22-Mar-2021

ଟିଟିଲାଗଡ(ପ୍ରେରଣା ଖବର ବ୍ୟୁରୋ) ପ୍ରଥମେ ଯଥାରୀତି  ବିବାହ ପାଇଁ ଉଭୟ ପୁଅ ଓ ଝିଅ ପକ୍ଷ ରାଜି ହୋଇ ବିବାହ ତିଥି ଧାର୍ଯ୍ୟ କରାଯାଇ ଥାଏ । ଝିଅ ର ପିତା, ମାତା ପରିବାର ଲୋକେ ରାଜି ହୋଇ ପିନ୍ଧାଣି ତିଥୀ ଧାର୍ଯ୍ୟ କରିବା ଓ ପୁଅ ପକ୍ଷ ସୁନା ଗହଣା ଓ ବିଭିନ୍ନ ସାମଗ୍ରୀ  ଦେଇ ଵିଵାହ ତାରିଖ ଧାର୍ଯ୍ୟ ହୋଇ ଥାଏ,ହେଲେ ବିବାହ କରିବାକୁ ଝିଅ ପକ୍ଷ କିଛି ଦିନ ପରେ ରୋକ ,ଠୋକ  ମନା କରିଦେବା ସହ ଉକ୍ତ ପୁଅ ପକ୍ଷ ପିନ୍ଧାଇ ଥିବା ସୁନା ଗହଣା ଓ ସମସ୍ତ ସାମଗ୍ରୀ ହଡପ କରି ଦେଇଥାଥାନ୍ତି । ଏପରି ଖୋଲା ଖୋଲି ପ୍ରାୟ ସାତ ଗୋଟି ପରିବାର ସର୍ବସ୍ୱାନ୍ତ ହୋଇଥିବା ପରି ଗୁରୁତର ଅଭିଯୋଗ ହୋଇଛି । ଏଭଳି ଅଭିନବ ଉପାୟ ରେ ବଲାଙ୍ଗୀର ଜିଲ୍ଲାର ଟିଟିଲାଗଡ ଥାନା ଅନ୍ତର୍ଗତ ଦରଲୋ ଗ୍ରାମର  ବୈଶାଖୁ ନାଗ ତାଙ୍କ  ପୁଅ ଵିନୟ ନାଗ ର ବିବାହ ପାଇଁ ଟିଟିଲାଗଡ ଥାନା ଅନ୍ତର୍ଗତ ସେବତୀ ପଡା ଗ୍ରାମ ନିବାସୀ ହସମୁଖ ବନଚୋର  ଙ୍କ ଝିଅ ଜାଜ୍ଞସେନି ବନଛୋର,ବ-୨୧, ସହ ଉଭୟ ପକ୍ଷ ର ସହମତି କ୍ରମେ ସ୍ଥିର ହୋଇଥିଲା । ଗତ ମାର୍ଚ୍ଚ ମାସ ୧୧,୦୩,୨୦୨୦ ତାରିଖ ଦିନ ଝିଅ ର ଗ୍ରାମରେ ନିର୍ବନ୍ଧ  ବା ପିନ୍ଧାଣି କାର୍ଯ୍ୟ ସମ୍ପାଦନ ହୋଇଥିଲା । ଏହି ନିର୍ବନ୍ଧ ସମୟରେ ଯଥା ରୀତି ସୁନା ତଥା ଅନ୍ୟ ସମସ୍ତ ସାମଗ୍ରୀ ସମୁଦାୟ ପ୍ରାୟ ୭ଲକ୍ଷ୫୦ ହଜାର୪୩୦ଟଙ୍କା ର ଦିଆଯାଇଥିଲା । ଗତ ତା୧୧-୦୪-୨୦୨୦ରିଖ ଦିନ ଵିଵାହ ତାରିଖ ଧାର୍ଯ୍ୟ ଥିବା ବେଳେ କରୋନା କଟକଣା ଯୋଗୁଁ ବିବାହ ସ୍ଥଗିତ ରଖାଯାଇଥିଲା । ପରେ ଗତ ପ୍ରାୟ ତିନି ମାସ ତଳେ  ଅନ୍ୟ ଏକ ତାରିଖ ଧାର୍ଯ୍ୟ କରିବା ନିମନ୍ତେ ଝିଅ ଘର କୁ ଯାଇ ପହଞ୍ଚିଥିଲେ । 

  ହେଲେ ଉକ୍ତ ଝିଅ ଘରେ ଝିଅ ର ବାପା ଓ ତା ମାଆ ତଥା ଅନ୍ୟମାନେ ମିଶି ଗାଳି, ଗୁଲଜ କରି ବିବାହ  କରିବା କୁ ମନା କରିଥିଲେ ।  ଵିଵାହ ପାଇଁ ନାରାଜ ହେବାରୁ  ଦିଆଯାଇଥିବା ସମସ୍ତ ସୁନା ଓ ଅନ୍ୟ ସାମଗ୍ରୀ ତଥା ନଗଦ ଟଙ୍କା ଫେରାଇବାକୁ କହିବାରୁ ଦେବାକୁ ମନା କରି ଓଲଟା ଧମକ,ଚମକ ଦେଇଥିବା ନେଇ ପୁଅ ପକ୍ଷ ଟିଟିଲାଗଡ ଥାନା ରେ ଏତଲା ଦେଇଥିବା ଜଣାଇଛନ୍ତି ।
ଏପରି କି ପୋଲିସ କୁ ଆମେ ଟଙ୍କା ଦେଇଛୁ, ତୁ କିଛି କରିପାରିବୁ ନାହଁ,ଓଲଟା ତତେ ଓ ତୋ ପରିବାର ର ସମସ୍ତ ଙ୍କୁ ରେପ କେଶ ଲଗେଇ ଜେଲ କରି ଦେବୁ ବୋଲି ଧମକ ଦେଉଛନ୍ତି ବୋଲି ଅଭିଯୋଗ ରେ ଦର୍ଶାଯାଇଥିବା ବେଳେ ଟିଟିଲାଗଡ ଥାନା ଅଧିକାରୀ ଏ ନେଇ ତଦନ୍ତ ଆରମ୍ଭ କରିଥିବା ଜଣାଯାଇଛି ।

ସୂଚନା ଯୋଗ୍ୟ ଯେ ଏହି ପରିବାର ଲୋକ ଏହି ପରି ପୂର୍ବରୁ ନାନାଝର, ମିନାପାଲି, କତରକେଲା,ନାରେନ,ଠେମରା, ଜଗୁଆ ଆଦି ଗ୍ରାମର ଆଉ ଛଅଟି ପରିବାର ଲୋକ ଙ୍କ ଠାରୁ ଏପରି ଅଭିନବ ଉପାୟ ରେ ଠକେଇ କରିଥିବା ପରି ଗୁରୁତର ଅଭଯୋଗ ହୋଇଛି ।