02-Apr-2021

ବଲାଙ୍ଗିର(ପ୍ରେରଣା ଖବର)- ଆଜି ବଲାଙ୍ଗିର ଗାନ୍ଧିଷ୍ଟାଡିୟମଠାରେ ଆୟୋଜିତ ଓସିଏ ଭିଜନ ୨୦୨୪ ସିନିୟର ଇନ୍‌ଟ୍ରାକ୍ଳବ ସୁପରଲିଗ୍ କ୍ରିକେଟ ପ୍ରତିଯୋଗିତାରେ ନବକିଶୋର କ୍ଳବ ବିଜୟୀ ହୋଇଛି । ଆଜିର ପ୍ରତିଯୋଗିତା ନବକିଶୋର କ୍ଳବ ଓ ପାଟଣାଗଡ କ୍ରିକେଟ କ୍ଳବ ଦଳ ମଧ୍ୟରେ ଅନୁଷ୍ଠିତ ହୋଇଥିଲା । ପାଟଣାଗଡ ଦଳ ଟସ୍ ଜିଣି ପ୍ରଥମେ ବ୍ୟାଟିଂ କରି ୩୫.୩ ଓଭରରେ ସମସ୍ତ ଉଇକେଟ ହରାଇ ୧୬୮ ରନ୍ ସ୍କୋର କରିଥିଲେ । ଦଳ ତରଫରୁ ସୁମନ ପଟ୍ଟନାୟକ ସର୍ବାଧିକ ୬୦ ଓ ହର ବେନ୍ତାକର ୨୬ ରନ୍ କରିଥିଲେ । ନବକିଶୋର ଦଳ ପକ୍ଷରୁ ବାବୁଲୁ ସେଠି ୪ ଓ ଗୋଲକ ବିହାରୀ ୨ ଗୋଟି ୱିକେଟ ଅକ୍ତିଆର କରିଥିଲେ । ୧୬୯ ରନ୍‌ର ଲକ୍ଷକୁ ପିଛା କରିବାକୁ ଯାଇ ନବକିଶୋର କ୍ଳବ ୩୧.୫ ଓଭରରେ ୩ ଉଇକେଟ ବିନିମୟରେ ୧୭୨ ରନ୍ ସଂଗ୍ରହ କରିବା ସହ ୭ ଉଇକେଟରେ ମ୍ୟାଚ ବିଜୟୀ ହୋଇଥିଲେ । ପାଟଣାଗଡ ଦଳ ପକ୍ଷରୁ ସାଗର ପରୁଆ ୨ ଗୋଟି ଉଇକେଟ ଅକ୍ତିଆର କରିଥିଲେ । ନବକିଶେର ଦଳର ବାବୁଲୁ ସେଠିଙ୍କୁ ତାଙ୍କର ବୋଲିଂ ପ୍ରଦର୍ଶନ ପାଇଁ ଆଜିର ଶ୍ରେଷ୍ଠ ଖେଳାଳୀ ଘୋଷିତ କରାଯାଇଥିଲା । ଏହି ମ୍ୟାଚକୁ ଓସିଏ ମାନ୍ୟତା ପ୍ରାପ୍ତ ଅମ୍ପାୟାର ପୃଥ୍ୱୀରାଜ ମିଶ୍ର ଓ ରାଜେନ୍ଦ୍ର ସେଠ୍ ପରିଚାଲନା କରିଥିବା ବେଳେ ସୁଭମ ନାଏକ ଓ ସ୍ୱାଗତ ସ୍କୋରର ଦାୟିତ୍ୱ ତୁଲାଇଥିଲେ ।