23-Apr-2021

ଉଲୁଣ୍ଡା(ଗୌର ଚନ୍ଦ୍ର ପରିଛା) ଗ୍ରାମାଂଚଲ ମାନଙ୍କରେ ଶୁଦ୍ଧ ପାନୀୟ ଜଳ ଯୋଗାଇ ଦେବା ପାଇଁ ଲକ୍ଷାଧିକ ଟଙ୍କା ବ୍ୟୟ ଅଟକଳରେ ପ୍ରକଳ୍ପ ନିର୍ମାଣ କରୁଛନ୍ତି । ମାତ୍ର ବିଭାଗୀର ଖାମଖିଆଲି ମନୋଭାବ ଏବଂ ରକ୍ଷଣାବେକ୍ଷଣ ଅଭାବରୁ  ବିଭିନ୍ନ ସ୍ଥାନରେ  ପ୍ରକଳ୍ପ ଗୁଡିକ ଅଚଳ ହୋଇ ପଡୁଛି । ଫଳରେ ଲୋକେ ପାଣି ପାଇଁ ଡହକବିକଲ ହେଉଛନ୍ତି । ଏଭଳି ଏକ ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ଉଲୁଣ୍ଡା ବ୍ଲକ କାଦୋଦର ଏବଂ ବମରାଜ ମଧ୍ୟ ଭାଗରେ ଥିବା ପାନୀୟ ଜଳ ପ୍ରକଳ୍ପ । ଏହି ପ୍ରକଳ୍ପ ଉପରେ ବମରାଜ ଏବଂ କାଦୋଦରର ପ୍ରାୟ ଦୁଇ ହଜାର ଲୋକ ନିର୍ଭର କରୁଥିଲେ । ହେଲେ ଦୀର୍ଘ  ୬ ମାସ ହେବ ପାଣି ପାଇବାରୁ ବଂଚିତ ଅଛନ୍ତି ।   ଫଳରେ ଲୋକେ ପାଣି ଟୋପାଏ ପାଇଁ ବହୁ ଅସୁବିଧାର ସମ୍ମଖୀନ ହଉଛନ୍ତି । ଗାଁ ରେ ଥିବା ଏକ ଭଙ୍ଗା ନଳକୂଅରୁ ଆବଶ୍ୟକ ଅନୁସାରେ ପାଣି ଆସୁନଥିବାରୁ କେନାଲ ପାଣି ବ୍ୟବହାର କରିବା ପାଇଁ  ଲୋକେ ବାଧ୍ୟ ହେଉଛନ୍ତି । ଏହି ସମସ୍ୟା ନେଇ ବାରମ୍ବାର ଅଭିଯୋଗ ହେଉଥିଲେ ମଧ୍ୟ କେହି କର୍ଣ୍ଣପାତ କରୁନଥିବା ଅଭିଯୋଗ ହେଉଛି । ଖରାର ପ୍ରକୋପ ବଢିଚାଲିଥିବାରୁ ଯଥାଶୀଘ୍ର ଜଳ ଯୋଗାଣ କରିବା ପାଇଁ ଦାବି ହେଉଛି ।