ ଦୃଷ୍ଟି ରେ ରଖି କାଉଡୋଳା ସରପଞ୍ଚ ଲୋକଙ୍କ ସୁରକ୍ଷା ପାଇଁ ଏପରି ନିଷ୍ପତ୍ତି ନେଇଥିବା କହିଛନ୍ତି  l ଏହି ସଟଡାଉନ୍ ରୁ ଜରୁରୀକାଳୀନ ସେବା ବ୍ୟତୀତ ସମସ୍ତ ଦୋକାନ ବଜାର ପ୍ରତିଷ୍ଠାନ ବନ୍ଦ ରହିବ ଅତି ଜରୁରୀ କାର୍ଯ୍ୟ ଥିଲେ କୋଭିଡ୍ ନିୟମ ପାଳନ କରି ଘରୁ ବାହାରିବାକୁ କୁହାଯାଇଛି l ଏଣୁ ବିନା କାରଣରେ ଚଳପ୍ରଚଳ କଲେ ଆଇନ ଅନୁଯାୟୀ କାର୍ଯନୁଷ୍ଠାନ ନିଆଯିବ ବୋଲି କାଉଡୋଳା ସରପଞ୍ଚ ସୁଚନା ଦେଇଛନ୍ତି ।