04-Apr-2021

ଉଲୁଣ୍ଡା (ଗୌରଚନ୍ଦ୍ର ପରିଛା)- ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ କୋଟସମଲାଇ ସ୍ଥିତ ଅନ୍ୟତମ ପର୍ଯ୍ୟଟନ ସ୍ଥଳୀ ପାତାଲି  ଶ୍ରୀକ୍ଷେତ୍ରର ସାମଗ୍ରିକ ବିକାଶ ପାଇଁ  ରାଜ୍ୟ ସରକାରଙ୍କ ଯୋଜନା ଓ ସମନ୍ୱୟ  ବିଭାଗର ସ୍ପେସିଆଲ ପ୍ରୋବ୍ଲେମ ଫଣ୍ଡ (ଏସପିଏଫ)ରୁ ୨କୋଟି ଟଙ୍କା ମଞ୍ଜୁରୀ ହୋଇଥିବା ଜଣାପଡିଛି । ଉକ୍ତ ଟଙ୍କାରେ ପାତାଳି ଶ୍ରେୀକ୍ଷତ୍ରର ଆନୁଷଙ୍ଗିକ ବିକାଶ ପାଇଁ ଖର୍ଚ କରାଜିବା ବୋଲି ଜଣାପଡିଛି । ପ୍ରକାଶ ଯେ ୨୦୦୩ ମସିହାରେ ପାତାଲି ଶ୍ରୀ କ୍ଷେତ୍ରକୁ  ପର୍ଯ୍ୟଟନର ମାନ୍ୟତା ମିଲିବା ପରେ ଯେତିକି ମାତ୍ରାରେ ଉନ୍ନୟନ ହେବା କଥା ହୋଇପାରିନାହିଁ । ଫଳରେ ଏଠାକୁ ଆସୁଥିବା ପର୍ଯ୍ୟଟକଙ୍କ ମନରେ ଅସନ୍ତୋଷ ଦେଖାଦେଇଛି । ବିଭିନ୍ନ ଗୁମ୍ଫାକୁ ପାବଚ୍ଛ ନିର୍ମାଣ ସହ ଅସ୍ଥାୟୀ ଘରେ ଥିବା ଚତୁର୍ଦ୍ଧା ମୁର୍ତୀଙ୍କ ଭବ୍ୟ ମନ୍ଦିର, ରୋପୱେ ତଥା ପାତାଲି କ୍ଷେତ୍ରରୁ ପୁରି ସମେତ ଅନ୍ୟାନ୍ୟ ପର୍ଯ୍ୟଟନ ସ୍ଥଳିକୁ ବସ ସେବା ହୋଇପାରିନାହିଁ । ମୋଟାମୋଟି ଭାବେ ପାତାଲି ଶ୍ରୀ କ୍ଷେତ୍ରର ବିକାଶ ପାଇଁ ଯେତିକି ଦୃଷ୍ଟି ଦେବା କଥା ଦିଆଯାଇନାହିଁ । ମିଲିଥିବା ଅନୁଦାନ ୨କୋଟି ଟଙ୍କା ସମୁଦ୍ରକୁ ଶଙ୍ଖେ ପଣ ବୋଲି କୁହାଯାଉଛି ।