05-Apr-2021

ବୌଦ୍ଧ(ଶ୍ରୀବନ୍ତ ମେହେର),ବୌଦ୍ଧ ଜିଲ୍ଲା ଗଂଜେଇ ମାଫିଆ ମାନଙ୍କ ଭୂସ୍ୱର୍ଗ ପାଲଟିଛି l ପ୍ରତିଦିନ କ୍ବିଣ୍ଟାଲ୍ କ୍ବିଣ୍ଟାଲ୍ ଗଞ୍ଜେଇ ଦୁଇ ଚକିଆ ଓ ଚାରି ଚକିଆ ଯାନବାହାନ ରେ ଜିଲ୍ଲା ବାହାରକୁ ଚୋରା ଚାଲାଣ ହେଉଥିବା ଅଭିଯୋଗ ହେଉଛି | ପୋଲିସ୍, ଅବକାରୀ ବିଭାଗର ଅନେକ କର୍ମଚାରୀଙ୍କ ଗଂଜେଇ ମାଫିଆ ମାନଙ୍କ ସହ ସମ୍ପର୍କ ଥିବାରୁ ଦିନ ଦ୍ବି ପ୍ରହରରେ ଅବାଧରେ ଚାଲାଣ ହେଉଥିବା ଚର୍ଚ୍ଚା ହେଉଛି | ରବିବାର ଅବକାରୀ ବିଭାଗର କର୍ମଚାରୀ ମାନେ ବୌଦ୍ଧ ବ୍ଲକ୍ ଆମ୍ବଝରୀ ପଂଚାୟତ ଟାଙ୍ଗର ପାଲି ଗ୍ରାମ ନିକଟରେ ଚାଲାଣ ହେଉଥିବା ବେଳେ ୬୫ କେଜି ଗଞ୍ଜେଇ ଜବତ୍ କରିଥିବା ଜଣା ପଡିଛି l ଆଶ୍ଚର୍ଯ୍ୟର କଥା ଦୁଇ ଜଣ ଗଂଜେଇ ଚାଲାଣ କାରୀ ଗଂଜେଇ ଭର୍ତ୍ତି ବସ୍ତା ଫିଙ୍ଗି ଅବକାରୀ ବିଭାଗ କର୍ମଚାରୀଙ୍କୁ ଚକମା ଦେଇ ଫେରାର ମାରିଥିଲେ l ସେହିପରି ଅନ୍ୟ ଏକ ମାମଲାରେ କଣ୍ଟାମାଳ ଅବକାରୀ ପୋଲିସ୍ ବାଲନ୍ଦା ପଡା ଘାଟୀ ଦେଇ ତରଭା ଅଞ୍ଚଳକୁ ବାଇକ ଯୋଗେ ଚାଲାଣ ହେଉଥିବା ୪ କେଜି ଗଞ୍ଜେଇ ସହ ଗୋଟିଏ ବାଇକ ଓ ଆର ୦୩ ଇ ୯୨୬୧ କୁ କୁମେଲବନ୍ଧ ନିକଟରୁ ଜବତ୍ କରିଛି | ଚୋରା ଚାଲାଣ କାରୀ ସୋନପୁର ଜିଲ୍ଲା ତରଭା ଥାନା ଦୁବୁଲା ଗ୍ରାମର ପ୍ରଦୀପ ସାହୁ (୪୨) କୁ ଗିରଫ କରିଥିବା ଜଣା ପଡିଛି l ହେଲେ ସବୁଠାରୁ ଆଶ୍ଚର୍ଯ୍ୟର ବିଷୟ ଯେତେ ପରିମାଣରେ ଗଞ୍ଜେଇ ଧରାପଡୁଛି କିମ୍ବା କାର୍ଯ୍ୟାନୁଷ୍ଠାନ ହେଉଛି ତାକୁ ଚ୍ୟାଲେଞ୍ଜ କଲାଭଳି ତାଠାରୁ ବହୁଗୁଣା ଅଧିକ ପରିମାଣର ଗଞ୍ଜେଇ ଜିଲ୍ଲା ବାହାରକୁ ଚୋରା ଚାଲାଣ ହେଉଥିବା ଘଟଣା ବିଭିନ୍ନ ମହଲକୁ ବିସ୍ମିତ କରୁଛି।ଅବକାରୀ ବିଭାଗର ଉଚ୍ଚ କତ୍ତୃପକ୍ଷ ଏ ଦିଗରେ ବିହିତ ପଦକ୍ଷେପ ନେଇ ବଡଧରଣର କାର୍ଯ୍ୟାନୁଷ୍ଠାନ ନେବାକୁ  ଜନସାଧାରଣରେ ଦାବି ହେଉଛି