24-Apr-2021

ଭୁବନେଶ୍ୱର:(ଶୁଭାଶିଷ ନାୟକ) ଜଣେ ନାବାଳିକାଙ୍କୁ ପ୍ରେମ ଜାଲରେ ଫସାଇବା ପରେ ତାଙ୍କୁ ଅପହରଣ କରି ଦୁସ୍କର୍ମ କରିବା ଅଭିଯୋଗରେ ଜଣେ ଅଭିଯୁକ୍ତଙ୍କୁ ଗିରଫ କରିଛି ଲିଙ୍ଗରାଜ ଥାନା ପୁଲସ । ନାବାଳିକାଙ୍କୁ କଲିକତା ଉଦ୍ଧାର କରିବା ସହ ଅଭିଯୁକ୍ତକୁ ଗିରଫ କରିଛି ଲିଙ୍ଗରାଜ ଥାନା ପୁଲିସ । ଗିରଫ ଅଭିଯୁକ୍ତ ଜଣଙ୍କ ହେଲେ ଲିଙ୍ଗରାଜ ଥାନା ଅନ୍ତର୍ଗତ ଓଲ୍ଡଟାଉନ ଅଞ୍ଚଳର ପ୍ରଦୁ୍ୟମ୍ନ ଦାସ ନାମକ  । ଭୁବନେଶ୍ୱର ଆସିବା ପରେ ଗୁରୁବାର ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ବେଳେ ସେଠାରେ ତାଙ୍କର ଜାମିନ ନାମଞ୍ଜର ହେବାରୁ ତାଙ୍କୁ ଜେଲ ପଠାଇ ଦିଆଯାଇଛି ।
ସୂଚନା ଅନୁଯାୟୀ, ପ୍ରଦୁ୍ୟମ୍ନ  ଓଲ୍ଡଟାଉନ ଅଞ୍ଚଳରେ ରାଜମିସ୍ତ୍ରୀ ଭାବେ କାର୍ଯ୍ୟ କରନ୍ତି । ଲିଙ୍ଗରାଜ ଥାନା ଅଧିନ ଓଲଡ଼ଟାଉନ ଅଞ୍ଚଳରେ କାର୍ଯ୍ୟ କରୁଥିବା ବେଳେ ସେହି ଅଞ୍ଚଳର ଜଣେ ୧୩ ବର୍ଷର ନାବାଳିକାଙ୍କୁ ପ୍ରେମ ଜାଲରେ ଫସାଇଥିଲେ । ପରେ ତାଙ୍କୁ ବିଭିନ୍ନ ପ୍ରଲୋଭନ ଦେଖାଇ କୋଲକାତା ନେଇ ଫେରାର ହୋଇଯାଇଥିଲେ ।  ଏନେଇ ନାବାଳିକାଙ୍କ ପରିବାର ଲୋକେ ଗତମାସ ୧୮ ତାରିଖରେ ଲିଙ୍ଗରାଜ ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇଥିଲା । ପରେ ଅଭିଯୁକ୍ତ ଜଣଙ୍କ କୋଲକାତାରେ ଥିବା ପୁଲିସ ମୋବାଇଲ ଟ୍ରାକ କରି ଜାଣିବାକୁ ପାଇଥିଲା ।  ମଙ୍ଗଳବାର ଦିନ ପୁଲିସ କଲିକତା ଯାଇ ନାବାଳିକାକୁ ଉଦ୍ଧାର କରିବା ସହ ସେଠାରୁ ଅଭିଯୁକ୍ତକୁ ଗିରଫ କରିଛି ।