23-Apr-2021

 ବଲାଙ୍ଗୀର,(ପ୍ରେରଣା ଖବର):କୋଭିଡ୍ ଆଇନ୍ ଉଲଙ୍ଯେଗରେ ବଲାଙ୍ଗୀର ସହରରେ ଦଶଟି ଦୋକାନ ସିଲ୍ କରାଯିବା ସହିତ ୬୫ ହଜାର ଟଙ୍କା ଜରିମାନା ଆଦାୟ କରାଯାଇଛି। ବଲାଙ୍ଗୀର ଜିଲ୍ଲା ବିଭିନ୍ନ ବ୍ଲକରେ କରୋନା ସଂକ୍ରମଣ ଦିନକୁ ଦୀନ ବଢିବାରେ ଲାଗିଛି । ବେକାବୁ ହେଉଥିବା କୋଭିଡ ସଂକ୍ରମଣକୁ ନିୟନ୍ତ୍ରଣ କରିବାକୁ ଜିଲ୍ଲାରେ ନାଇଟ୍ କର୍ଫ୍ୟୁ ସହ ସପ୍ତାହନ୍ତ ଦୁଇ ଦିନିଆ ସର୍ଟଡାଉନ ଘୋଷଣା କରାଯାଇଛି । ପ୍ରଶାସନ ପକ୍ଷରୁ ବଲାଙ୍ଗୀର ସହରରେ କୋଭିଡ୍ ଗାଇଡ୍ ଲାଇନକୁ କଡାକଡି ଭାବେ କାର୍ଯ୍ୟକାରୀ କରାଯାଉଛି ।

ବଲାଙ୍ଗୀର ତହସିଲଦାର ମଘବନ ବାଗଙ୍କ ନେତ୍ରୁତ୍ବରେ ଆଜି ଟାଉନ ପୋଲିସ ପକ୍ଷରୁ ସହର ର ବିଭିନ୍ନ ଦୋକାନ ବଜାର ଉପରେ ଚଢାଉ କରାଯାଇଛି । ସାମାଜିକ ଦୂରତା ମାନୁ ନ ଥିବା ବେଳେ କୋଭିଡ୍ ଗାଇଡ୍ ଲାଇନ୍ ଉଲଙ୍ଘନ ଅଭିଯୋଗରେ ସହରର ସମଲେଶ୍ବରୀ ମନ୍ଦିର ଛକରେ ଥିବା ରୋସନୀ ଇଲେକ୍ଟ୍ରିକାଲ୍ସ, ଶାନ୍ତି ମୋବାଇଲ୍, ଲଖାନୀ ଗାର୍ମେଣ୍ଟସ ସମେତ ମାଣିକ ତେଜରାତି ଦୋକାନ, ସମଲେଶ୍ବରୀ ଔଷଧ ଦୋକାନ ସମେତ ଦଶଟି ଦୋକାନକୁ ପୋଲିସ ସିଲ୍ କରି ଦେଇଛି । ଏହି ଦୋକାନୀ ମାନଙ୍କ ଠାରୁ ୬୫ ହଜାର ଟଙ୍କା ଜରିମାନା ଆଦାୟ କରାଯାଇଛି ।
ଦୋକାନୀ ଙ୍କ ବାରଣ ସତ୍ତ୍ବେ ଗ୍ରାହକମାନେ କୋଭିଡ ନିୟମ ମାନୁ ନ ଥିବା ନେଇ ଲଖାନୀ ଗାର୍ମେଣ୍ଟସର ମାଲିକ ରାଜେଶ କୁମାର ଲଖାନୀ କହିଛନ୍ତି। ତେବେ ଆସନ୍ତା ସାତ ଦିନ ପାଇଁ ପ୍ରଶାସନ ପକ୍ଷରୁ ଏହି ଦୋକାନ ଗୁଡିକୁ ସିଲ୍ କରି ଦିଆଯାଇଛି । କୋଭିଡ୍ ଆଇନ ଉଲଙ୍ଘନକାରୀ ଙ୍କ ବିରୁଦ୍ଧରେ ପ୍ରଶାସନ ପକ୍ଷରୁ ଦ୍ରୁଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଥିବା ନେଇ ବଲାଙ୍ଗୀର ତହସିଲଦାର ଶ୍ରୀବାଗ ସୂଚନା ଦେଇଛନ୍ତ।